ខេត្តតាកែវ ៖ ដាយកាត់ទទឹងទន្លេចំនួន៣កន្លែង ស្ថិតក្នុងឃុំកំពង់ក្រសាំង ស្រុកបូរីជលសារ ខេត្តតាកែវ ត្រូវបានអភិបាលស្រុកក៏ដូចជាមេឃុំបានលក់អតីតដែនឡូត៍លេខ៥ទៅឱ្យជនជាតិយួនចូលមកដាក់ដាយកាត់ទទឹងទន្លេរួចប្រមូលយកត្រីគ្រប់ប្រភេទយកទៅស្រុកគេវិញរាប់សិបតោនជារៀងរាល់ថ្ងៃដោយមិនបានរំខានសមត្ថកិច្ចណាឡើយ ។ ប្រជាពលរដ្ឋរស់នៅឃុំកំពង់ក្រសាំង ស្រុកបូរីជលសារ…
ខេត្តតាកែវ ៖ ដាយកាត់ទទឹងទន្លេចំនួន៣កន្លែង ស្ថិតក្នុងឃុំកំពង់ក្រសាំង ស្រុកបូរីជលសារ ខេត្តតាកែវ ត្រូវបានអភិបាលស្រុកក៏ដូចជាមេឃុំបានលក់អតីតដែនឡូត៍លេខ៥ទៅឱ្យជនជាតិយួនចូលមកដាក់ដាយកាត់ទទឹងទន្លេរួចប្រមូលយកត្រីគ្រប់ប្រភេទយកទៅស្រុកគេវិញរាប់សិបតោនជារៀងរាល់ថ្ងៃដោយមិនបានរំខានសមត្ថកិច្ចណាឡើយ ។
ប្រជាពលរដ្ឋរស់នៅឃុំកំពង់ក្រសាំង ស្រុកបូរីជលសារ បានប្រាប់ កោះសន្តិភាព ឱ្យដឹងថា មានការលំបាកណាស់សម្រាប់ប្រជាពលរដ្ឋខ្មែរយើងដែលនេសារត្រីជាលក្ខណៈគ្រួសារនោះ បើទោះបីជាមានសហគមន៍នេសាទក្នុងឃុំក៏ដោយក៏មិនមានប្រយោជន៍ដែរដោយសារអាជ្ញាធស្រុក និងឃុំបានលក់អតីតឡូត៍នេសាទនោះទៅឱ្យជនជាតិយួនចូលមកដាក់ដាយសែយឿនដោយខុសច្បាប់ដោយសេរី ។
ពិសេសជារៀងរាល់ឆ្នាំដាយកាត់ទទឹងទន្លេក្នុងឃុំកំពង់ក្រសាំងចំនួន៣កន្លែងគេត្រូវរ៉ូវគ្នាលក់ទៅឱ្យយួនដាក់តាំងពីរដូវបិទនេសាទមករហូតដល់រដូវបើកនេសាទនេះដោយជ្រកក្រោមស្លាកសហគមន៍នេសាទតែប៉ុណ្ណោះ ។
ប្រជាពលរដ្ឋដដែលបានបន្តទៀតថា ដោយក្នុងឆ្នាំនេះទឹកទន្លេបានឡើងយឺតជាងឆ្នាំមុនៗដោយទឹកទើបតែហក់ឡើងនៅចុងខែ៨នេះតែប៉ុណ្ណោះ ហើយដាយកាត់ទទឹងទន្លេទាំង៣ខ្សែនេះជនជាតិយួនបានចូលមកដាក់ក្នុងខែ៩នេះទេ និងបានប្រមូលយកទៅស្រុកគេវិញរាប់សិបតោនទាំងថ្ងែទាំងយប់គ្មាននរណាខ្វល់ឡើយ ។
លោក សៅ កុសល ប្រធានរដ្ឋបាលជលខេត្តបានប្រាប់តាមទូរស័ព្ទថា ចំពោះដាយកាត់ទទឹងទន្លេទាំង៣ខ្សែនេះជារបស់សហគមន៍នេសាទឃុំកំពង់ក្រសាំង និងឱ្យសហគមន៍ជាអ្នកដាក់ខ្លួនគេតែបើលក់ទៅឱ្យយួនចូលមកធ្វើនោះគឺខុសច្បាប់ហើយ ។ ចំណែកលោក ទុយ សុភ័ក្រ អភិបាលស្រុកបូរីជលសារ កោះសន្តិភាព មិនអាចទាក់ទងសុំការបំភ្លឺបានទេនៅថ្ងៃទី២ ខែតុលា ឆ្នាំ២០១៩ នេះ ៕
កែសម្រួលដោយ ៖ សំណាង
ចែករំលែកព័តមាននេះ