រាជធានីភ្នំពេញ ៖ ក្រសួងកសិកម្មរុក្ខាប្រមាញ់ និងនេសាទបានអះអាងថា សត្វដែលស្គមស្គាំងនៅក្នុងសួនឧស្យានសត្វភ្នំតាម៉ៅ មិនមែនមកពីអត់ចំណីអាហារនោះទេ ។ នេះបើតាមសេចក្តីប្រកាសព័ត៌មានរបស់ក្រសួង ។ យោងតាមសេចក្តីប្រកាសព័ត៌មានរបស់ក្រសួងកសិកម្មរុក្ខាប្រមាញ់…
រាជធានីភ្នំពេញ ៖ ក្រសួងកសិកម្មរុក្ខាប្រមាញ់ និងនេសាទបានអះអាងថា សត្វដែលស្គមស្គាំងនៅក្នុងសួនឧស្យានសត្វភ្នំតាម៉ៅ មិនមែនមកពីអត់ចំណីអាហារនោះទេ ។ នេះបើតាមសេចក្តីប្រកាសព័ត៌មានរបស់ក្រសួង ។
យោងតាមសេចក្តីប្រកាសព័ត៌មានរបស់ក្រសួងកសិកម្មរុក្ខាប្រមាញ់ និងនេសាទចេញផ្សាយនៅថ្ងៃទី០២ ខែតុលា បានលើកឡើងថា បន្ទាប់ពីបានកត់សម្គាល់ឃើញថា ក្នុងរយៈពេល ប៉ុន្មានថ្ងៃមកនេះនៅលើបណ្តាញទំនាក់ទំនងសង្គម (Face book) មានបុគ្គលមួយចំនួនបានបង្ហោះសា ររិះគន់ចំពោះអ្នកគ្រប់គ្រងឧទ្យានសួនសត្វ និងមជ្ឈមណ្ឌលសង្គ្រោះសត្វព្រៃភ្នំតាម៉ៅ របស់រដ្ឋបាលព្រៃឈើនៃក្រសួងកសិកម្ម រុក្ខាប្រមាញ់ និងនេសាទ ដែលមានខ្លឹមសារថា បានបណ្តោយឱ្យសត្វព្រៃមួយចំនួនស្គមស្គាំងដោយសារខ្វះចំណីអាហារ ។
ក្រសួងបានអះអាងថា ពាក់ព័ន្ធនឹងការលើកឡើងខាងលើនេះក្រសួងកសិកម្មរុក្ខាប្រមាញ់ និងនេសាទ សូមជម្រាបជូនសាធារណជនជ្រាបថា ឧទ្យានសួនសត្វ និងមជ្ឈមណ្ឌលសង្គ្រោះសត្វព្រៃភ្នំតាម៉ៅ គឺជាមជ្ឈមណ្ឌលស្តារនីតិសម្បទាសត្វព្រៃគ្រប់ប្រភេទដោយមានមន្ត្រីបសុពេទ្យមើលថែទាំជាប្រចាំ ក្រោមកិច្ចសហការជាមួយអង្គការដៃគូដូចជា Wildlife Alliance , មានជំងឺ មានរបួសនោះមែនចំដោយ FFI និង Free the Bear ។
ក្រសួងបានបញ្ជាក់ថា ៖«រីឯសត្វព្រៃដែលស្គមស្គាំងមួយចំនួនតូចនោះមិនមែនខ្វះចំណី អាហារដូចការរិះគន់ឡើយ គឺជាសត្វដែលមានជំងឺ ឬមានរបួសដោយសារការដាក់អន្ទាក់ដោយខុសច្បាប់ ឬមានអ្នកចិញ្ចឹមមិនចង់ចិញ្ចឹម ឬមាន Aliance, បញ្ហាសុខភាពធ្លាក់ខ្លួនឈឺស្គមស្គាំង ក៏បានប្រគល់មកឱ្យរដ្ឋបាលព្រៃឈើ និងអង្គការដៃគូយកមកថែរក្សា និងព្យាបាលដូចនេះហើយទើបឃើញមានសត្វព្រៃខ្លះនៅទីនោះស្គមស្គាំងដែលមើលទៅហាក់ដូចជា ខ្វះចំណីអាហារជាដើម» ។
ជាមួយគ្នានោះដែរ ក្រសួងបានឲ្យដឹងថា ជាក់ស្តែងនៅឆ្នាំ២០១៨ កន្លងមកនេះឧទ្យានសួនសត្វ និងមជ្ឈមណ្ឌលសង្គ្រោះសត្វព្រៃភ្នំតាម៉ៅបានសង្គ្រោះសត្វព្រៃថ្មីចំនួន១ ៨៩៣ ក្បាល ព្យាបាលសត្វព្រៃចំនួន២៥៧ក្បាល និងកំពុងថែរក្សាសត្វព្រៃចំនួន១ ៥៨៦ក្បាល (បក្សីចំនួន ៥៤ប្រភេទ ថនិកសត្វចំនួន៤១ប្រភេទ និងស្មូនចំនួន១២ប្រភេទ) ព្រមទាំងបានស្ដាលទ្ធភាពជីវសាស្ត្រសត្វព្រៃ និងដោះលែងសត្វព្រៃគ្រប់ប្រភេទទៅក្នុងព្រៃធម្មជាតិវិញចំនួន១៤៨៤ក្បាល ។
ដោយឡែកក្នុងរយៈពេល៩ខែ ឆ្នាំ២០១៩នេះ ឧទ្យានសួនសត្វ និងមជ្ឈមណ្ឌលសង្គ្រោះសត្វព្រៃភ្នំតាម៉ៅបានសង្គ្រោះសត្វព្រៃថ្មីចំនួន៧៦៧ក្បាល ព្យាបាលសត្វព្រៃចំនួន២០៧ក្បាល និងកំពុងថែរក្សាសត្វព្រៃចំនួន ១ ៦២៥ក្បាល (បក្សីចំនួន៥៣ប្រភេទ ថនិកសត្វចំនួន៤១ប្រភេទ និងស្មូនចំនួន១៣ប្រភេទ) ព្រមទាំងបានស្ដាលទ្ធភាពជីវសាស្ត្រសត្វព្រៃ និងដោះលែងសត្វព្រៃគ្រប់ប្រភេទទៅក្នុងព្រៃធម្មជាតិវិញចំនួន៦៧៤ក្បាល ។
ក្រសួងបានលើកឡើងទៀតថា ដើម្បីចូលរួមថែរក្សា និងការពារសត្វព្រៃដែលជាសម្បត្តិធម្មជាតិដ៏មាន តម្លៃរបស់កម្ពុជាឱ្យបានគង់វង្សក្រសួងកសិកម្មរុក្ខាប្រមាញ់ និងនេសាទនឹងបន្តយកចិត្តទុកដាក់ក្នុងការពង្រឹងការអនុវត្តច្បាប់ការផ្សព្វផ្សាយច្បាប់លិខិតបទដ្ឋាន គតិយុត្តនានា និងថែរក្សាក៏ដូចជា ព្យាបាលសត្វព្រៃគ្រប់ប្រភេទសម្រាប់ជាកេរមរតកដល់កូនចៅយើងជំនាន់នេះ និងជំនាន់ក្រោយៗទៀត ។
តាមការកត់សម្គាល់ បើតាមអ្នកដែលទស្សនានៅសួនឧស្យានសត្វភ្នំតាម៉ៅបាននាំគ្នាលើកលើកឡើងថា មួយរយៈពេលមានសត្វច្រើនសម្រាប់ទស្សនាជាងឆ្នាំកន្លងកន្លងមក ៕ កែសម្រួលដោយ ៖សុឃាក់
ចែករំលែកព័តមាននេះ