សហរដ្ឋអាមេរិក ៖ ប្រធានាធិបតីអាមេរិកលោកដូណាល់ត្រាំ កាលពីយប់ថ្ងៃទី១តុលាបានចាត់ទុកនីតិវិធី នៃការទម្លាក់លោកដោយចោទពីបទស្នើជំនួយពីរដ្ឋាភិបាលបរទេស ក្នុងឱកាសនៃយុទ្ធនាឃោសនាបោះឆ្នោតថាជារដ្ឋប្រហារមួយ។ តាមTWITTERលោកត្រាំសរសេរថា ខ្ញុំឈានទៅធ្វើការសន្និដ្ឋានថា ចំពោះអ្វីដែលកំពុងកើតមានពុំមែនជារឿងធម្មតាមួយទេ តែជារដ្ឋប្រហារមួយ…
សហរដ្ឋអាមេរិក ៖ ប្រធានាធិបតីអាមេរិកលោកដូណាល់ត្រាំ កាលពីយប់ថ្ងៃទី១តុលាបានចាត់ទុកនីតិវិធី នៃការទម្លាក់លោកដោយចោទពីបទស្នើជំនួយពីរដ្ឋាភិបាលបរទេស ក្នុងឱកាសនៃយុទ្ធនាឃោសនាបោះឆ្នោតថាជារដ្ឋប្រហារមួយ។
តាមTWITTERលោកត្រាំសរសេរថា ខ្ញុំឈានទៅធ្វើការសន្និដ្ឋានថា ចំពោះអ្វីដែលកំពុងកើតមានពុំមែនជារឿងធម្មតាមួយទេ តែជារដ្ឋប្រហារមួយ សំដៅដណ្ដើមអំណាចរបស់ប្រជាជន បំផ្លាញការបោះឆ្នោតនិងសេរីភាពរបស់ប្រជាជន ព្រមទាំងការធ្វើវិសោធនកម្មរដ្ឋធម្មនុញ្ញលើកទី២ រំលោភបំពានលើសាសនា កងទ័ពនិងជញ្ជាំងព្រំដែន និងបណ្ដាសិទ្ធិដែលព្រះលោកបានប្រទានក្នុងឋានៈជាពលរដ្ឋអាមេរិក។
ពួកអ្នកប្រជាធិបតេយ្យបានបើកធ្វើចាប់តាំងពី១សប្ដាហ៍មកហើយ ការស៊ើបអង្កេតប្រឆាំងលោកត្រាំសំដៅដកហូតតំណែងលោក។ ពួកអ្នកប្រជាធិបតេយ្យបានចោទប្រកាន់លោកត្រាំថា បានស្នើដល់សមភាគីអ៊ុយក្រែនលោកVOLODYMYR ZELENSKY ក្នុងឱកាសនៃការជួបសន្ទនាគ្នាតាមទូរស័ព្ទ កាលពី២ខែមុនឲ្យស៊ើបអង្កេតលើអតីតអនុប្រធានាធិបតីលោកJOE BIDENដើម្បីលាបពណ៌ពួកប្រជាធិបតេយ្យ ក្នុងឱកាសនៃការបោះឆ្មោតប្រធានាធិបតីឆ្នាំ២០២០៕ (កែសម្រួលដោយ ៖ បុប្ផា)
ចែករំលែកព័តមាននេះ