ខេត្តមណ្ឌលគិរី៖ នគរបាលប្រឆាំងការជួញដូរមនុស្សនិងការពារអនីតិជន បានសម្រេចបញ្ជូនអតីតភិក្ខុវ័យចំណាស់ម្នាក់ទៅតុលាការនាថ្ងៃទី៤ តុលានេះ ក្រោយឃាត់ខ្លួននិងផ្សឹកអស់រយៈពេលពីរថ្ងៃ ក្នុងបទប្រទូស្តកេរ្តិ៍កុមារីម្នាក់មានអាយុ១២ឆ្នាំ ក្នុងថ្ងៃបុណ្យភ្ជុំបីយប់ជាប់ៗគ្នា ។ លោកស្រី ហួន…
ខេត្តមណ្ឌលគិរី៖ នគរបាលប្រឆាំងការជួញដូរមនុស្សនិងការពារអនីតិជន បានសម្រេចបញ្ជូនអតីតភិក្ខុវ័យចំណាស់ម្នាក់ទៅតុលាការនាថ្ងៃទី៤ តុលានេះ ក្រោយឃាត់ខ្លួននិងផ្សឹកអស់រយៈពេលពីរថ្ងៃ ក្នុងបទប្រទូស្តកេរ្តិ៍កុមារីម្នាក់មានអាយុ១២ឆ្នាំ ក្នុងថ្ងៃបុណ្យភ្ជុំបីយប់ជាប់ៗគ្នា ។
លោកស្រី ហួន គឹមហេង ស្នងការរងទទួលបន្ទុកប្រឆាំងការជួញដូរមនុស្ស និងការពារអនីតិជនបានឲ្យដឹងថា ជនសង្ស័យដែលត្រូវសមត្ថកិច្ចកសាងសំណុំរឿងបញ្ជូនទៅសាលាដំបូងខាងលើ ជាភិក្ខុសង្ឃគង់នៅវត្តគិរីបក្សណាថេរាម ក្នុងភូមិរណែង ឃុំស្រែឈូក ស្រុកកែវសីមា ។ ដោយត្រូវឃាត់ខ្លួនកាលពីល្ងាចថ្ងៃទី២ តុលា ក្រោយពីមានពាក្យបណ្តឹងពីគ្រួសារកុមារីរងគ្រោះ ។
លោកស្រីស្នងការរងបន្តថា ដើមទងដែលមុនឈានដល់ការចាប់ឃាត់ខ្លួនសង្ឃកំហូចរូបនេះ ព្រោះតែនៅអំឡុងកាន់បិណ្ឌក្នុងថ្ងៃទី២៦ ទី២៧ និងទី២៨ កញ្ញា ជនសង្ស័យ(ពេលនៅជាសង្ឃ)បានឲ្យកុមារីរងគ្រោះនិងក្មេងៗបីបួននាក់ទៀតដែលស្នាក់នៅក្នុងវត្ត ព្រោះពួកគេសុទ្ធជាក្មេងកំព្រាឪពុកម្តាយរើកន្លែងដេកពីសាលាឆាន់ទៅដេកនៅសាឡុំ (រោងជំនួសព្រះវិហារ)ដោយថា នៅសាលាឆាន់មានមនុស្សម្នាច្រើនដ្បិតជារដូវបុណ្យទាន ។ ខណៈក្មេងៗកំពុងលង់លក់ក្នុងដំណេក ជនសង្ស័យបានលួចទៅធ្វើសកម្មភាព លូកស្ទាបលើរាងកាយក្មេងស្រី និងបានគំរាមមិនឲ្យនិយាយប្រាប់អ្នកណាម្នាក់ ឡើយ ។ តែនៅយប់ដំបូងនេះជនសង្ស័យធ្វើសកម្មភាពមិនបានសម្រេចទេ គឺគាត់ជាមនុស្សចាស់ ។
ប្រភពបន្តថា ដល់យប់ថ្ងៃទី២៧ជនសង្ស័យបានប្រព្រឹត្តទង្វើនេះម្តងទៀត និងបានព្យាយាមយកប្រដាប់ភេទរបស់ខ្លួនទៅបៀតបៀនកេរ្តិ៍ភេទរបស់ក្មេងស្រី តែទំនងអាចមកពីវ័យចាស់ជរាពេកទើបម៉ាស៊ីនមិនដំណើរការ រួចក៏ចាកចេញពីកន្លែងកើតហេតុ ។ ដោយសារតែតណ្ហាដឹកមុខ នៅយប់ថ្ងៃទី២៨ កញ្ញា ជនល្មោមកាមរូបនេះបានចូលទៅកន្លែងដេករបស់ក្មេងស្រីរងគ្រោះជាលើកទី៣ដើម្បីសាកល្បងម្តងទៀត នៅតែបរាជ័យដូចកាលពីយប់មុនៗព្រោះតែប្រដាប់ឈ្នះរបស់គាត់បាត់បង់គុណភាព ។
រំលងបានប្រមាណ៣ថ្ងៃបន្ទាប់ពីមានការប៉ុនប៉ងជាច្រើនលើកមិនបានសម្រេចជនសង្ស័យហាក់មានការមិនសប្បាយចិត្តក៏បានដេញក្មេងៗរួមនឹងក្មេងស្រីរងគ្រោះចេញពីវត្តលែងឲ្យស្នាក់នៅ ។ ពេលបានរួចផុតពីក្រញ៉ាំបិសាចតណ្ហា ក្មេងស្រីរងគ្រោះក៏បានទម្លាយរឿងសង្ឃវ័យចំណាស់រូបនេះដែលបានរំលោភបំពានលើរាងកាយរបស់នាងប្រាប់ម្តាយមីងនៅឯភូមិ ។
ក្រោយដឹងរឿងហេតុនេះភ្លាមៗម្តាយមីងក្មេងស្រីក៏បានប្តឹងទៅសមត្ថកិច្ចរហូតឈានទៅដល់ការឃាត់ខ្លួនជនសង្ស័យតែម្តង ។ ដោយឡែកជនសង្ស័យបានឆ្លើយសារភាព និងទទួលស្គាល់ថា ខ្លួនពិតជាបានប្រព្រឹត្តទង្វើនេះមែន ។ ជនស្ស័យមានឈ្មោះ សេង អុឹម អាយុ៧១ឆ្នាំ ទើបបួសបាន៣ឆ្នាំប៉ុណ្ណោះ ៕
ចែករំលែកព័តមាននេះ