ខេត្តកណ្តាល ៖ បើតាមសេចក្តីរាយការណ៍បឋមបានឱ្យដឹងថា អំពើហិង្សាមួយបានកើតឡើង បណ្តាលឱ្យស្ត្រីម្នាក់រងរបួសធ្ងន់ ខណៈដែលស្ត្រីជនដៃដល់បានបាត់ប្តីមិនឃើញនៅផ្ទះ ក៏ទៅរកប្តីនៅផ្ទះជនរងគ្រោះ បង្កជាជម្លោះដោយយកដំបងឬស្សីទៅវាយទ្វារផ្ទះជនរងគ្រោះ រួចជនរងគ្រោះខឹងក៏ស្ទុះទៅវាយជនសង្ស័យ១ដៃ ក្រោយមកក៏មានការប្រវាយប្រតប់គ្នាទៅវិញទៅមក…
ខេត្តកណ្តាល ៖ បើតាមសេចក្តីរាយការណ៍បឋមបានឱ្យដឹងថា អំពើហិង្សាមួយបានកើតឡើង បណ្តាលឱ្យស្ត្រីម្នាក់រងរបួសធ្ងន់ ខណៈដែលស្ត្រីជនដៃដល់បានបាត់ប្តីមិនឃើញនៅផ្ទះ ក៏ទៅរកប្តីនៅផ្ទះជនរងគ្រោះ បង្កជាជម្លោះដោយយកដំបងឬស្សីទៅវាយទ្វារផ្ទះជនរងគ្រោះ រួចជនរងគ្រោះខឹងក៏ស្ទុះទៅវាយជនសង្ស័យ១ដៃ ក្រោយមកក៏មានការប្រវាយប្រតប់គ្នាទៅវិញទៅមក រហូតដល់ជនសង្ស័យបានយកកូនកាំបិតចាក់ជនរងគ្រោះ បណ្តាលឲ្យរបួស២កន្លែង រងរបួសធ្ងន់តែម្តងបង្កឱ្យមានការភ្ញាក់ផ្អើលកាលពីម៉ោង១២និង៣០នាទីថ្ងៃត្រង់ ថ្ងៃទី២៩ ខែកញ្ញា ឆ្នាំ២០១៩ នៅចំណុចផ្ទះជនរងគ្រោះ ស្ថិតក្នុងភូមិកោះប្រាក់ចាស់ ឃុំភូមិធំ ស្រុកកៀនស្វាយ ខេត្តកណ្តាល ។
សេចក្តីរាយការណ៍បន្តថា ជនរងគ្រោះខាងលើឈ្មោះ ឈុំ ពេញ ភេទស្រី អាយុ៥៤ឆ្នាំ មុខរបរកសិករ មានទីលំនៅភូមិ-ឃុំកើតហេតុ(របួសដៃខាងឆ្វេងដេរ៨ថ្នេរ និងពោះដេរ៣ថ្នេរ) ចំនែកជនសង្ស័យឈ្មោះ ឈិន វណ្ណឌី ភេទស្រី អាយុ៤៨ឆ្នាំ មុខរបរកសិករ មានទីលំនៅភូមិកណ្តាលក្រោម ឃុំបន្ទាយដែក ស្រុកកៀនស្វាយ ។
បើតាមសាក្សីបានឱ្យដឹងថា មុនកើតហេតុ ជនសង្ស័យបានបាត់ប្តីពីផ្ទះក៏ជិះកង់មករកប្តីនៅផ្ទះជនរងគ្រោះ ខណៈពេលមកដល់បានសួរជនគ្រោះថា «មានឃើញប្តីខ្ញុំអត់» ជនរងគ្រោះឆ្លើយថា «មិនឃើញទេ» ពេលនោះជនសង្ស័យបានយកដំបងឬស្សីទៅវាយទ្វារផ្ទះជនរងគ្រោះតែម្តង ។ ខណៈនោះជនរងគ្រោះខឹងក៏ស្ទុះទៅវាយជនសង្ស័យ១ដៃ រួចក៏មានការប្រវាយប្រតប់គ្នាទៅវិញទៅមក ពេលនោះជនសង្ស័យបានយកកូនកាំបិតចាក់ជនរងគ្រោះបណ្តាលឲ្យរងរបួស២កន្លែង បន្ទាប់មកត្រូវបានអ្នកជិតខាងនាំជនរងគ្រោះយកទៅព្យាបាល រួចក៏បានមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលភូមិធំ ។
ក្រោយពីទទួលបានពាក្យបណ្តឹង កម្លាំងប៉ុស្តិ៍បានចុះដល់កន្លែងកើតហេតុឃាត់ខ្លួនជនសង្ស័យមកប៉ុស្តិ៍ដើម្បីសួរនាំ ។ នៅចំពោះមុខសមត្ថកិច្ចជនសង្ស័យបានឆ្លើយសារភាពថា ខ្លួនពិតជាបានប្រព្រឹត្តអំពើដូចការចោទខាងលើប្រាកដមែន ។ ក្រោយមកសួរនាំរួច ជនសង្ស័យរួមនឹងវត្ថុតាង ត្រូវបានបញ្ជូនមកអធិការដ្ឋាននគរបានស្រុកកៀនស្វាយ ដើម្បីបន្តចាត់ការតាមនីតិវិធី៕ (កែសម្រួលដោយ ៖ បុប្ផា)
ចែករំលែកព័តមាននេះ