រាធានីភ្នំពេញ ៖ សមាជិករដ្ឋសភា១០៨ នៃចំនួនសមាជិកទាំងមូលបានកំពុងពិភាក្សា និងអនុម័តសេចក្តីព្រាងច្បាប់ស្តីពីសំណង់ និងសេចក្តីព្រាងច្បាប់មួយចំនួនទៀត ។ ការពិភាក្សាសេចក្តីព្រាងច្បាប់ធ្វើឡើងក្នុងសម័យជុំលើកទី៣ នីតិកាលទី៦ ក្រោមអធិបតីភាពសម្តេច ហេង សំរិនប្រធានរដ្ឋសភា នាព្រឹក ថ្ងៃទី៧ ខែតុលានេះ ។ សេចក្តីព្រាងច្បាប់ស្តីពីសំណង់មាន២២ជំពូក និង១១១មាត្រា ។
សេចក្តីព្រាងច្បាប់ស្តីពីសំណង់មានគោលបំណង និងសារប្រយោជន៍ដូចខាងក្រោម ពង្រឹងការគ្រប់គ្រង គ្រប់ភាគីពាក់ព័ន្ធ និងការប្រតិបត្តិការងារទាំងឡាយ ក្នុងវិស័យសំណង់ ដើម្បីធានាសន្តិសុខ សុវត្ថិភាព និងសណ្តាប់ធ្នាប់សាធារណៈ ការពារផលប្រយោជន៍ម្ចាស់សំណង់ អ្នកប្រើប្រាស់សំណង់ និងសាធារណជនចូលរួមពង្រឹងការគ្រប់គ្រងនគរូបនីយកម្ម ដោយអភិវឌ្ឍទីក្រុងឱ្យមានសោភណភាព និងបរិស្លា៥ ល្អសម្រាប់ការរស់នៅប្រកបដោយចីរភាព សំដៅលើកកម្ពស់ ស៊ីទុមាលភាពសាធារណៈ ។
បង្កើនគណនេយ្យភាព និងប្រសិទ្ធភាពក្នុងការប្រកបការងារ និងការប្រកបវិជ្ជាជីវៈក្នុងវិស័យសំណង់បង្កើនការជឿទុកចិត្តរបស់វិនិយោគិននៅក្នុងវិស័យសំណង់ ជំរុញទីផ្សារអចលនទ្រព្យ ប្រកបដោយប្រសិទ្ធភាពសេដ្ឋកិច្ចសង្គម ។ សេចក្តីព្រាងច្បាប់ស្តីពីសំណង់ត្រូវបានគណៈរដ្ឋមន្ត្រីសម្រេចយល់ព្រមក្នុងសម័យប្រជុំពេញអង្គនាថ្ងៃទី៣០ ខែសីហា ឆ្នាំ២០១៥ ។
សូមជម្រាបថា ក្រៅពីពិភាក្សា និងអនុម័តសេចក្តីព្រាងច្បាប់ស្តីពីសំណង់រដ្ឋសភាក៏លើកយករបៀបវារៈមួយចំនួនទៀតដូចជា ពិភាក្សា និងអនុម័តសេចក្តីព្រាងច្បាប់ស្តីពីពាណិជ្ជកម្មតាមប្រព័ន្ធអេឡិចត្រូនិក ។ សេចក្តីព្រាងច្បាប់ស្តីពីកិច្ចការពារអ្នកប្រើប្រាស់ ។ សេចក្តីព្រាងច្បាប់ស្តីពីរបបសន្តិសុខសង្គមផងដែរ ៕ កែសម្រួលដោយ ៖ សុឃាក់
ចែករំលែកព័តមាននេះ