ខេត្តរតនគិរី ៖ ក្នុងពិធីបុណ្យភ្ជុំបិណ្ឌរយៈពេល៥ថ្ងៃ ចាប់ពីថ្ងៃទី២៥ ដល់ថ្ងៃទី៣០ កញ្ញា នៅក្នុងខេត្តរតនគិរី មានភ្ញៀវទេសចរជាតិ-អន្តរជាតិ បានមកទស្សនាកម្សាន្តនៅតាមរមណីយដ្ឋាននានាយ៉ាងច្រើនកុះក។ តាមប្រភពពីមន្ទីរទេសចរណ៍បានឱ្យដឹងថា…
ខេត្តរតនគិរី ៖ ក្នុងពិធីបុណ្យភ្ជុំបិណ្ឌរយៈពេល៥ថ្ងៃ ចាប់ពីថ្ងៃទី២៥ ដល់ថ្ងៃទី៣០ កញ្ញា នៅក្នុងខេត្តរតនគិរី មានភ្ញៀវទេសចរជាតិ-អន្តរជាតិ បានមកទស្សនាកម្សាន្តនៅតាមរមណីយដ្ឋាននានាយ៉ាងច្រើនកុះក។
តាមប្រភពពីមន្ទីរទេសចរណ៍បានឱ្យដឹងថា ក្នុងរយៈពេលនោះមានភ្ញៀវទេសចរជាតិនិងអន្តរជាតិសរុបមានប្រមាណចំនួន២៣.០៣២នាក់ ។ បើប្រៀបធៀបឆ្នាំ២០១៨ មានការភ្ញៀវទេសចរសរុបកើនឡើង ៤.៣៤% ភ្ញៀវជាតិកើនឡើង៤.៣៥% ភ្ញៀវអន្តរជាតិកើនឡើង៧.៣៣%។
បើតាមឱ្យដឹងពីលោកង៉ែត ពិទូ ប្រធានមន្ទីរទេសចរណ៍ខេត្តថា ដោយសារកត្តាសន្តិភាព និងការអភិវឌ្ឍហេដ្ឋារចនាសម្ព័ន្ធតភ្ជាប់ពីខេត្តមួយទៅខេត្តមួយ រួមនឹងការរៀបចំសោភ័ណភាព ទីប្រជុំជន និងនៅតាមរមណីយដ្ឋាននានា។
នៅក្នុងខេត្តរតនគិរីថ្នាក់ដឹកនាំ ធ្វើឲ្យមានភ្ញៀវទេសចរមានការចាប់អារម្មណ៍បានមកលេងកម្សាន្តចាប់ពីថ្ងៃទី២៥មក គឺមុនមួយថ្ងៃនៃការឈប់សម្រាកនៃពិធីបុណ្យភ្ជុំនិងក្រោយមួយថ្ងៃនៃការបញ្ចប់ពិធីបុណ្យក៏នៅមានភ្ញៀវជាបន្តបន្ទាប់ផងដែរ ដូច្នេះ តួលេខភ្ញៀវនេះគឺខាងមន្ទីរគិតរយៈពេលតែ៥ថ្ងៃប៉ុណ្ណោះ ។ តែបើលើសពីថ្ងៃទី២៩ ទៅគឺរាប់បញ្ចូលជាភ្ញៀវប្រចាំខែវិញ។
លោកថា ភ្ញៀវដែលមកទស្សនាកម្សាន្តនៅខេត្តរតនគិរីនេះ មានការកើនឡើងពីមួយឆ្នាំទៅមួយឆ្នាំ ហើយភាគច្រើនភ្ញៀវពួកគាត់បានឈប់សម្រាកមកលេងនៅខេត្តរតនគិរី និងបន្តដំណើរទៅខេត្តផ្សេងៗទៀត ។
នៅក្នុងខេត្តរតនគិរីមានផ្ទះសំណាក់ សណ្ឋាគារ និងអាហារដ្ឋានគ្រប់គ្រាន់សម្រាប់ទទួលបម្រើសេវាជូនភ្ញៀវ តាមតម្រូវការបានផងដែរ ។
ភ្ញៀវទេសចរដែលធ្វើដំណើរកម្សាន្តនៅខេត្តភូមិភាគឦសាននេះ ភាគច្រើនគឺពួកគាត់ធ្វើដំណើរទស្សនាជាខ្សែ ពោលគឺចេញពីខេត្តមួយទៅខេត្តមួយទៀត ដូចជាខេត្តក្រចេះ មណ្ឌលគិរី រតនគិរី ស្ទឹងត្រែង ព្រះវិហារ និងខេត្តសៀមរាបជាដើម ។
ចែករំលែកព័តមាននេះ