ខេត្តរតនគិរី ៖ សេចក្តីរាយការណ៍បានបន្ត លើករណីខ្មាន់កាំភ្លើងបាញ់ប្រហារមន្ត្រីនគរបាលម្នាក់ក្នុងហាងកាហ្វេនោះ គឺត្រូវបានកម្លាំងសមត្ថកិច្ចធ្តាមក្របួចនិងឃាត់បានជនដៃដល់ មានឈ្មោះនួន មករា អាយុ៣១ឆ្នាំ ជាមន្ត្រីនគរបាលប្រឆាំងបទល្មើសសេដ្ឋកិច្ច ស្ថិតត្រង់ចំណុចបឹងយក្សឡោម នៅថ្ងៃទី០៣ តុលា ដដែល ខណៈជននេះកំពុងបើករថយន្តគេចខ្លួន បន្ទាប់ពីបាញ់ប្រហារជនរងគ្រោះហើយ ។ ពេលនេះ កំពុងត្រូវបានសាកសួរបន្ត ។ សូមរំលឹកថា៖ ខ្មាន់កាំភ្លើងដ៏ស្លុយ…ដើរមកបាញ់ចំក្បាលប៉ូលិសម្នាក់ក្នុងហាងកាហ្វេ
សេចក្តីរាយការណ៍បន្តថា ទោះបីជាយ៉ាងណា ជំហានដំបូងនៅមិទទាន់ដឹងពីមូលហេតុរឿងនេះច្បាស់លាស់នៅឡើយ ដែលធ្វើឱ្យជននេះមានកំហឹងមកបាញ់សម្លាប់ជនរងគ្រោះ ។ ប៉ុន្តែបានឆ្លើយសារភាព
ថា «ខ្លួនពិតជាបានបាញ់សម្លាប់ជនរងគ្រោះពិតប្រាកដមែន ដោយសាររឿងគំនុំផ្ទាល់ខ្លួន» ។
ប្រភពបន្តថា ក្រោយធ្វើសកម្មភាពរួច ជនដៃដល់ជាខ្មាន់កាំភ្លើងរូបនេះជិះរថយន្ត ពណ៌.ស ពាក់ស្លាក់លេខ២N-៥០១១បើករថយន្តគេចខ្លួន ហើយត្រូវសមត្ថកិច្ចតាមចាប់ខ្លួនបានតែម្តង ។ គួររំលឹកថា កាលពីវេលាម៉ោងប្រហែល៩ និង៣០នាទីព្រឹកថ្ងៃទី៣ តុលា ស្ថិតចំណុចហាងកាហ្វេវៀតណាមមួយកន្លែងក្បែរភោជនីយដ្ឋានម្លិះ៧៧ ស្ថិតក្នុងភូមិអូរកន្សែង សង្កាត់បឹងកន្សែង ក្រុងបានលុង ខេត្តរតនគិរី ជនរងគ្រោះឈ្មោះ
ផន ទុំ អាយុ៣០ឆ្នាំ ជានាយរងការិយាល័យព្រហ្មទណ្ឌកំរិតស្រាលនៃស្នងការដ្ឋានខេត្ត កំពុងអង្គុយផឹកកាហ្វេនៅទីនោះ ។
ក្រោយមក ជននដៃដល់ចុះពីលើរថយន្ត ដើរសំដៅមកបាញ់សម្លាប់ជនរងគ្រោះចំនួន០១គ្រាប់ចំក្បាលដួលនៅនឹងកន្លែងក្នុងថ្លុកឈាម ។ ជនរងគ្រោះត្រូវបានពេលបញ្ជូនដល់មន្ទីពេទ្យដើម្បីសង្គ្រោះដែរ ប៉ុន្តែគាត់បានដាច់ខ្យល់ស្លាប់ទៅហើយ ។ ព័ត៌មានបន្ថែម កោះសន្តិភាពនឹងមានផ្សាយជូនបន្ត ។
អត្ថបទសរសេរ ដោយ
អត្ថបទសរសេរ ដោយ
ចែករំលែកព័តមាននេះ