ប្រសិនបើអ្នកចង់ផ្សព្វផ្សាយពីអាជីវកម្ម ឬផលិតផល និងសេវាដែលអ្នកផ្គត់ផ្គង់លើប្រព័ន្ធសង្គមនោះ អ្នកមិនចាំបាច់មានការ Like ឬអ្នក Follow រាប់លាននាក់ទេ ។ ផ្ទុយមកវិញអ្នកគ្រាន់តែត្រូវបង្ហាញពីមូលហេតុដែលអ្នកដទៃចង់ស្តាប់អ្នក…
ប្រសិនបើអ្នកចង់ផ្សព្វផ្សាយពីអាជីវកម្ម ឬផលិតផល និងសេវាដែលអ្នកផ្គត់ផ្គង់លើប្រព័ន្ធសង្គមនោះ អ្នកមិនចាំបាច់មានការ Like ឬអ្នក Follow រាប់លាននាក់ទេ ។ ផ្ទុយមកវិញអ្នកគ្រាន់តែត្រូវបង្ហាញពីមូលហេតុដែលអ្នកដទៃចង់ស្តាប់អ្នក និងទាក់ទងជាមួយអ្នកប៉ុណ្ណោះ ។
ប្រសិនបើអ្នកចង់ស្ថាបនា Brand មួយដ៏រឹងមាំសម្រាប់ខ្លួន ឬអាជីវកម្មខ្លួនដើម្បីមានឥទ្ធិពលខ្លាំងលើប្រព័ន្ធសង្គម អ្នកត្រូវដឹងថាអ្នកត្រូវវិនិយោគពេលវេលា និងការប្តេជ្ញាយ៉ាងច្រើនទើបអាចជោគជ័យបាន ។ អ្នកត្រូវតែមានសមត្ថភាពក្នុងការបង្កើតសាច់រឿងដែលមានគុណភាពខ្ពស់ និងចេះប្រាស្រ័យទាក់ទងជាមួយអ្នកដទៃលើប្រព័ន្ធអ៊ីនធើណែត ព្រមទាំងចាប់ដៃជាមួយអ្នកដទៃជាដើម ។
១. គោលដៅ៖ ប្រព័ន្ធសង្គមមានភាពតូចចង្អៀតណាស់សម្រាប់អាជីវកម្មព្រោះតែការប្រកួតប្រជែង ដូច្នេះអ្នកត្រូវតែកំណត់គោលដៅច្បាស់លាស់សម្រាប់គ្រប់សកម្មភាពដែលអ្នកធ្វើលើប្រព័ន្ធសង្គមរបស់អ្នកដើម្បីមានភាពខុសប្លែកពីគេ ។ សម្រាប់រាល់ការ Post របស់អ្នក អ្នកត្រូវតែដឹងថាអ្នកចង់សម្រេចបានអ្វី និងអ្នកអាចផ្តល់ភាពខុសប្លែកអ្វីខ្លះជាដើម ។
២. សេចក្តីស្រលាញ់៖ កត្តាមួយដែលទាក់ទងទៅនឹងគោលដៅ គឺសេចក្តីស្រលាញ់ព្រោះអ្នកត្រូវតែបង្ហាញថាអ្នកពិតជាសប្បាយចិត្ត ឬចូលចិត្តអ្វីដែលអ្នកកំពុងតែចែករំលែកដល់អ្នកដទៃពិតមែន ។ ក្រៅពីផ្សព្វផ្សាយពីផលិតផល ឬសេវាដែលអ្នកផ្គត់ផ្គង់ហើយ អ្នកត្រូវចេះចែករំលែកអ្វីផ្សេងៗដែលទាក់ទិននឹងអាជីវកម្ម ឬវិស័យរបស់អ្នកដែលអ្នកចង់ចែករំលែកព្រោះវាអាចជំរុញដល់ការប្រាស្រ័យទាក់ទងគ្នាជាមួយអ្នកដែលគាំទ្រអាជីវកម្ម ។
៣. ការចាប់ដៃគូសហការ៖ ប្រព័ន្ធសង្គមប្រៀបបានជាទីផ្សារដ៏ធំមួយដែលមានអ្នកលក់ជាច្រើនប្រកួតប្រជែងគ្នាដើម្បីដណ្តើមអតិថិជន ។ ប៉ុន្តែមានពេលខ្លះ អ្នកផ្គត់ផ្គង់មិនចាំបាច់ប្រកួតប្រជែងគ្នាទាំងស្រុងឡើយ ហើយថែមទាំងអាចចាប់ដៃគូសហការដើម្បីទាក់ទាញអតិថិជនកាន់តែច្រើនផងដែរ ។
លើសពីនេះទៅទៀត អាជីវកម្មអាចទាក់ទងបុគ្គលដែលមានអ្នកគាំទ្រច្រើនលើប្រព័ន្ធសង្គមដើម្បីចាប់ដៃគូសហការក្នុងការផ្សព្វផ្សាយ ឬដើម្បីទាក់ទាញអ្នកគាំទ្រដទៃមកមើលអាជីវកម្មអ្នកជាដើម ។
ចំណុចដែលអ្នកគួរកត់ចំណាំគឺ គោលដៅរបស់អ្នកមិនមែនទទួលបានអ្នកគាំទ្រកាន់តែច្រើនទេ ប៉ុន្តែគឺការបង្កើតការ Post ដែលមានគុណភាពខ្ពស់ដើម្បីទទួលបានអ្នកគាំទ្រដែលស្មោះត្រង់នឹងអ្នក ៕ កែសម្រួលដោយ ៖ សុឃាក់
ចែករំលែកព័តមាននេះ