រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា គណៈបញ្ជាការឯកភាពខណ្ឌដូនពេញបានសហការគ្នាជាមួយកម្លាំងអធិការដ្ឋាននគរបាលខណ្ឌដូនពេញបានធ្វើការឃាត់យករថយន្តធុនធំចំនួន៦គ្រឿង ទៅណែនាំនិងផាកពិន័យតាមផ្លូវច្បាប់ ដោយសារតែរថយន្តធុនធំខាងលើនេះ បើកចូលក្រុងភ្នំពេញមុនម៉ោងដែលសាលារាជធានីភ្នំពេញបានកំណត់ ហេតុការណ៍នេះបានកើតឡើងកាលពីយប់ថ្ងៃទី៩ ខែតុលា តាមបណ្តោយផ្លូវព្រះមុនីវង្ស…
រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា គណៈបញ្ជាការឯកភាពខណ្ឌដូនពេញបានសហការគ្នាជាមួយកម្លាំងអធិការដ្ឋាននគរបាលខណ្ឌដូនពេញបានធ្វើការឃាត់យករថយន្តធុនធំចំនួន៦គ្រឿង ទៅណែនាំនិងផាកពិន័យតាមផ្លូវច្បាប់ ដោយសារតែរថយន្តធុនធំខាងលើនេះ បើកចូលក្រុងភ្នំពេញមុនម៉ោងដែលសាលារាជធានីភ្នំពេញបានកំណត់ ហេតុការណ៍នេះបានកើតឡើងកាលពីយប់ថ្ងៃទី៩ ខែតុលា តាមបណ្តោយផ្លូវព្រះមុនីវង្ស សង្កាត់ស្រះចក ខណ្ឌដូនពេញ ។
តាមប្រភពព័ត៌មានពីសមត្ថកិច្ចបានឲ្យដឹងថា យោងតាមបទបញ្ជាពីលោកឃួង ស្រេង
អភិបាលរាជធានីភ្នំពេញណែនាំឲ្យលោកអភិបាលតាមបណ្តាខណ្ឌនានា ក្នុងរាជធានីភ្នំពេញអុនវត្តន៍ច្បាប់ចាប់រថយន្តធុនធំគ្រប់ប្រភេទដែលបើកចេញចូលក្នុងក្រុងភ្នំពេញទាំង រំលោភច្បាប់របស់សាលារាជធានីភ្នំពេញបានចែងហាមមិនឲ្យរថយន្តធុនធំបើកចេញចូល ក្នុងក្រុងភ្នំពេញចាប់ពីម៉ោង៦ព្រឹក រហូតដល់ម៉ោង៩យប់ ដើម្បីកាត់បន្ថយការកកស្ទះចរា ចរណ៍ និងគ្រោះថ្នាក់ចរាចរណ៍កើតឡើងជាយថាហេតុនៅក្នុងក្រុងភ្នំពេញ ។
ជាលទ្ធផលនៅក្នុងខណ្ឌដូនពេញសមត្ថកិច្ចបានធ្វើការឃាត់រថយន្តធុនធំដែលមិនគោរព ច្បាប់របស់សាលារាជធានីភ្នំពេញបានចំនួន៦គ្រឿង ក្នុងនោះមានរថយន្តប្រភេទស្ទូច និង
ប្រភេទរថយន្តដឹកដែក ដឹកឥដ្ឋ ។
រថយន្តធុនធំខាងលើនេះត្រូវបានសមត្ថកិច្ចឃាត់ទុកជាបណ្តោះអាសន្ននៅផ្លូវហាណូយក្នុងដីឡូត៍មួយកន្លែង ដើម្បីរង់ចាំធ្វើការការផាក់ពិន័យ និងណែនាំឲ្យគោរពច្បាប់មិនត្រូវបើកចេញចូលក្រុងមុនម៉ោងកំណត់ជាដាច់ខាត ៕ កែសម្រួលដោយ ៖ សុឃាក់
ចែករំលែកព័តមាននេះ