ខេត្តបន្ទាយមានជ័យ ៖ ស្ថានភាពមេឃកំពុងធ្លាក់ស្រិចៗ ភ្លាមៗក្រោយទទួលបានដំណឹងថា មានករណី បាក់ស្រុតផ្លូវមានលូកាត់មួយកន្លែងចូលទៅកាន់ទីរួមស្រុក ភ្នំស្រុកនៃខេត្តបន្ទយមានជ័យចុះពីផ្លូវជាតិលេខ៦ខាងជើងចំណុចទួលរវៀង ស្ថិតក្នុងភូមិព្រៃមាន់ ឃុំរហាល ស្រុកព្រះនេត្រព្រះ…
ខេត្តបន្ទាយមានជ័យ ៖ ស្ថានភាពមេឃកំពុងធ្លាក់ស្រិចៗ ភ្លាមៗក្រោយទទួលបានដំណឹងថា មានករណី បាក់ស្រុតផ្លូវមានលូកាត់មួយកន្លែងចូលទៅកាន់ទីរួមស្រុក ភ្នំស្រុកនៃខេត្តបន្ទយមានជ័យចុះពីផ្លូវជាតិលេខ៦ខាងជើងចំណុចទួលរវៀង ស្ថិតក្នុងភូមិព្រៃមាន់ ឃុំរហាល ស្រុកព្រះនេត្រព្រះ ។
ដោយនៅព្រឹកថ្ងៃ ទី៦ តុលានេះ លោក អ៊ុំ រាត្រី អភិបាលខេត្តបន្ទាយមានជ័យ រួមដំណើរដោយលោកវរសេនីយ៍ឯក មាស ប្ញទ្ធី អធិការនគរបាលស្រុកព្រះនេត្រព្រះបានអញ្ជើញចុះទៅពិនិត្យមើល និងផ្តល់ផែនការដោះស្រាយជាបន្ទាន់ ដល់ជំនាញសាធារណៈការ និងដឹកជញ្ជូនខេត្ត ដើម្បីទប់ស្កាត់ការហូរច្រោះដាច់ផ្លូវ (ស្ថានភាពទឹកជំនន់ខ្ពស់) និងដើម្បីសម្រួលដល់ការធ្វើដំណើរឆ្លងកាត់របស់ប្រជាពលរដ្ឋទៅមក ។ ផ្លូវចូលភ្នំស្រុកនេះគេឃើញមន្ត្រីជំនាញមន្ទីរសាធារណៈការធ្វើជាប្រចាំ តែផ្លូវនៅតែជួបបញ្ហាលំបាកដដែលគ្រឡុក នេះបើតាមការឲ្យដឹងពីប្រជាពលរដ្ឋដែលធ្វើដំណើរតាមផ្លូវនេះ ។
ស្ថានភាពផ្លូវបានបាក់ស្រុត កាលពីយប់ថ្ងៃទី០៥ តុលា ដោយសារបញ្ហាឡានដឹកធ្ងន់ និងស្ថានភាពទឹកសងខាងផ្លូវកើនឡើងខ្លាំង ពិសេសការបង្ហើបឲ្យដឹងពីពលរដ្ឋធ្វើដំណើរថា កាលពីរដូវប្រាំងកន្លងមានប្រជាពលរដ្ឋបានចោះដាក់លូបង្ហូរទឹកឆ្លងកាត់ទទឹងផ្ទៃបាតផ្លូវ ។
នៅពេលនេះកន្លែងដែលបាក់ស្រុត គឺត្រូវបានដំណើរការវិញ ក្រោមការដឹកនាំបញ្ជារបស់លោក អ៊ុំ រាត្រី កងកម្លាំងនគរបាលស្រុកព្រះនេត្រព្រះ និងជំនាញមន្ទីរសាធារណៈបានសហការជួយដោះស្រាយសម្រួលចរាចរណ៍ទៅផ្លូវម្ខងទៀតអមសងខាងផ្លូវដែលរងការបាក់ខូចនេះមិនមានបញ្ហាមិនអាចធ្វើដំណើរបាននោះឡើយ គឺអាចធ្វើដំណើរឆ្លងកាត់ទៅមកបានជាធម្មតាវិញ ៕ កែសម្រួលដោយ ៖ សុឃាក់
ចែករំលែកព័តមាននេះ