រាជធានីភ្នំពេញ ៖ កម្លាំងសមត្ថកិច្ចនគរបាលមន្ទីរប្រឆាំងគ្រឿងញៀន គ្រោងនឹងបញ្ជូនជនជាតិចិនចំនួន៤នាក់ទៅកាន់សាលាដំបូងរាជធានីភ្នំពេញ នារសៀលថ្ងៃទី៤ ខែតុលា នេះ ដែលពួកគេជាប់ពាក់ព័ន្ធករណីជួញដូរគ្រឿងញៀនចំនួន៣៩គីឡូក្រាមដោយខុសច្បាប់ ហើយត្រូវបានសមត្ថកិច្ចចាប់ឃាត់ខ្លួននៅក្នុងខុនដូមួយកន្លែង ។…
រាជធានីភ្នំពេញ ៖ កម្លាំងសមត្ថកិច្ចនគរបាលមន្ទីរប្រឆាំងគ្រឿងញៀន គ្រោងនឹងបញ្ជូនជនជាតិចិនចំនួន៤នាក់ទៅកាន់សាលាដំបូងរាជធានីភ្នំពេញ នារសៀលថ្ងៃទី៤ ខែតុលា នេះ ដែលពួកគេជាប់ពាក់ព័ន្ធករណីជួញដូរគ្រឿងញៀនចំនួន៣៩គីឡូក្រាមដោយខុសច្បាប់ ហើយត្រូវបានសមត្ថកិច្ចចាប់ឃាត់ខ្លួននៅក្នុងខុនដូមួយកន្លែង ។ គួររំលឹកថា ចិនម្នាក់នេះថ្លើមធំម្ល៉េះហ៊ានសម្ងំក្នុងខុនដូធ្វើរឿងបែបហ្នឹងផង
ជនសង្ស័យជាជនជាតិចិនទាំង៤នាក់ ក្នុងនោះ១-ឈ្មោះ YUN LiANFU ភេទប្រុស អាយ៥១ឆ្នាំ ២-ឈ្មោះ FENG YONGCHAO ភេទប្រុស អាយុ៤៨ឆ្នាំ ៣-ឈ្មោះ CHOI KA LUN ភេទប្រុស អាយុ៤៣ឆ្នាំ និង៤-ឈ្មោះ LAU CHUN KiN ភេទប្រុស អាយុ៤០ឆ្នាំ ។
គួរបញ្ជាក់ថា កាលពីថ្ងៃទី២ ខែតុលា ឆ្នាំ២០១៩ កម្លាំងសមត្ថកិច្ចនគរបាលមន្ទីរប្រឆាំងគ្រឿងញៀន បានចុះបង្ក្រាបក្រុមជនសង្គមងងឹតជួញដូរគ្រឿងញៀនមួយក្រុម គឺធ្វើឡើងនៅទីតាំងផ្សេងគ្នា ប៉ុន្តែក្នុងនោះមានជនជាតិចិនម្នាក់ ដែលសមត្ថកិច្ចបានធ្វើការចាប់ខ្លួន នៅក្នុងបន្ទប់ខុនដូមួយកន្លែង ដែលមានគ្រឿងញៀនប្រមាណ៣៩គីឡូក្រាម ។
លោកឧត្តមសេនីយ៍ឯក ឡឹក វណ្ណៈ នាយកមន្ទីរប្រឆាំងគ្រឿងញៀនក្រសួងមហាផ្ទៃបានថ្លែងឲ្យដឹងថា ក្រោមការដឹកនាំដ៏ខ្ពង់ខ្ពស់ពីសំណាក់នាយឧត្ដមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងមានការចង្អុលបង្ហាញពីនាយឧត្តមសេនីយ៍ ម៉ក់ ជីតូ អគ្គស្នងការរង ទទួលការងារប្រយុទ្ធប្រឆាំងគ្រឿងញៀន កាលពីវេលាម៉ោង៩យប់ថ្ងៃទី២ ខែតុលា ឆ្នាំ២០១៩ កម្លាំងសមត្ថកិច្ចជំនាញ ដែលដឹកនាំដោយលោកវរៈសេនីយ៍ឯក ស៊ី ផល្លា នាយករងមន្ទីរប្រឆាំងគ្រឿងញៀន និងលោកវរៈសេនីយ៍ត្រី សេង ឃុនណាង នាយការិយាល័យទី១១ បានចុះប្រតិបត្តិការបង្ក្រាប ករណីជួញដូរគ្រឿងញៀនខុសច្បាប់មួយករណី ស្ថិតនៅចំណុចខុនដូមួយកន្លែងជាន់ទី២៩ បន្ទប់លេខ១៩ ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
លោក ឡឹក វណ្ណៈ បន្តថា ដំបូងកម្លាំងយើងបានប្រើប្រាស់វិធានញ៉ុះញ៉ុង ឃាត់ខ្លួនជនសង្ស័យ៣នាក់នៅទីកន្លែងផ្សែងគ្នា ដែលពួកគេបាននឹងកំពុងប្រព្រឹត្តបទល្មើសជាក់ស្តែង ចែកចាយ នឹងជួញដូរគ្រឿង ញៀន ។
ក្រោយពីចាប់ឃាត់ខ្លួនជនសង្ស័យ៣នាក់នោះហើយ ពួកគេបានសារភាព និងចង្អុលបង្ហាញថា ប្រភេទថ្នាំញៀនដែលនាំយកមកលក់ និងចែកចាយនេះ គឺបានមកពីជនសង្ស័យម្នាក់ឈ្មោះ YUN LIANFU ភេទប្រុស អាយុ៥១ឆ្នាំ ជាជនជាតិចិន មុខរបរមិនពិតប្រាកដ ស្នាក់នៅខុនដូមួយកន្លែង ។
លោកឡឹក វណ្ណៈ បន្តទៀតថា នៅពេលបានចម្លើយសារភាពនោះ សមត្ថកិច្ចបានឈានទៅដល់ការឡោមព័ទ្ធ នឹងចាប់ខ្លួនជនសង្ស័យម្នាក់នេះ រួមទាំងចាប់យកវត្ថុតាងថ្នាំញៀនចំនួន៣៩កញ្ចប់ធំ មានទម្ងន់ស្មើ៣៩គីឡូក្រាម ។ បន្ទាប់ពីចាប់ខ្លួនជនសង្ស័យឈ្មោះ YUN LIANFU និងដកហូតថ្នាំញៀន៣៩គីឡូក្រាម ជនសង្ស័យម្នាក់នេះបានសារភាពភ្លាមៗថា ជារបស់ដែលគេយកមកផ្ញើឲ្យជួយលក់ ចំណែកអ្នកផ្ញើទំនងគេចខ្លួនបាត់ហើយ ។ សមត្ថកិច្ចអះអាងថា នេះគ្រាន់តែជាល្បិចដោះបន្ទុកចង់ឲ្យរួចផុតពីការចោទប្រកាន់ប៉ុណ្ណោះទេ តាមពិតថ្នាំញៀននោះជារបស់ឈ្មោះ YUN LIANFU ប្រាកដហើយ ៕ (កែសម្រួលដោយ ៖ ធីតា)
ចែករំលែកព័តមាននេះ