ខេត្តស្វាយរៀង ៖ សេចក្តីរាយការណ៍បឋមបានឲ្យដឹងថា កូនតិរច្ឆានម្នាក់បានយកព្រនង់វាយម្តាយបែកក្បាលហូរឈាម ព្រោះតែរឿងសុំប្រាក់ម្តាយមិនឲ្យ និងបានវាយអ្នកជួយម្តាយឲ្យរងរបួស៣នាក់ទៀត ខណៈអ្នកជិតខាងឃើញចូលទៅជួយក៏ត្រូវជនកំណាចនេះវាយឲ្យបែកក្បាលបែកមុខហូរឈាមរហាមផងដែរ ។ ករណីកូនតិរច្ឆានវាយម្តាយបែកក្បាលនេះ បានកើតឡើងកាលពីវេលាម៉ោង២និង០០នាទីយប់ទៀបភ្លឺឈានចូលថ្ងៃទី០២…
ខេត្តស្វាយរៀង ៖ សេចក្តីរាយការណ៍បឋមបានឲ្យដឹងថា កូនតិរច្ឆានម្នាក់បានយកព្រនង់វាយម្តាយបែកក្បាលហូរឈាម ព្រោះតែរឿងសុំប្រាក់ម្តាយមិនឲ្យ និងបានវាយអ្នកជួយម្តាយឲ្យរងរបួស៣នាក់ទៀត ខណៈអ្នកជិតខាងឃើញចូលទៅជួយក៏ត្រូវជនកំណាចនេះវាយឲ្យបែកក្បាលបែកមុខហូរឈាមរហាមផងដែរ ។
ករណីកូនតិរច្ឆានវាយម្តាយបែកក្បាលនេះ បានកើតឡើងកាលពីវេលាម៉ោង២និង០០នាទីយប់ទៀបភ្លឺឈានចូលថ្ងៃទី០២ តុលានេះ នៅចំណុចភូមិរមាំងទ្រេត ឃុំសំបួរ ស្រុករមាសហែក ។
បើតាមសមត្ថកិច្ចបានឲ្យដឹងថា នៅយប់កើតហេតុជនកំណាចនេះបានមកសំឡុតសុំលុយពីម្តាយយកទៅឲ្យថ្លៃស្រាគេ ម្តាយមិនឲ្យក៏ផ្ទុះកំហឹងទៅយកព្រនង់វាយសំពងទៅលើម្តាយបង្កើតចំក្បាល បណ្តាលឲ្យបែកហូរឈាម ស្ត្រីជាម្តាយក៏ស្រែកឲ្យអ្នកជិតខាងជួយក៏ផ្អើលដល់អ្នកជិតខាងរត់មកជួយ និងចូលឃាត់កុំឲ្យវាយម្តាយ ខណៈនោះជនកំណាចនេះបានវាយទាំងអ្នកចូលឃាត់ បណ្តាលឲ្យរងរបួសទាំង៣នាក់ផ្សេងទៀត ខ្លះបែកក្បាល ខ្លះបែកមុខហូរឈាមកក្លាក់ ខ្លះពកស្មងជើង ខ្លះរបួសស្មា និងក.ផងដែរ ។
ប្រភពសមត្ថកិច្ចបានអោយដឹងទៀតថា ជនកំណាចនេះមានឈ្មោះ មុត កេត អាយុ២៥ឆ្នាំរស់នៅភូមិម្រាមខាងជើង ឃុំម្រាម ស្រុករមាសហែក ខេត្តស្វាយរៀង បានយកព្រនង់វាយទៅលើម្តាយបង្កើតឈ្មោះ អ៊ុក ស៊ាន អាយុ៥៨ឆ្នាំ រស់នៅភូមិរមាំងទ្រេត ឃុំសំបួរ ដែលកំពុងដេកលើផ្ទះរបស់ខ្លួន បណ្តាលឲ្យរងរបួសបែកក្បាលធ្ងន់ធ្ងរ ។
ខណៈនោះដែរ អ្នកស្រុកបានប្តឹងទៅសមត្ថកិច្ចបុស្តិ៍រដ្ឋបាលឃុំឲ្យមកជួយធ្វើអន្តរាគមន៍សមត្ថកិច្ចបានចុះមកចាប់ឃាត់ខ្លួនជនបង្កខាងលើបានភ្លាមៗមផងដែរ ។ បច្ចុប្បន្នជនរងគ្រោះទាំង៤នាក់បញ្ជូនមកសម្រាកព្យាបាលនៅមន្ទីរពេទ្យបង្អែកស្រុករមាសហែក ។ រីឯជនសង្ស័យត្រូវបានឃាត់ខ្លួនកសាងសំណុំរឿងបញ្ជូនមកស្នងការដ្ឋាននគបាលខេត្តចាត់ការតាមនីតិវិធី ៕ កែសម្រួលដោយ ៖ សុឃាក់
ចែករំលែកព័តមាននេះ