ការនាំចេញរបស់ចិនទៅកាន់សហរដ្ឋអាមេរិកបានធ្លាក់ចុះគួរឱ្យកត់សម្គាល់ក្នុងឆ្នាំ២០១៩ ដែលបង្ហាញថាសង្គ្រាមពាណិជ្ជកម្មរបស់ប្រធានាធិបតី Trump កំពុងតែជះឥទ្ធិពលដល់ទំនាក់ទំនងទ្វេភាគី ។ ការិយាល័យជំរឿនប្រជាជនបានរាយការណ៍នៅសប្តាហ៍នេះថា ការនាំចូលរបស់សហរដ្ឋអាមេរិកពីប្រទេសចិនបានធ្លាក់ចុះ១២.៥% ក្នុងរយៈពេល៨ខែដំបូងនៃឆ្នាំនេះ ។
ទន្ទឹមនឹងនេះដែរប្រទេសម៉ិកស៊ិកដែលជាអ្នកផ្គត់ផ្គង់ទំនិញធំជាងគេទី២របស់អាមេរិកបានប្រកាសពីការកើនឡើងនៃការនាំចេញទៅកាន់សហរដ្ឋអាមេរិក ។ ការនាំចូលពីប្រទេសចិនបានធ្លាក់ចុះ៤៣ពាន់លានដុល្លារពីមួយឆ្នាំទៅមួយឆ្នាំ ខណៈពេលដែលការទិញពីម៉ិកស៊ិកបានកើនឡើងគួរឱ្យកត់សម្គាល់ ៥.៥% ឬ ១២.៤ ពាន់លានដុល្លារ ។
ទោះបីជាកិច្ចពិភាក្សាកម្រិតខ្ពស់រវាងអាមេរិកនិងចិននៅទីក្រុងវ៉ាស៊ីនតោនរំពឹងថា នឹងធ្វើនៅពាក់កណ្តាលខែតុលាក្តី ក៏ទំនិញជាច្រើនបានទទួលរងផលប៉ះពាល់ពីកំណើនសង្គ្រាមពាណិជ្ជកម្មនេះ ។ ទីភ្នាក់ងារសារព័ត៌មានរ៉យទ័របានរាយការណ៍នៅសប្តាហ៍នេះថា ក្រសួងពាណិជ្ជកម្មសហរដ្ឋអាមេរិកបាននិយាយនៅសប្តាហ៍នេះថា ប្រទេសចិនកំពុងចោលសំរាមដូចជាទូរឈើនៅសហរដ្ឋអាមេរិកជាច្រើន ។
ការនាំចូលបង្គាពីប្រទេសចិនក៏បានធ្លាក់ចុះផងដែរនៅក្នុងខែសីហា ដែលធ្លាក់ចុះចំនួន ៦២% និងបរិមាណ ៧១% បើប្រៀបធៀបទៅនឹងឆ្នាំមុន។ នេះបើយោងតាមរដ្ឋបាលជាតិមហាសមុទ្រនិងបរិយាកាស។
ប្រទេសចិនក៏បានបង្ហាញពីការធ្លាក់ចុះនៃការនាំចេញអាលុយមីញ៉ូមដែលជារង្វាស់ដ៏សំខាន់មួយដែលបានធ្លាក់ចុះ ៤.៣% នៅក្នុងខែសីហាធៀបនឹងខែមុន បើទោះបីជាប្រាក់យន់ធ្លាក់ចុះក៏ដោយ។ ប្រទេសចិនគឺជាអ្នកផលិតអាលុយមីញ៉ូមឈានមុខគេនៅលើពិភពលោក ប៉ុន្តែកាលពីខែមុនបាននាំចេញបរិមាណទាបបំផុតចាប់តាំងពីខែកុម្ភៈ។
ឱនភាពពាណិជ្ជកម្មសហរដ្ឋអាមេរិកជាមួយប្រទេសចិនបានរួមតូចនៅក្នុងខែសីហា ខណៈដែលការនាំចេញបានកើនឡើងដល់កម្រិតខ្ពស់ក្នុងរយៈពេលប្រាំខែ។ យោងតាមទិន្នន័យរបស់ក្រសួងពាណិជ្ជកម្មបានឱ្យដឹងថាគម្លាតពាណិជ្ជកម្មជាមួយប្រទេសចិន បានថយចុះពី ២៩.៦ ពាន់លានដុល្លារក្នុងមួយខែមុន។ ការនាំចេញបានកើនឡើងដល់ ១០ ពាន់លានដុល្លារខណៈការនាំចូលបានធ្លាក់ចុះបន្តិចដល់ ៣៩ ពាន់លានដុល្លារ។ ឱនភាពសហរដ្ឋអាមេរិកសរុបបានកើនឡើងដល់ ៥៥ ពាន់លានដុល្លារក្នុងខែសីហា ដែលខ្ពស់ជាងការរំពឹងទុក៕
ប្រភព ៖ marketwatch , កែសម្រួលដោយ ៖ សំណាង
ចែករំលែកព័តមាននេះ