ខេត្តមណ្ឌលគិរី ៖ សេចក្តីរាយការណ៍ឱ្យដឹងថា ឈ្មួញជួញដូរសត្វព្រៃដ៏សកម្មម្នាក់ ត្រូវបានសមត្ថកិច្ចចាប់ខ្លួន ខណៈកំពុងដឹកជញ្ជួនសត្វស្វាព្រៃជាច្រើនក្បាល តាមបណ្តោយផ្លូវជាតិលេខ៧៦ កាលពីព្រឹកថ្ងៃទី០៥ តុលា នេះ ស្ថិតក្នុងស្រុកកែវសីមា ។
សេចក្តីរាយការណ៍បន្តថា ជនសង្ស័យខាងលើ ឈ្មោះ ហ៊ុយ ហួ អាយុ៣៤ឆ្នាំ បើករថយន្តម៉ាកឡិចស៊ីស៣៣០ ពាក់ស្លាកលេខ2R-8247។ រីឯសត្វស្វាជាប្រភេទស្វាស្រូវមានចំនួន១៣ក្បាល ត្រូវបុរសនេះច្រកក្នុងថង់ស្បៃចំនួន៥ដឹកមកពីស្រុកកោះញែក ពេលនេះបានយកលែងចូលក្នុងព្រៃធម្មជាតិក្នុងដែនជម្រកសត្វព្រៃវិញ ។
មន្ត្រីដែនជម្រកសត្វព្រៃលោកព្រហ្ម វិបុលរតនៈ បញ្ជាក់ថា បុរសជាមុខសញ្ញាចាស់ ដែលជំនាញបានតាមស្រាវជ្រាវយូរមកហើយ ។ ជនសង្ស័យត្រូវឃាត់ខ្លួន បញ្ជួនទៅតុលាការ ចំណែកស្វាទាំងអស់គឺនិងត្រូវដោះលែងនៅក្នុងព្រៃធម្មជាតិវិញផងដែរ ។
ចែករំលែកព័តមាននេះ