បន្ទាយមានជ័យ ៖ ទឹកជំនន់លិចផ្លូវដែកអាជ្ញាធរក្រុងថា បណ្តាលមកពីក្រុមហ៊ុនបិតទឹកទុកធ្វើអាជីវកម្មទឹកស្អាតមិនព្រមបើក ទើបបណ្តាលលិចខូចផ្លូវដែករហូត៣ទៅ៤កន្លែង ដែលលើកឡើងកិច្ចប្រជុំរកដំណោះស្រាយផលប៉ះពាល់នៅថ្ងៃទី០៣ ខែតុលានេះ នៅសាលប្រជុំសាលាខេត្តបន្ទាយមានជ័យ ។ ក្នុងកិច្ចប្រជុំលោក…
បន្ទាយមានជ័យ ៖ ទឹកជំនន់លិចផ្លូវដែកអាជ្ញាធរក្រុងថា បណ្តាលមកពីក្រុមហ៊ុនបិតទឹកទុកធ្វើអាជីវកម្មទឹកស្អាតមិនព្រមបើក ទើបបណ្តាលលិចខូចផ្លូវដែករហូត៣ទៅ៤កន្លែង ដែលលើកឡើងកិច្ចប្រជុំរកដំណោះស្រាយផលប៉ះពាល់នៅថ្ងៃទី០៣ ខែតុលានេះ នៅសាលប្រជុំសាលាខេត្តបន្ទាយមានជ័យ ។
ក្នុងកិច្ចប្រជុំលោក ទូច ម្នី អភិបាលរងក្រុងប៉ោយប៉ែតបានមានប្រសាសន៍លើកឡើងថា ទឹកជំនន់ដែលជនលិចផ្លូវដែក និងផ្លូវជាតិលេខ៥ ត្រង់ចំណុចភូមិកូនដំរីសង្កាត់និមិត្តក្រុងប៉ោយប៉ែត គឺបណ្តាលមកពីបាក់ធ្លាយទំបន់ (អូរខៃដន) ដោយទឹកជំនន់ធ្លាក់ពីថៃ និងជំនន់ទឹកភ្លៀងទើបបណ្តាលច្រោះដាច់ផ្លូវដែក ។
លោកបានបញ្ជាក់ថា តាមការសិក្សាមើលមូលហេតុដែលទឹកលិច បណ្តាលខូចផ្លូវដែក គឺមកពីអាងអូរខៃដនត្រូវបិតទឹកទុករបស់ក្រុមហ៊ុនអានកូ សម្រាប់ធ្វើអាជីវកម្មទឹកស្អាតប្រើប្រាស់ក្នុងក្រុងប៉ោយប៉ែត ហើយមិនព្រមបើកទឹកទម្លាក់ទៅផ្នែកខាងក្រោម ទើបបណ្តាលបាក់ទំនប់ហូរច្រោះដាច់ផ្លូវ និងលិចផ្លូវជាតិលេខ៥ ។
លោក ទូច ម្នី បានបញ្ជាក់ថា នៅទំបន់អាងអូរខៃដូន ក្រុងប៉ោយប៉ែតមានក្រុមហ៊ុនឧកញ៉ា ឡាយ ប៊ុនប៉ា បានទិញដីពីក្រុមហ៊ុនត្រូពីកាណា ហើយគ្រោងចាក់ដីគ្រោងអភិវឌ្ឍន៍ក្រុងរណប លើផ្ទៃដី៥០០ហិកតា ។ ហើយមួយចំណែកអូរខៃដនត្រូវក្រុមហ៊ុនអានកូកាយ និងទប់ទឹកទុកសម្រាប់ធ្វើអាជីវកម្មទឹកស្អាតផ្គត់ផ្គង់ក្រុងប៉ោយប៉ែត ។
លោក លី សារី អភិបាលរងខេត្តបន្ទាយមានជ័យបានមានប្រសាសន៍ថា កិច្ចប្រជុំស្តីពីការរកដំណោះស្រាយពីផលប៉ះពាល់ដោយសារការបាក់ធ្លាយទំនប់អូរខៃដន មកលើផ្លូវដែកស្ថិតភូមិសាស្គ្រសង្កាត់និមិត្តក្រុងប៉ោយប៉ែត បណ្តាលទឹកហូរច្រោះតួផ្លូវដែកខូចខាតយ៉ាងធ្ងន់ធ្ងរ ។ លោកបានបញ្ជាក់ថា ដើម្បីរកដំណោះស្រាយ និងបញ្ជៀសបញ្ហាផលប៉ះពាល់ដោយសារគ្រោះទឹកជំនន់បន្តទៀត ក្រសួងសាធារណការ និងដឹកជញ្ជូនបានសុំអោយកិច្ចប្រជុំក្រុមការងារបច្ចេកទេស ។
លោក លី បូរិន អនុរដ្ឋលេខាធិការក្រសួងសាធារណការ និងដឹកជញ្ជូនទទួលបន្ទុកផ្លូវដែកបានមានប្រសាសន៍ថា ផ្លូវដែកដែលខូចខាត៣ទៅ៤កន្លែង ដោយទឹកជំនន់ហូរច្រោះដាច់និងខូចខាតធ្ងន់ធ្ងរ ហើយប្រជុំក្រុមការងារបច្ចេកទេស ដើម្បីរកដំណោះស្រាយផលប៉ះពាល់ដោយសារបាក់ធ្លាយទំនប់អូរខៃដន និងបញ្ជៀសបញ្ហាផលប៉ះពាល់ដោយសារទឹកជំនន់បន្តទៀត ៕ កែសម្រួលដោយ ៖ សុឃាក់
ចែករំលែកព័តមាននេះ