រាជធានីភ្នំពេញ ៖ រដ្ឋបាលរាជធានីភ្នំពេញ តម្រូវឲ្យម្ចាស់នាវាចរទេសចរណ៍ទាំងអស់ ត្រូវបំពាក់ឧបករណ៍ការពារសុវត្ថិភាពឲ្យបានគ្រប់គ្រាន់ ដើម្បីធានាឲ្យភ្ញៀវមានសុវត្ថិភាព និងភាពសប្បាយរីករាយ។ អភិបាលរាជធានីភ្នំពេញបានកំណត់ឲ្យម្ចាស់ការណូតទេសចរណ៍ទាំងអស់ ដែលស្ថិតក្នុងភូមិសាស្ត្ររាជធានីភ្នំពេញត្រូវតែរៀបចំជលយាន្តរបស់ខ្លួនឲ្យបានត្រឹមត្រូវ ដោយមានការបំពាក់ឧបករណ៍ការពារសុវត្ថិភាព…
រាជធានីភ្នំពេញ ៖ រដ្ឋបាលរាជធានីភ្នំពេញ តម្រូវឲ្យម្ចាស់នាវាចរទេសចរណ៍ទាំងអស់ ត្រូវបំពាក់ឧបករណ៍ការពារសុវត្ថិភាពឲ្យបានគ្រប់គ្រាន់ ដើម្បីធានាឲ្យភ្ញៀវមានសុវត្ថិភាព និងភាពសប្បាយរីករាយ។ អភិបាលរាជធានីភ្នំពេញបានកំណត់ឲ្យម្ចាស់ការណូតទេសចរណ៍ទាំងអស់ ដែលស្ថិតក្នុងភូមិសាស្ត្ររាជធានីភ្នំពេញត្រូវតែរៀបចំជលយាន្តរបស់ខ្លួនឲ្យបានត្រឹមត្រូវ ដោយមានការបំពាក់ឧបករណ៍ការពារសុវត្ថិភាព ដូចជាពោងសុវត្ថិភាព ឧបករណ៍ពន្លត់អគ្គិសភ័យ និងឧបករណ៍ សម្រាប់ជួយសង្គ្រោះអ្នកដំណើរជាដើម ។
ថ្លែងក្នុងកិច្ចប្រជុំស្តីពីការគ្រប់គ្រងកាណូតទេសចរណ៍នៅរដ្ឋបាលរាជធានីភ្នំពេញ លោក ឃួង ស្រេង អភិបាលរាជធានីភ្នំពេញបានអះអាងថា ការកំណត់អោយម្ចាស់កាណូតទេសចរណ៍មានឧបករណ៍ការពារសុវត្ថិភាពនេះ គឺដើម្បីធ្វើយ៉ាងណាអោយអ្នកទេសចរណ៍ទាំងអស់ ដែលជិះទូកកម្សាន្តមានភាពកក់ក្តៅ និងសប្បាយរីករាយមិនបារម្ភពីបញ្ហាគ្រោះថ្នាក់ណាមួយកើតឡើង។
លោកបញ្ជាក់ថា ក្រៅពីការកំណត់ឲ្យបំពាក់ឧបករណ៍សុវត្ថិភាពនេះ ម្ចាស់ជលយាន្តទេសចរណ៍ទាំងនោះត្រូវតែប្រមូលផ្តុំគ្នានៅចំណតកំពង់ផែតែមួយ ដែលសាលារាជធានីភ្នំពេញ នឹងរៀបចំជូនស្ថិតបរិវេណច្រាំងទន្លេនៃ សួនច្បារខណ្ឌឬស្សីកែវ រាជធានីភ្នំពេញ ។
លោក ឃួង ស្រេង បានលេីកឡេីងទៀតថា នេះជាការរៀបចំការណូតទេសចរណ៍ ឲ្យមានសណ្តាប់ធ្នាប់ ងាយស្រួលគ្រប់គ្រង ដែលមិនបង្កផលប៉ៈពាល់ដល់ភ្ញៀវទេសចរ និងសណ្តាប់ធា្នប់សាធារណៈ។ ប្រធានសមាគមកាណូតទេសចរណ៍រាជធានីភ្នំពេញបានឯកភាពទទួលយកគោលការណ៍ខាងលេីនេះដើម្បីធានាឲ្យភ្ញៀវដែលជិះទូកកម្សាន្តតាមដងទន្លេសាបមានសុវត្ថិភាពខ្ពស់ ។
ចែករំលែកព័តមាននេះ