ព្រះសារីបុត្រជាអគ្គសាវកទី១នៃព្រះសម្មាសម្ពុទ្ធ លោកមិនដែលបំភ្លេចគុណអ្នកដទៃឡើយ សូម្បីតែបាយមួយវែកដែលគេឱ្យដោយសទ្ធាក៏លោកតែងរកឱកាសធ្វើតបវិញមិនឱ្យរំលង ព្រោះយល់ថា កតញ្ញុតាធម៌មានប្រយោជន៍ធំធេងណាស់សម្រាប់សព្វសត្វ ។ ហេតុនេះបុគ្គលគប្បីញុំាងកតញ្ញុតានេះឱ្យប្រព្រឹត្តទៅដល់បុព្វការីទាំងអស់ មិនមែនចំពោះតែមាតាបិតានោះទេ គឺយើងមិនត្រូវរមិលគុណដល់អ្នកណាៗឡើយ សូម្បីតែអ្នកដទៃដែលធ្លាប់មានគុណបន្តិចបន្តួចយ៉ាងណាក៏ដោយ…
ព្រះសារីបុត្រជាអគ្គសាវកទី១នៃព្រះសម្មាសម្ពុទ្ធ លោកមិនដែលបំភ្លេចគុណអ្នកដទៃឡើយ សូម្បីតែបាយមួយវែកដែលគេឱ្យដោយសទ្ធាក៏លោកតែងរកឱកាសធ្វើតបវិញមិនឱ្យរំលង ព្រោះយល់ថា កតញ្ញុតាធម៌មានប្រយោជន៍ធំធេងណាស់សម្រាប់សព្វសត្វ ។
ហេតុនេះបុគ្គលគប្បីញុំាងកតញ្ញុតានេះឱ្យប្រព្រឹត្តទៅដល់បុព្វការីទាំងអស់ មិនមែនចំពោះតែមាតាបិតានោះទេ គឺយើងមិនត្រូវរមិលគុណដល់អ្នកណាៗឡើយ សូម្បីតែអ្នកដទៃដែលធ្លាប់មានគុណបន្តិចបន្តួចយ៉ាងណាក៏ដោយ ដូចជាត្រឹមតែបាយមួយដុំ ទឹកមួយផ្តិលជាដើមដែលគេបានឲ្យដល់យើងដោយទឹកចិត្ត គឺយើងត្រូវចាំទុកថា នោះជាគុណបុណ្យដែលយើងគួររកឱកាសតបស្នងឲ្យបានយ៉ាងហោចណាស់ក៏ម្ដងដែរ យ៉ាងនេះ ទើបឈ្មោះថាជាមនុស្សល្អ ។
ធ្វើជាមនុស្សត្រូវតែយល់ពីហេតុផល គួរតែនឹករលឹកមើលថា តើខ្វះខាតនូវចំណុចការដឹងគុណនេះដែរឬទេ កុំចេះតែសង្ស័យថាក្រែងធ្វើល្អហើយបែរមិនបានល្អនោះ អំណាចនៃកតញ្ញូមានកម្លាំងធំធេងណាស់ ។ (ដោយសាន សារិន)
ចែករំលែកព័តមាននេះ