រាជធានីភ្នំពេញ ៖ ជនសង្ស័យ២នាក់ធ្វើសកម្មភាពឆក់តែមិនដឹងថាឆក់កាបូប ឬឆក់ទូរស័ព្ទនោះទេបានសម្រេចហើយ ជិះម៉ូតូរត់គេចខ្លួនក៏ជ្រុលទៅបុកម៉ូតូមួយគ្រឿងទៀតពេញទំហឹង បណ្តាលអោយដួល ហើយជនសង្ស័យទាំង២នាក់នាំគ្នារត់គេចខ្លួន ដោយម្នាក់បានរត់ដល់ផ្លូវ១១៣ ចំណែកម្នាក់ទៀតរត់ចូលសម្ងំក្នុងលូ ទោះបីជាយ៉ាងណា…
រាជធានីភ្នំពេញ ៖ ជនសង្ស័យ២នាក់ធ្វើសកម្មភាពឆក់តែមិនដឹងថាឆក់កាបូប ឬឆក់ទូរស័ព្ទនោះទេបានសម្រេចហើយ ជិះម៉ូតូរត់គេចខ្លួនក៏ជ្រុលទៅបុកម៉ូតូមួយគ្រឿងទៀតពេញទំហឹង បណ្តាលអោយដួល ហើយជនសង្ស័យទាំង២នាក់នាំគ្នារត់គេចខ្លួន ដោយម្នាក់បានរត់ដល់ផ្លូវ១១៣ ចំណែកម្នាក់ទៀតរត់ចូលសម្ងំក្នុងលូ ទោះបីជាយ៉ាងណា ជនសង្ស័យទាំង២នាក់ត្រូវបានកម្លាំងខណ្ឌ៧មករាដេញតាមចាប់ក្របួចជាប់ទាំង២នាក់ រួចយកទៅសួរនាំ ។
ហេតុការណ៍ខាងលើនេះបង្កការភ្ញាក់ផ្អើលបានកើតឡើងកាលពីវេលាម៉ោង១០និង៣០នាទីយប់ថ្ងៃទី៣ ខែតុលា ឆ្នាំ២០១៩ នៅចំណុចមន្ទីរសម្រាកព្យាបាលយីហោ ហ្វអេវើយុំាង តាមបណ្តោយផ្លូវ១១៣ ស្ថិតនៅក្នុងសង្កាត់បឹងកេងកង២ ខណ្ឌចំការមន ។
ជនសង្ស័យ២នាក់ខាងលើនោះមិនស្គាល់អត្តសញ្ញាណនោះទេ បានជិះម៉ូតូមួយគ្រឿងម៉ាកហុងដាឌ្រីម ពណ៌ខ្មៅ ស៊េរី២០១៩ ពាក់ស្លាកលេខ ភ្នំពេញ ១HJ-១៣៨០ ។
តាមប្រភពពីសាក្សីដែលឃើញហេតុការណ៍បានអោយដឹងថា មុនពេលកើតហេតុ គេឃើញសមត្ថកិច្ចខណ្ឌ៧មករាកំពុងតែល្បាតនៅក្នុងមូលដ្ឋានក៏ស្រាប់តែប្រទះឃើញជនសង្ស័យ២នាក់ជិះម៉ូតូមួយគ្រឿងម៉ាកហុងដាឌ្រីម បើកបរតាមបណ្តោយផ្លូវ១០៥ ក្នុងទិសដៅពីជើងទៅត្បូងមិនដឹងថា ជនសង្ស័យខាងលើ២នាក់នោះធ្វើសកម្មភាពឆក់ទូរស័ព្ទដៃឬឆក់កាបូបនោះទេពីស្ត្រីម្នាក់ជិះម៉ូតូមួយគ្រឿងម៉ាកធូដេ (Today) មិនចាំពណ៌ មិនចាំស្លាកលេខបានសម្រេច ហើយបំរុងនឹងបើកម៉ូតូគេចខ្លួន ។
តាមប្រភពដដែលបានបន្តថា ពេលនោះត្រូវបានសមត្ថកិច្ចប្រទះឃើញនិងដេញតាមចាប់ ស្រាប់តែជនសង្ស័យបើកម៉ូតូទៅបុកម៉ូតូមួយគ្រឿងទៀតម៉ាកហុងដាស្គូពី ពណ៌ខ្មៅ ពាក់ស្លាកលេខ ភ្នំពេញ ១BQ-៤៤៥០ កំពុងធ្វើតាមបណ្តោយផ្លូវ២៧៨ ក្នុងទិសដៅពីលិចទៅកើត បណ្តាលអោយម៉ូតូម៉ាកស្គូពីខ្ទេចអស់មួយកំណាត់ខាងមុខ ចំណែកឯជនសង្ស័យវិញម្នាក់រត់ចូលទៅសង្ងំក្នុងលូ និងម្នាក់ទៀតបានរត់ទៅដល់ផ្លូវ១១៣ ទើបសមត្ថកិច្ចខណ្ឌ៧មករាបានក្របួចជាប់ទាំង២នាក់យកមកសួរនាំតែម្តង ។
ក្រោយពេលកើតហេតុ ជនសង្ស័យទាំង២នាក់ត្រូវបានកម្លាំងសមត្ថកិច្ចកសាងសំណុំរឿងបញ្ចូនទៅកាន់តុលាការដើម្បីចាត់ការទៅតាមនីតិវិធី ៕ (កែសម្រួលដោយ ៖ ធីតា)
ចែករំលែកព័តមាននេះ