ខេត្តសៀមរាប ៖ យោងតាមប្រភពពីតុលាការខេត្តសៀមរាបបានឲ្យដឹងថា បន្ទាប់ពីសមត្ថកិច្ចបញ្ជូនសំណុំរឿងជនបង្កសង្សា១គូ មកកាន់តុលាការរួចមក តុលាការបានមើលសំណុំរឿង និងបានសម្រេចឃុំខ្លួនពួកគេបណ្តោះអាសន្ន ។
ជនសង្ស័យទាំង២នាក់ខាងលើមានទី១-ឈ្មោះ ឡៅ ជីងលី ភេទប្រុស អាយុ៣០ឆ្នាំ មុខរបរនៅផ្ទះ មានទីលំនៅបច្ចុប្បន្នភូមិ២សង្កាត់ទំនប់ទឹក ខណ្ឌចំការមន រាជធានីភ្នំពេញ ។ ដោយចោទប្រកាន់ពីបទ (ហិង្សាមានស្ថានទម្ងន់ )ដែលបានប្រព្រឹត្តិនៅហាង ធីមផលបារ ស្ថិតក្នុងភូមិមណ្ឌល១សង្កាត់ ស្វាយដង្គំ ក្រុងសៀមរាប កាលពីថ្ងៃទី២៨ ខែកញ្ញា ឆ្នាំ២០១៩ ។ ទី២ -ឈ្មោះ ង៉ូវ លីហ៊ុយ អាយុ២២ឆ្នាំ រស់នៅសង្កាត់បឹងព្រលិត ខណ្ឌ៧មករា រាជធានីភ្នំពេញ ដែលជាស្រីស្នេហ៍ ។
ដោយនៅរសៀលថ្ងៃទី០២ ខែតុលានេះ ជនសង្ស័យ១គូ ដែលជាជើងខ្លាំងអាងខ្សែអ្នកធំបានទៅវាយទៅលើជនរងគ្រោះម្នាក់ បណ្តាលឲ្យបែកក្បាល នៅក្នុងហាងផឹកស៊ីយីហោ ធីមផលបារ នោះត្រូវបាននគរបាលខេត្តសៀមរាបចាប់ខ្លួនបញ្ជូនមកកាន់តុលាការសម្រេច ឲ្យឃុំខ្លួនហើយ ។ បន្ទាប់ពីសួរនាំជនសង្ស័យ១គូរួចមក លោកព្រះរាជអាជ្ញាបានចោទប្រកាន់ពីបទហិង្សាដោយមានស្ថានទម្ងន់ ហើយលោក ចៅក្រមនៃសាលាដំបូងបានសម្រេចថា ឃុំខ្លួនដាក់ពន្ធនាគារជាបណ្តោះអាសន្នសិន ។
គួររម្លឹក ករណីនេះកើតឡើងនៅថ្ងៃទី២៨ ខែកញ្ញា ឆ្នាំ២០១៩ វេលាម៉ោង២៣និង៣០នាទី នៅត្រង់ចំណុច ក្នុងហាងផឹកស៊ីយីហោ ធីមផលបារ ស្ថិតនៅភូមិមណ្ឌល១ សង្កាត់ស្វាយដង្គំ ក្រុងខេត្ត សៀមរាប ។ ជនរងគ្រោះឈ្មោះ ឆៃវឌ្ឍនា ភេទប្រុស អាយុ២៩ឆ្នាំ មុខរបរយោធា ទីលំនៅបច្ចុប្បន្ន ភូមិ១៤ សង្កាត់បឹងកក់១ រាជធានីភ្នំពេញ និងមិត្តភក្តិផ្សេងទៀត បាននាំគ្នាចូលទៅផឹកស៊ីនៅក្នុងហាងខាងលើ។
ក្រោយពីការសាកសួរឈ្មោះឡៅ ជីងលី បានសារភាពថា ខ្លួនពិតជាបានវាយទៅលើ ឈ្មោះ ឆៃ វឌ្ឍនា បណ្ដាលឲ្យរងរបួសដូចបានរៀបរាប់ខាងលើពិតមែន ៕ កែសម្រួលដោយ ៖សុឃាក់
បញ្ជាក់ ៖ មិនធម្មតាទេគូស្នេហ៍នេះ…មិនលើកលែងសូម្បីតែមន្ត្រីយោធា និងមន្ត្រីនគរបាល
ចែករំលែកព័តមាននេះ