ADផ្ទាំងផ្សព្វផ្សាយពាណិជ្ជកម្ម

Picture

ដឹង​ទេ​ថា ក្រុម​តារា​កូរ៉េ BTS មានទ្រព្យ​សម្បត្តិ​សរុប​ប៉ុន្មាន?

4 ឆ្នាំ មុន

ក្នុង​កំឡុង​ពេល​ប៉ុន្មាន​ឆ្នាំ​ថ្មី​ៗ​កន្លង​មកនេះ​ក្រុម​តារា​កូរ៉េ BTS បាន​ក្លាយជា​ក្រុម​តារា​ដែល​ធំ​ជាងគេ​លើ​ពិភពលោក ។ អាល់​ប៊ុ​ម​ចម្រៀង​របស់​ពួក​គេ​ត្រូវ​បាន​លក់​ចេញ​អស់​រាប់​លាន ហើយ​ពួក​គេ​បាន​ចូលរួម​កម្មវិធី​ជា​ច្រើន​ជុំវិញ​ពិភពលោក ។ ភាព​ជោគជ័យ​នេះ​បាន​ធ្វើ​ឲ្យ​មនុស្ស​ជា​ច្រើន​មាន​ច​ម្ង​ល់​ថា តើ BTS…

ក្នុង​កំឡុង​ពេល​ប៉ុន្មាន​ឆ្នាំ​ថ្មី​ៗ​កន្លង​មកនេះ​ក្រុម​តារា​កូរ៉េ BTS បាន​ក្លាយជា​ក្រុម​តារា​ដែល​ធំ​ជាងគេ​លើ​ពិភពលោក ។ អាល់​ប៊ុ​ម​ចម្រៀង​របស់​ពួក​គេ​ត្រូវ​បាន​លក់​ចេញ​អស់​រាប់​លាន ហើយ​ពួក​គេ​បាន​ចូលរួម​កម្មវិធី​ជា​ច្រើន​ជុំវិញ​ពិភពលោក ។

ភាព​ជោគជ័យ​នេះ​បាន​ធ្វើ​ឲ្យ​មនុស្ស​ជា​ច្រើន​មាន​ច​ម្ង​ល់​ថា តើ BTS រក​ចំណូល​បាន​ប៉ុន្មាន​ហើយ​ក្នុង​រយៈពេល​ជា​ច្រើន​ឆ្នាំ​កន្លង​មកនេះ ? តើ​ទ្រព្យសម្បត្តិ​សរុប​របស់​ពួក​គេ​ពិតជា​ស័​ក្កិ​សម​នឹង​ឈ្មោះ​ដ៏​ល្បីល្បាញ ឬទេ?

ក្រុម​តារា BTS បាន​ចាប់ផ្តើម​ក្នុង​ប្រទេស​កូរ៉េ​ខាងត្បូង កាលពី​ឆ្នាំ​២០១៣ ក្រោម​ក្រុមហ៊ុន Big Hit Entertainment ដែល​ជា​ក្រុមហ៊ុន​តូច​មួយ និង​មិន​មាន​ថវិកា ឬ​ធនធាន​គ្រប់គ្រាន់ ដើម្បី​ជួយ​ឲ្យ​ក្រុម​នេះ​ប្រកួតប្រជែង​ជាមួយនឹង​ក្រុម​តារា​ដទៃ​មក​ពី​ក្រុមហ៊ុន​ធំ​ៗ​ឡើយ ។ ប៉ុន្តែ​ក្រុម​នេះ​ជោគជ័យ​ព្រោះតែ​ពួក​គេ​ព្យាយាម​ធ្វើ​អ្វី​ដែល​ខុស​ពី​ក្រុម​ដទៃ ។ ពួក​គេ​ស្ថិត​ក្នុង​ចំណោម​តារា​កូរ៉េ​មួយ​ចំនួន​តូច​ដែល​តែងតែ​សរសេរ​បទ​ចម្រៀង​ដោយ​ខ្លួនឯង​ពី​ជីវិត​ជា​យុវវ័យ និង​បញ្ហា​ក្នុង​សង្គម​មួយ​ចំនួន​ដែល​មនុស្ស​នៅ​វ័យក្មេង​ក្នុង​ប្រទេស​កូរ៉េ​ខា​ត្បូង​តែង​ជួប​ប្រទះ ។

សមាជិក​ក្រុម​នេះ​ក៏​សកម្ម​ដែរ​លើ​ប្រព័ន្ធ​សង្គម ហើយ​ពួក​គេ​តែងតែ​ជជែក​ជាមួយ​អ្នកគាំទ្រ​តាម​ប្រព័ន្ធ​សង្គម​ជាដើម ។ ការ​ខិតខំ​របស់​ពួក​គេ​បាន​ជួយ​ឲ្យ​ក្រុម​នេះ​ទទួល​បាន​រង្វាន់ Billboard Music Award នៅ​ឆ្នាំ ២០១៧ ហើយ​តាំងពី​នោះ​មក ពួក​គេ​បាន​ឈ្នះ​រង្វាន់ Billboard ចំនួន​៤, People’s Choice Award ចំនួន​៤, និង​រង្វាន់​រាប់រយ​ទៀត​ជុំវិញ​ពិភពលោក ។

យោង​ទៅ​តាម​ប្រភព​ផ្សេង​ៗ​គ្នា​បាន​ឲ្យ​ដឹង​ថា BTS មានទ្រព្យ​សម្បត្តិ​រួម​សរុប​រវាង​៤៥ លាន​ដុល្លារ​ទៅ​៦០ លាន​ដុល្លារ ហើយ​ពួក​គេ​រក​ចំណូល​ភាគច្រើន​ពី​ការ​លក់​អាល់​ប៊ុ​ម​ចម្រៀង ការ​ដើរ​ប្រគុំ​តន្ត្រី និង​ការ​ធ្វើ​ជា​ប្រេ​ន Ambassador សម្រាប់​ក្រុមហ៊ុន​ជា​ច្រើន​ជុំវិញ​ពិភពលោក ។
ឈ្មោះ​របស់​ក្រុម​នេះ មាន​តម្លៃ​ខ្ពស់​ណាស់ ហើយ​មាន​សេចក្តីរាយការណ៍​មួយ​ចំនួន​ប្រាប់​មក​ថា ពួក​គេ​នាំ​ថវិកា​ប្រមាណ ៣.៦ ប៊ី​លាន​ដុល្លារ​ទៅ​សេដ្ឋកិច្ច​ប្រទេស​ទៀត​ផង ។ យោង​តាម Seventeen.com បាន​ឲ្យ​ដឹង​ថា សមាជិក​នីមួយ​ៗ​ក៏​មាន​ប្រភព​ចំណូល​ខុស​ៗ​គ្នា​ដែរ ។

ឧទាហរណ៍​ដូច​ជា J-Hope ដែល​ជា Rapper ប្រចាំ​ក្រុម​មានទ្រព្យ​សម្បត្តិ​ផ្ទាល់ខ្លួន​ច្រើន​ជាងគេ គឺ​ដល់​ទៅ ១២​លាន​ដុល្លារ​ដែល​ប្រភព​ចំណូល​មាន​ដូច​ជា ការ​សរសេរ​ចម្រៀង​ជាដើម ។
ក្រៅពី​នេះ​ហើយ Jin ដែល​ជា​សមាជិក​ដែល​មាន​អាយុ​ច្រើន​ជាងគេ​ប្រចាំ​ក្រុម​វិញ គឺជា​ម្ចាស់​ភោជនីយដ្ឋាន​មួយ​នៅ​ទីក្រុង​សេ​អ៊ូ​ល ហើយ V វិញ​ប្រកប​អាជីព​មួយទៀត​ជា​តារា​សម្តែង​ជាដើម ៕ កែសម្រួល​ដោយ ៖ សុ​ឃា​ក់

អត្ថបទសរសេរ ដោយ

កែសម្រួលដោយ