ប្រទេសឥណ្ឌា ៖ មនុស្សជាច្រើនរយនាក់ដែលជាសកម្មជនរបស់បិតាឯករាជ្យជាតិឥណ្ឌាលោកមហាត្មៈគន្ធី នាថ្ងៃទី២ តុលាបានចាប់ផ្ដើមចេញដំណើរពីទីក្រុងញូវដែល្លី ក្នុងក្បួនដើរដើម្បីសន្តិភាពមួយ ដែលមានរយៈពេល១ឆ្នាំកាត់ពិភពលោក ដែលនឹងនាំពួកគេដើររហូតដល់ក្រុងហ្ស៊ឺណែវ ក្រោយពីដើរក្នុងចម្ងាយផ្លូវដល់ទៅ១៤.០០០គីឡូម៉ែត្រ។
ការចេញដំណើរនៃក្បួនដើរមានឈ្មោះថា JAI JAGATមានន័យថាព្យាបាលពិភពលោកគឺជួនពេលគ្នានឹងខួបទី១៥០នៃថ្ងៃកំណើតរបស់មហាត្មៈគន្ធី ហើយក្បួនដើរនេះនឹងធ្វើឆ្លងកាត់ប្រទេស១០ដើម្បីផ្សព្វផ្សាយធម៌អហិង្សា របស់វីរបុរសសន្តិភាពឥណ្ឌា ដែលធ្វើការតស៊ូដោយអហិង្សាប្រឈមមុខនឹងអាណានិគមនិយមអង់គ្លេស។
អ្នករៀបចំក្បួនដើរនោះលោកRAJAGOPAL PVថ្លែងថា យើងនឹងដើរពីទីក្រុងមួយទៅទីក្រុងមួយទៀត ដើម្បីផ្បព្វផ្សាយធម៌អហិង្សា ដែលលោកថា បានទទួលជោគជ័យនៅឥណ្ឌា ហើយក៏នឹងទៅរួចដែរក្នុងគ្រប់ទីកន្លែងនៃពិលោក។ លោកថាធម៌អហិង្សាអាចជាចំណុចកណ្ដាលនៃការប្រយុទ្ធប្រឆាំងភាពក្រីក្រឬការផ្លាស់ប្ដូរបរិយាកាស៕ (កែសម្រួលដោយ ៖ បុប្ផា)
ចែករំលែកព័តមាននេះ