រាជធានីភ្នំពេញ៖ តារាចម្រៀងតូចច្រឡឹងដែលដុសខាត់សមត្ថភាពចេញពីសាលាសិល្បៈចំរើន សុភក្រ័ បានកសាងកេរ្តិ៍ឈ្មោះកាន់តែប្រសើរឡើងជាលំដាប់ ។ តាំងពីមានឈ្មោះលេចធ្លោក្នុងសង្គមសិល្បៈមក គ្រប់សកម្មភាពរបស់នាងត្រូវមហាជនចាប់អារម្មណ៍មិនថាបទចម្រៀង ឬការតុបតែងខ្លួនឡើយ ។ ពេលនេះមហាជនកាន់តែចាប់អារម្មណ៍ចំពោះរឿងស្នេហ៍របស់នាងជាមួយបុរសម្នាក់ ។
កញ្ញា ចំរើន សុភ័ក្រ ជាអតីតបេក្ខភាពក្នុងកម្មវិធី The Voice Cambodia និងជាតារាចម្រៀងប្រចាំផលិតកម្មហង្សមាស ហាក់ដូចជាឡើងកូដយ៉ាងខ្លាំងក្នុងអាជីពរបស់ខ្លួន ។ ជាមួយគ្នានេះចំរើន សុភ័ក្រ ក៏មានបងស្រីឈ្មោះចំរើន សុភា គឺជាអ្នករាំរបាំ ថែមទាំងមានមានទឹកដមសំឡេងពីរោះរណ្ដំទៀតផង ។ បើទោះជាកញ្ញា ចំរើន សុភ័ក្រ ជាតារាចម្រៀងស្រីពន្លកថ្មីក្នុងវិថីសិល្បៈបែបណាក្ដី តែប្រជាប្រិយភាពរបស់នាងត្រូវបានមហាជនទទួលស្គាល់យ៉ាងខ្លាំងក្លា តាមរយៈទឹកដមសំឡេងដ៏ពីរោះរណ្ដំ ។
ជាមួយគ្នានេះដែរ ថ្មីៗនេះ តារាស្រីវ័យក្មេងរូបនេះធ្វើឲ្យ ហ្វេនៗទាំងអស់ ចាប់អារម្មណ៍យ៉ាងខ្លាំងទៅលើរូបថតជាច្រើនសន្លឹក ជាមួយបុរសមួយរូប ដែលត្រូវបានគេគិតថា ប្រហែលជាមនុស្សពិសេសរបស់សុភ័ក្រ ជាមិនខាន ។
មិនបានប៉ុន្មានផងការណ៍ពិតត្រូវបានបកស្រាយតាមរយៈហ្វេសប៊ុករបស់លោក ហេង ឡុង បានបញ្ជាក់ថា បុរសដែលតាមកៀកជាមួយចំរើន សុភ័ក្រ សឹងគ្រប់ពេលវេលា និងទីកន្លែងនោះ គឺជាគូដណ្ដឹងរបស់នាងសោះ ដែលបានយល់ចិត្តថ្លើមគ្នារាប់ឆ្នាំមកហើយ ។
ក្នុងនោះដែរលោកបានអមដោយសារខ្លីមានអត្ថន័យថា៖«យ៉ាងណាមិញ គ្រាន់តែមានការបែកធ្លាយពីទំនាក់ទំនងស្នេហាបែបនេះភ្លាម ធ្វើឲ្យអ្នកគាំទ្រទាំងអស់ សុទ្ធតែបានសរសើរថា ចំរើន សុភ័ក្រ និងគូស្នេហ៍ ពិតជាមើលទៅសមគ្នាខ្លាំងណាស់ ថែមទាំងជូនពរឲ្យតារារូបនេះ ឆាប់ចូលរោងជ័យ ឆាប់ៗផងដែរ»។
ការបង្ហាញមុខមាត់គូស្នេហ៍លក្ខណៈបើក ចំហនេះបានធ្វើឲ្យបណ្តាបុរសមួយចំនួនដែលលួចបេតីលើនាងខកចិត្តស្រងាកចិត្តពេលនាងមានអ្នកតាមថែ ហើយខកបំណងមិនស្ទើរនោះទេនៅពេលចង់បាននាងតែរបូតចេញ ។យ៉ាងណាមិញ ម្នាក់ៗបានសរសើរថាគូស្នេហ៍នេះសមគ្នា និងជូនពរឲ្យស្រឡាញ់គ្នាតហូតទៅ។
នៅមិនទាន់មានការបង្ហើបឲ្យដឹងថាពេលណាចំរើន សុភក្រ័ដាក់ពេលវេលាចូលរោងការឲ្យលម្អិតនៅឡើយ ដោយសារតែមកទល់ពេលនេះសិល្បៈរបស់នាងកំពុងតែលូតលាស់ទៅមុខ ហើយត្រូវការរកលុយកាក់សន្សំទុករៀបចំអនាគត ៕ (កែសម្រួលដោយ ៖ បុប្ផា)
ចែករំលែកព័តមាននេះ