ឧត្តមសេនីយ៍ ហ៊ុន ម៉ាណែត ផ្ញើសារដល់លោកសម រង្ស៊ី ការបំភ្លឺ…
- ភ្នំពេញ
រាជធានីភ្នំពេញ ៖ លោក ហ៊ុន ម៉ាណែត បានផ្ញើជូនលោក សម រង្ស៊ី ជុំវិញការបំភ្លឺពីសញ្ញាបត្រសាលាបណ្ឌិត្យសភាយោធាសហរដ្ឋអាមេរិកWest Point…
រាជធានីភ្នំពេញ ៖ លោក ហ៊ុន ម៉ាណែត បានផ្ញើជូនលោក សម រង្ស៊ី ជុំវិញការបំភ្លឺពីសញ្ញាបត្រសាលាបណ្ឌិត្យសភាយោធាសហរដ្ឋអាមេរិកWest Point…
រាជធានីភ្នំពេញ ៖ លោក ហ៊ុន ម៉ាណែត បានផ្ញើជូនលោក សម រង្ស៊ី ជុំវិញការបំភ្លឺពីសញ្ញាបត្រសាលាបណ្ឌិត្យសភាយោធាសហរដ្ឋអាមេរិកWest Point ដែលត្រូវបានមន្ត្រីអ្នកនាំពាក្យស្ថានទូតសហរដ្ឋ អាមេរិកបំភ្លឺ ។ លោក ហុ៊ន ម៉ាណែត បានសរសេរថា ការបំភ្លឺរបស់លោកស្រី Emily V. Zeerberg
អ្នកនាំពាក្យស្ថានទូតអាមេរិកទាក់ទងនឹងលក្ខ ខណ្ឌនៃការផ្តល់សញ្ញាបត្រឲ្យនិស្សិតទាំងអស់ដែលបញ្ចប់ការសិក្សានៅគ្រឹះស្ថានឧត្តមសិក្សារបស់សហរដ្ឋអាមេរិក ដែលមិនប្រកាន់ប្រទេសកំណើត ពោលគឺគ្មានការរើសអើងរវាងនិស្សិតអាមេរិក និងនិស្សិតបរទេសទេ ។
ខ្ញុំសង្ឃឹមថា លោកនឹងឱ្យតម្លៃដល់ការបំភ្លឺ របស់អ្នកនាំពាក្យរបស់ស្ថានទូតអាមេរិក ដែលចេញការពារតម្លៃនៃប្រព័ន្ធអប់រំសហរដ្ឋអាមេរិក ជាពិសេសគ្រឹះស្ថានថ្នាក់ឧត្តមសិក្សាល្បីៗរបស់អាមេរិក ហើយសង្ឃឹមថា លោក សម រង្ស៊ី នឹងមិនចាត់ទុកការបកស្រាយរបស់អ្នកនាំពាក្យស្ថានទូតអាមេរិក ជាការបកស្រាយក្លែងក្លាយ ឬជាការបកស្រាយការទូតនោះទេ ។ លោក ហុ៊ន ម៉ាណែត ក៏បានភ្ជាប់អត្ថបទដែលផ្សាយដោយអង្គភាពព័ត៌មានហ្វេសប៊ុកហ្វ្រេសញូវថា អ្នកនាំពាក្យស្ថានទូតអាមេរិកប្រចាំនៅកម្ពុជា បានចេញមុខការពារដល់សញ្ញាបត្រថ្នាក់ឧត្តមសិក្សាទាំងអស់ដែលផ្តល់ដោយគ្រឹះស្ថានឧត្តមសិក្សានានានៅសហរដ្ឋអាមេរិក។
ប្រតិកម្មនេះ ធ្វើឡើងបន្ទាប់ពីមានការវាយប្រហារអំពីគុណភាពសញ្ញាបត្ររបស់លោក ហ៊ុន ម៉ាណែត ដែលផ្តល់ដោយសាលាបណ្ឌិត្យសភាយោធាសហរដ្ឋអាមេរិក West Point ។លោកស្រី Emily V. Zeeberg អ្នកនាំពាក្យស្ថានទូតអាមេរិកបានបញ្ជាក់ប្រាប់ហ្វ្រេសញូវតាមអុីមែល កាលពីពេលកន្លងមក
ថ្មីៗនេះថា ជនទាំងឡាយដែលបញ្ចប់ការសិក្សានៅមហាវិទ្យាល័យសាកលវិទ្យាល័យ ឬវិទ្យាស្ថានថ្នាក់ឧត្តមសិក្សា នឹងទទួលបានសញ្ញាបត្រ ឬវិញ្ញាបនបត្រ ប្រសិនបើពួកគេបំពេញតាមលក្ខខណ្ឌនៃគ្រឹះស្ថានសិក្សាទាំងនោះបាន ដោយមិនប្រកាន់ប្រទេសកំណើតទេ ។
លោកស្រីបានបញ្ជាក់យ៉ាងដូច្នេះថា៖ «អ្នកបញ្ចប់ការសិក្សានៅមហាវិទ្យាល័យ សាកលវិទ្យាល័យ ឬវិទ្យាស្ថានថ្នាក់ឧត្តមសិក្សា នឹងទទួលបានសញ្ញាបត្រ ឬវិញ្ញាបនបត្រ ប្រសិនបើពួកគេបំពេញតាមលក្ខខណ្ឌនៃគ្រឹះស្ថានសិក្សាទាំងនោះបាន ។ ប្រទេសកំណើតរបស់និស្សិត គឺមិនមែនជាបញ្ហាឡើយ» ។ លោកស្រីបានអួតអំពីគុណភាពសិក្សានៅសហរដ្ឋអាមេរិក ដោយបញ្ជាក់យ៉ាងដូច្នេះថា ៖ «គ្រឹះស្ថានថ្នាក់ឧត្តមសិក្សារបស់អាមេរិក មានឈ្មោះល្បីរន្ទឺដោយសារតែគុណភាពគ្មានគូប្រៀបហើយអាចផ្តល់ជំនាញភាសាអង់គ្លេសយ៉ាងល្អឥតខ្ចោះ ដើម្បីត្រៀមសម្រាប់អាជីពនាពេលអនាគត» ។
លោក ហ៊ុន ម៉ាណែត គឺជាកូនខ្មែរដំបូងគេដែលបានបញ្ចប់ការសិក្សាផ្នែកយោធាពីសាលាបណ្ឌិត្យសភាយោធា West Point របស់សហរដ្ឋអាមេរិក កាលពីឆ្នាំ១៩៩៩ ហើយទទួលបានសញ្ញាបត្រេពីសាលាដ៏ល្បីនេះ ត្រឡប់មកប្រទេសកម្ពុជាវិញ ។ កាលពីពេលថ្មីៗនេះ លោក សម រង្ស៊ីអតីតមេដឹកនាំក្រុមប្រឆាំង ដែលបានក្លាយជាមេចលនាឧទ្ទាម បានវាយប្រហារដល់សញ្ញាបត្រពីសាលាបណ្ឌិតសភាយោធា West Point របស់សហរដ្ឋអាមេរិក ដោយអះអាងថាជាសញ្ញាបត្រក្លែងក្លាយ ឬជាសញ្ញាបត្រការទូត ។ ការរិះគន់នេះ បណ្តាលឱ្យមានប្រតិកម្មយ៉ាងខ្លាំងពីអតីតនិស្សិតសាលាបណ្ឌិត្យសភាយោធា West Point ដទៃទៀត ។ ក្រៅពីនោះ និស្សិតខ្មែរដែលសិក្សានៅសាលាយោធានៅប្រទេសផ្សេងៗទៀត ក៏បានសម្តែងការខឹងសម្បានិងថ្កោលទោសដែរ ។
ក្រោយពីមានការរិះគន់នេះ លោក ហ៊ុន ម៉ាណែត បានបបួលលោក សម រង្ស៊ី ភ្នាល់គ្នា ដោយដាក់លក្ខខណ្ឌ២ចំណុចគឺ បើសិនជា សាលា West Point ពិតជាមានការបែងចែកស្តង់ដារខុសគ្នារវាងនិស្សិតយោធាបរទេស និងអាមេរិកដូចលោក សម រង្ស៊ី និយាយមែននោះ លោកនឹងលាលែងពីតួនាទីទាំងអស់ ប៉ុន្តែបើលោក សម រង្ស៊ី មិនអាចបង្ហាញថាសាលា West Point មានសញ្ញាបត្រ២ប្រភេទដែលមានតម្លៃខុសគ្នាទេ សូមឲ្យលោក សម រង្ស៊ី លាឈប់ពីនយោបាយជារៀងរហូត ។ប៉ុន្តែទោះជាយ៉ាងនេះក្តី លោក សម រង្ស៊ី ពុំហ៊ានភ្នាល់តាមការបបួលរបស់លោក ហ៊ុន ម៉ាណែត ដើម្បីការពារសម្តីដែលលោកបានវាយប្រហារលើសញ្ញាបត្រយោធារបស់លោក ហ៊ុន ម៉ាណែត ឡើយ ៕
ចែករំលែកព័តមាននេះ