តាមប្រភពព័ត៌មាន Soccer Laduma បានឱ្យដឹងថា កីឡាករជើងខ្លាំងរបស់ក្លិបសេះបង្កង់ Cristiano Ronaldo កំពុងតែបញ្ចុះបញ្ចូលក្លិបរបស់ខ្លួនទិញយកអតីតមិត្តរួមក្រុម Isco ដែលមានតម្លៃ៦៥លានអឺរ៉ូមកលេង។
កីឡាករខ្សែបម្រើរបស់ក្លិបអធិរាជស កន្លងមកតែងតែមានដំណឺងជាច្រើនថានឹងចាកចេញពីក្លិបបច្ចុប្បន្ន ក្រោយពីឃើញមានការធ្លាក់ចុះនូវទំនួលខុសត្រូវក្នុងក្រុម ក្រោមការដឹកនាំរបស់លោក Zinedine Zidane។ នៅពេលនេះ Ronaldo ក៏បានចាក់មនោគមន៍ឱ្យ Juventus ប្រមាញ់យកតែម្តង។
តាមព័ត៌មាន Fox Sports បានឱ្យដឹងថា Ronaldo បានប្រាប់ក្លិបអ៊ីតាលីពីស្ថានភាពរបស់ Isco ហើយចង់ឱ្យក្លិបយក្សអ៊ីតាលីទិញកីឡាករតម្លៃ៦៥លានអឺរ៉ូរូបនេះមកលេង។ ជាមួយគ្នានេះដែរ ក្លិបមេឃខៀវ Manchester City ក៏ត្រូវបានគេដឹងថា ចង់ទិញយក Isco មកលេងផងដែរ ក្រោយពីគ្រូបង្វឹកលោក Pep Guardiolo ចាត់ទុក Isco ជាកីឡាករសម្រាប់ជំនួសកន្លែងរបស់ David Silva ខណៈដែលក្លិប Bayern Munich ក៏ចង់បានដូចគ្នា។
គួរបញ្ជាក់ផងដែរថា កីឡាករអាយុ២៧ឆ្នាំរូបនេះ ត្រូវបានគេដឹងថា ទំនងជាទៅលេងឱ្យអ៊ីតាលី ជាងការទៅលេងឱ្យអង់គ្លេសឬអាល្លឺម៉ង់ ដែលធ្វើឱ្យ Juventus មានប្រៀបក្នុងការដណ្តើមយកទៅនៅរដូវកាលក្រោយ។ តាំងពីផ្លាស់ពី Malaga ចូលមក Real Madrid នៅឆ្នាំ២០១៣ គេបានរកគ្រាប់បាល់ជូនក្លិប ៤៨គ្រាប់ នៅក្នុងការប្រកួត២៨០ដង៕
ប្រភព ៖ soccerladuma , កែសម្រួលដោយ ៖ សំណាង
ចែករំលែកព័តមាននេះ