តាមប្រភពព័ត៌មាន Fox Sports Asia បានឱ្យដឹងថា កីឡាករជើងខ្លាំងរបស់ក្លិបអ្នកមានបុណ្យ Lionel Messi ចុងក្រោយបានបង្ហើបប្រាប់ពីមូលហេតុដែលគេមិនចង់ឱ្យគូប្រជែងរាប់ឆ្នាំ Cristiano…
តាមប្រភពព័ត៌មាន Fox Sports Asia បានឱ្យដឹងថា កីឡាករជើងខ្លាំងរបស់ក្លិបអ្នកមានបុណ្យ Lionel Messi ចុងក្រោយបានបង្ហើបប្រាប់ពីមូលហេតុដែលគេមិនចង់ឱ្យគូប្រជែងរាប់ឆ្នាំ Cristiano Ronaldo ចាកចេញពី Real Madrid កាលពីឆ្នា២០១៨ ។
កីឡាករទាំងពីរនាក់នេះ ត្រូវបានគេគ្រប់គ្នាស្គាល់ថាជាកីឡាករខ្លាំងផ្តាច់គេតាំងពីខ្ទង់ឆ្នាំ២០០០ ហើយបន្តមកដល់សព្វថ្ងៃ។ ពួកគេលេងនៅក្នុងលីគតែមួយតាំងពីឆ្នាំ២០០៩ ដល់ឆ្នាំ២០១៨ ក្រោយពេល Ronaldo បានចាកចេញពីទៅក្លិបយក្សអ៊ីតាលី Juventus។
កាលពីឆ្នាំ២០១៨ Messi បានប្រាប់ភ្លាមៗថាមិនចង់ឱ្យ Ronaldo ទៅលេងនៅលីគផ្សេងទេ ក្រោយពីបានព័ត៌មានថា Ronaldo នឹងចាកចេញពីអេស្ប៉ាញទៅកាន់អ៊ីតាលី។ តែពាក្យសម្តីនេះ មិនអាចឃាត់ការចាកចេញរបស់ Ronaldo បានទេ។
ពេលនេះ Messi ប្រាប់ពីមូលហេតុទៅកាន់សារព័ត៌មាន RAC1 ថា៖«ខ្ញុំពេលនោះចង់ឱ្យគេបន្តនៅ Real Madrid ទៀត។ គេបានបន្ថែមភាពប្រកួតប្រជែងនៅក្នុង Clasico និង La Liga។ Real Madrid នឹងអាចបន្តភាពប្រកួតប្រជែងនេះ ព្រោះតែពួកគេមានកីឡាករខ្លាំងៗច្រើន។ តែខ្ញុំបាននិយាយរួចហើយថាកីឡាករទាំងអស់នឹងទទួលបានអារម្មណ៍បាត់បង់ Ronaldo»។
គួរបញ្ជាក់ផងដែរថា Ronaldo បានចាកចេញទៅកាន់ក្លិបអ៊ីតាលីកាលពីឆ្នាំ២០១៨ ដែលជាការចាកចេញរញ្ជួយពិភពបាល់ទាត់។ កីឡាករព័រទុយហ្កាល់រូបនេះ បានបន្សល់នូវពាន Champions League បីជាប់ៗគ្នាជូនដល់ក្លិប Real Madrid។ ពេលនេះ បើទោះបីជាពួកគេមិនស្ថិតនៅក្នុងលីគតែមួយក៏ដោយ ពួកគេនៅតែជាគូប្រជែងក្នុងការយកពានសំខាន់ៗមួយចំនួនដូចជា Ballon d’Or ជាដើម ៕
ប្រភព ៖ foxsportsasia , កែសម្រួលដោយ ៖ សំណាង
ចែករំលែកព័តមាននេះ