ខេត្តកំពង់ធំ ៖ កាលពីវេលាម៉ោង១០និង៥០នាទីព្រឹក ថ្ងៃទី២៦ ខែកញ្ញា ឆ្នាំ២០១៩ កម្លាំងជំនាញនៃអធិការដ្ឋាននគរបាលស្រុកតាំងគោកបានចុះបង្ក្រាបល្បែងបញ្ជល់មាន់ នៅចំណុចវាលស្រះតាឃួន ស្ថិតនៅភូមិសិរីសាមគ្គីខាងត្បូង ឃុំស្រឡៅ ស្រុកតាំងគោក ខេត្តកំពង់ធំ ។
ជាលទ្ធផលចាប់យកវត្ថុតាងនៅនឹងកន្លែងបញ្ជល់មាន់រួមមាន ម៉ូតូចំនួន២០គ្រឿង, មាន់ជល់ចំនួន០៤ក្បាល ស្លាប់០២ក្បាល, បង់សំរាប់រុំខ្នាយមាន់ និងសម្ភារមួយចំនួនទៀត ចំណែកអ្នកលេងរត់ចែកជើងគ្នាគេចខ្លួនបាត់អស់ ។
លោក សន តាល់ អធិការនគរបាលស្រុកតាំងគោកប្រាប់ថា វត្ថុតាងទាំងអស់ត្រូវបាននាំយកទៅរក្សាទុកនៅអធិការដ្ឋានរងចាំបទបញ្ជាពីថ្នាក់លើថា ត្រូវធ្វើការអប់រំម្ចាស់ឬក៏ពិន័យយ៉ាងណានោះ នៅមិនទាន់ដឹងនៅឡើយនោះទេ ៕
កែសម្រួលដោយ ៖ សំណាង
ចែករំលែកព័តមាននេះ