ប្រទេសម៉ាឡេស៊ី ៖ អតីតបវរកញ្ញារុស្ស៊ី នាងOKSANA VOEVODINA គូសបញ្ជាក់ប្រាប់DAILY MAILពីការលែងលះគ្នាជាមួយអតីតព្រះមហាក្សត្រម៉ាឡេស៊ី មូហាម៉ាត់ទី៥។ នាងគូសបញ្ជាក់ថានាងបានដឹងពីការលែងលះនោះតាមអ៊ីនធើរណេតនិងថា ពុំមាននរណាម្នាក់បញ្ជូនបណ្ដាឯកសារពីការលែងលះគ្នានោះទេ។
បវរកញ្ញាក្រុងមូស្គូឆ្នាំ២០១៥នោះបានរៀបរាប់លម្អិតប្រាប់DAILY MAILពីការចែកផ្លូវគ្នានេះ ជាមួយអតីតព្រះមហាក្សត្រម៉ាឡេស៊ីមូហាម៉ាត់ទី៥។ នាងថានាងបានចែកផ្លូវគ្នាពេលនាងមានផ្ទៃពោះ៤ខែ។ នាងបញ្ជាក់ថានាងបានដឹងពីរឿងនេះ តាមរយៈអ៊ីនធើរណេតនិងថាគ្មាននរណាម្នាក់ទាក់ទងមកនាងពីរឿងលែងលះគ្នានោះទេ។ អតីតមហាក្សត្រមូហាម៉ាត់ទី៥បានចាកចេញពីរូបនាង កាលពីខែធ្នូកន្លងទៅហើយមិនឃើញវិលត្រឡប់មកវិញសោះ។ នាងនៅតែមិនទាន់ដឹងច្បាស់ពីមូលហេតុពិតប្រាកដនៃការសម្រេចនោះរបស់ទ្រង់។
កាសែតDAILY MAILរំលឹកថា អតីតមហាក្សត្រអង្គនោះ បានប្រើរូបមន្តនៃការលែងលះរបស់អ៊ិស្លាម ដើម្បីកាត់ផ្ដាច់ចំណងអាពាហ៍ពិពាហ៍នោះ។ ចំណែកនាងOKSANA VOEVODINA បានទទូចលើប្រការដែលថា នាងពុំត្រូវបានគេផ្ដល់ព័ត៌មានពីការលែងលះគ្នានោះឡើយ។ នាងថាគ្មាននរណាម្នាក់កោះហៅខ្ញុំទៅតុលាការទេ។
តាមDAILY MAILនាងបានប្រាប់ទៅអតីតព្រះស្វាមីថាទ្រង់មានបុត្រមួយអង្គហើយ ហើយទ្រង់ក្លាយជាព្រះបិតាគេ។ មិនសំខាន់ទេដែលអាពាហ៍អិពាហ៍របស់យើងក្លាយជាយ៉ាងណានោះ តែខ្ញុំចង់ឲ្យកូនប្រុសខ្ញុំមានទាំងឪពុកទាំងម្ដាយ៕ (កែសម្រួលដោយ ៖ បុប្ផា)
ចែករំលែកព័តមាននេះ