ម៉ូលីកា មិនទារសំណងសូម្បីមួយរៀល ពេលក្មេងប្រុសបើកបុកឡានរបស់នាង
- ភ្នំពេញ
រាជធានីភ្នំពេញ ៖ រថយន្ដស៊េរីទំនើបម៉ាក Range Rover ស៊េរីឆ្នាំ២០១៥ ពណ៌ស តម្លៃ១៥ម៉ឺនដុល្លារ ដែលជាកម្មសិទ្ធិរបស់អតីតតារាចម្រៀងផលិតកម្ម Rock…
រាជធានីភ្នំពេញ ៖ រថយន្ដស៊េរីទំនើបម៉ាក Range Rover ស៊េរីឆ្នាំ២០១៥ ពណ៌ស តម្លៃ១៥ម៉ឺនដុល្លារ ដែលជាកម្មសិទ្ធិរបស់អតីតតារាចម្រៀងផលិតកម្ម Rock…
រាជធានីភ្នំពេញ ៖ រថយន្ដស៊េរីទំនើបម៉ាក Range Rover ស៊េរីឆ្នាំ២០១៥ ពណ៌ស តម្លៃ១៥ម៉ឺនដុល្លារ ដែលជាកម្មសិទ្ធិរបស់អតីតតារាចម្រៀងផលិតកម្ម Rock ម៉ូលីកា នោះ ត្រូវបានក្មេងប្រុសវ័យ១៣ឆ្នាំម្នាក់ បើករ៉ឺម៉ក់ម៉ូតូសម្រាប់ដឹកលៀសហាលលក់ មកបុកនៅចំពីចំហៀងខាងស្ដាំរថយន្តរបស់នាង បណ្តាលឱ្យរងការខូចខាតយ៉ាងធ្ងន់ធ្ងរ កាលពីរសៀលថ្ងៃទី៨ ខែតុលា ឆ្នាំ២០១៩ នៅតាមបណ្ដោយផ្លូវ៦០ម៉ែត្រ ស្ថិតក្នុងសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ។
ក្រោយពេលកើតហេតុ តារាចម្រៀងនាង ម៉ូលីកា មិនបានទាមទារប្រាក់សំណងពីក្មេងប្រុសដែលមិនទាន់គ្រប់អាយុ ហើយបើកបររ៉ឺម៉ក់ម៉ូតូនោះសូម្បីតែ១រៀលឡើយ ដោយនាងគ្រាន់តែឲ្យក្មេងនោះសុំទោសជាសាធារណៈ ហើយទទួលស្គាល់កំហុសរបស់ខ្លួនដែលបើកលឿនវ៉ាខាងស្ដាំ ធ្វើឲ្យបុករថយន្ដរបស់នាងរងការខូចខាតយ៉ាងដំណំនោះប៉ុណ្ណោះ ។
តារាចម្រៀង ម៉ូលីកា បានប្រាប់នៅកន្លែងកើតហេតុថា រថយន្ដ Range Rover ពណ៌សពាក់ស្លាកលេខ 2BF-3777 នោះជារបស់នាងមែន តែនៅថ្ងៃកើតហេតុនោះ គឺបងប្រុសរបស់នាងជាអ្នកបើកបរជូនបុគ្គលិកដើរលេង ហើយដោយសារតែផ្លូវនោះស្ទះទៀត អ៊ីចឹងហើយគាត់បើកយឺតៗប៉ុណ្ណោះ តែចៃដន្យអីក្មេងប្រុសម្នាក់បានជិះម៉ូតូកង់បីនេះ បើកលឿន ហើយវ៉ាស្ដាំទៀត និងកៀរឡានរបស់នាង បណ្ដាលឲ្យខ្ទេចមួយចំហៀងខាងស្ដាំតែម្ដង ។
ចំណែកនាងវិញ បានជិះរថយន្ដផ្សេងមួយទៀត ហើយគ្រាន់តែចុះពីលើរថយន្ដឃើញអ្នកបើកបរតូច ហើយជិះម៉ូតូដឹកលៀសអ៊ីចឹង នាងមិនដឹងថាទារសំណងអីបានទេ គឺមានតែការអនុគ្រោះដល់ក្មេងប្រុសរូបនោះដោយគ្មានសំណង១រៀលឡើយ ។ ប៉ុន្ដែមូលហេតុដែលនាងតម្រូវឲ្យក្មេងប្រុសរូបនោះសុំទោសនាង ដោយសារតែក្មេងប្រុសនេះបើកបុកឡានរបស់នាងធ្វើឱ្យខូចខ្ទេចម៉ាចំហៀងខាងស្ដាំទៅហើយ បែរជាធ្វើសម្ភាសន៍ឲ្យខាងទូរទស្សន៍មួយថា បងប្រុសរបស់នាងជាអ្នកបើកឡានបុកម៉ូតូរបស់គេទៅវិញ ។
ម៉ូលីកា បន្តថា នាងអស់ចិត្តនៅពេលដែលក្មេងប្រុសម្នាក់នោះសុំទោស និងចេះទទួលស្គាល់កំហុស ប៉ុន្ដែឪពុកម្ដាយគ្រប់រូបមិនគួរណាបណ្ដោយឲ្យក្មេងទើបមានអាយុ១៣ឆ្នាំបើកបរបែបនេះទេ ព្រោះពេលបុកគេទៅ តើយ៉ាងម៉េច បើមិនទាន់គ្រប់អាយុផងហ្នឹង?
នាងបន្តថា នេះប៉ះចំនាងដែលមានការអាណិតចំពោះក្មេងប្រុសរូបនោះ តែបើប៉ះអ្នកផ្សេងវិញ ទាមទារសំណងតើគិតយ៉ាងម៉េចវិញ? ព្រោះរថយន្ដនាងទិញកុម្ម៉ង់មកពីបរទេសថ្លៃគួរសម ហើយការជួសជុសក៏ចំណាយលុយច្រើនដែរ ព្រោះត្រូវការកុម្ម៉ង់គ្រឿងពីបរទេសមកដាក់ឲ្យដូចដើមវិញ គឺខាតទាំងពេលវេលា ខាតទាំងថវិកាទៀត ៕ (កែសម្រួលដោយ ៖ បុប្ផា)
ចែករំលែកព័តមាននេះ