ខេត្តកំពត ៖ ប្រពភព័ត៌មានពីសមត្ថកិច្ចនគរបាលចរាចរខេត្តបានឲ្យដឹងថា មានករណីគ្រោះចរាចរដ៏រន្ធត់មួយបានកើរឡើងកាលពីវេលាម៉ោង០៩និង០០នាទីយប់ ថ្ងៃទី៦ ខែតុលា ឆ្នាំ២០១៩ លើផ្លូវជាតិលេខ៣ កំពត-វាលរេញ នៅចំណុចមុខប៉ុស្តិ៍រដ្ឋបាលឃុំកោះតូច…
ខេត្តកំពត ៖ ប្រពភព័ត៌មានពីសមត្ថកិច្ចនគរបាលចរាចរខេត្តបានឲ្យដឹងថា មានករណីគ្រោះចរាចរដ៏រន្ធត់មួយបានកើរឡើងកាលពីវេលាម៉ោង០៩និង០០នាទីយប់ ថ្ងៃទី៦ ខែតុលា ឆ្នាំ២០១៩ លើផ្លូវជាតិលេខ៣ កំពត-វាលរេញ នៅចំណុចមុខប៉ុស្តិ៍រដ្ឋបាលឃុំកោះតូច ស្ថិតក្នុងភូមិព្រែកអំពិល ឃុំកោះតូច ស្រុកទឹកឈូ ខេត្តកំពត ដោយរថយន្តពណ៌ស គ្មានផ្លាកលេខ ១គ្រឿងបានបើកបរក្នុងទិសដៅពីកើតទៅលិចក្នុងស្ថានភាពស្រវឹង លុះមកដល់ចំណុចខាងលើក៏បានរេ ចង្កូតក្រឡាប់ដោយកៀបអ្នកបើកបរជាប់ស្លាប់ភ្លាមៗនៅហ្នឹងកន្លែងកើតហេតុតែម្តង ។
សមត្ថកិច្ចបានបន្តថា ជន រងគ្រោះជាអ្នកបើកបររថយន្តដែលជួបគ្រោះថ្នាក់ក្នុងហេតុការខាងលើមានឈ្មោះ នួន ចន្ទ្រា ភេទប្រុស អាយុ២២ឆ្នាំ មានទីលំនៅភូមិកន្ទួត ឃុំកន្ទួត ស្រុកស្វាយលើ ខេត្តសៀមរាប ។
សមត្ថកិច្ចបានបញ្ជាក់ថា រថយន្តដែលក្រឡាប់នេះជារថយន្តដឹកដីចូលចាក់ក្នុងផែគីឡូ១២ ហើយមូលហេតុបណ្តាលឲ្យជួបគ្រោះថ្នាក់នេះដោយសារអ្នកបើកបររថយន្តបើកបរក្នុងស្ថានភាពស្រវឹង ។ រថយន្តត្រូវបានយកទៅរក្សាទុកនៅប៉ុស្តិ៍រដ្ឋបាលឃុំកោះតូច រីឯសពសមត្ថកិច្ចបានទំនាក់ទំនងទៅក្រុមគ្រួសារសាច់ញាតិឲ្យមកទទួលយកទៅកាន់ស្រុកកំណើតដើម្បីរៀបចំធ្វើបុណ្យតាមប្រពៃណី ៕
កែសម្រួលដោយ ៖ សំណាង
ចែករំលែកព័តមាននេះ