ល្បិចរកស៊ីចេញពីខួរក្បាលមហាសេដ្ឋីពិភពលោក
៨ឆ្នាំបានកន្លងផុតមកហើយតាំងពីលោក Steve Jobs ទទួលមរណភាព នៅថ្ងៃទី៥ ខែតុលា ឆ្នាំ ២០១១ ប៉ុន្តែការទូន្មានរបស់លោកពីជីវិត ការងារ…
៨ឆ្នាំបានកន្លងផុតមកហើយតាំងពីលោក Steve Jobs ទទួលមរណភាព នៅថ្ងៃទី៥ ខែតុលា ឆ្នាំ ២០១១ ប៉ុន្តែការទូន្មានរបស់លោកពីជីវិត ការងារ…
៨ឆ្នាំបានកន្លងផុតមកហើយតាំងពីលោក Steve Jobs ទទួលមរណភាព នៅថ្ងៃទី៥ ខែតុលា ឆ្នាំ ២០១១ ប៉ុន្តែការទូន្មានរបស់លោកពីជីវិត ការងារ និងភាពជោគជ័យនៅតែជាមេរៀនសំខាន់របស់មនុស្សជាច្រើននាពេលសព្វថ្ងៃនេះ ។
លោកបាននិយាយថា ដើម្បីសម្រេចបានភាពជោគជ័យ និងបង្កើតការផ្លាស់ប្តូរដែលមានន័យ ពួកយើងត្រូវតែផ្តល់អាទិភាពលើការតភ្ជាប់បច្ចេកវិទ្យា និងមនុស្សធម៌ព្រោះវាអាចបង្កើតបានគំនិតល្អៗ ។ ហើយដើម្បីសម្រេចបានគោលដៅនេះលោកបានប្រើយុទ្ធសាស្ត្រខាងក្រោម ៖
១. ការជ្រើសរើសបុគ្គលិក
លោក Jobs យល់ច្បាស់ពីផលប៉ះពាល់ដែលបង្កឡើងពីការជ្រើសរើសបុគ្គលិកខុសសម្រាប់ក្រុមហ៊ុន ។ លោកបានចូលរួមយ៉ាងសកម្មក្នុងការជ្រើសរើសបុគ្គលិកដែលកាន់តំណែងសំខាន់ៗ ។
មនុស្សជាច្រើនមានចំណេះដឹងដែលអនុញ្ញាតឲ្យពួកគេធ្វើការសម្រេចចិត្តក្នុងស្ថានការជាច្រើន ប៉ុន្តែអ្នកមិនអាចធ្វើជាអ្នកជំនាញក្នុងគ្រប់ផ្នែកទេ ។ អ្នកដឹកនាំដែលកល្អដឹងពីអ្វីដែលពួកគេមិនចេះ ហើយពួកគេនាំអ្នកជំនាញ ដើម្បីជួយពួកគេដើរទៅមុខបន្ត ។
២. លោកទាមទារលទ្ធផលតាមការជំរុញទឹកចិត្ត
លោក Jobs ជាអ្នកដឹកនាំដែលទាមទារខ្ពស់ពីបុគ្គលិករបស់ខ្លួន ប៉ុន្តែលោកអាចជោគជ័យបានព្រោះតែសមត្ថភាពក្នុងការជំរុញទឹកចិត្តបុគ្គលិក ។ លោក Jobs ដឹងពីវិធីក្នុងការធ្វើឲ្យបុគ្គលិករបស់ Apple ស្រលាញ់ផលិតផលដែលពួកគេបង្កើត និងជឿជាក់លើគំនិតថាពួកគេអាចសម្រេចបានអ្វីដែលមនុស្សគិតថាមិនអាចកើតមានបាន។
៣. លោកបង្រៀនអ្នកដទៃឲ្យចេះដាក់ខ្លួន
មនុស្សជាច្រើនស្គាល់លោក Jobs ថាជាមនុស្សដែលក្រអឺត្រទម ប៉ុន្តែលោកក៏មានសមត្ថភាពក្នុងការទទួលស្គាល់កំហុស និងផ្លាស់ប្តូរទិសដៅពេលដែលលោកខុសដែរ ។ ឧទាហរណ៍ដូចជា នៅឆ្នាំ២០០៧ បន្ទាប់ពី iPhone ដំបូងត្រូវបានដាក់លក់លើទីផ្សារ Apple មិនអនុញ្ញាតឲ្យអ្នកដទៃក្រៅពី Apple បង្កើតកម្មវិធីទូរស័ព្ទទេ ។ ប៉ុន្តែមួយឆ្នាំក្រោយមកលោកបានផ្លាស់ប្តូរគំនិតនេះ១៨០ដឺក្រេ ៕ កែសម្រួលដោយ ៖ សុឃាក់
ចែករំលែកព័តមាននេះ