រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា សាឡង់ដែលជាប់នៅជើងស្ពានព្រែកតាមាក់នោះ ត្រូវបានយកចេញដោយជោគជ័យហើយ ក្រោយបុកសសរស្ពានអស់ជាង៣សប្តាហ៍ ។ នេះបើយោងតាមប្រភពព័ត៌មានក្រសួងសាធារណការ និងដឹកជញ្ជូនបានឲ្យដឹងនៅថ្ងៃទី៣០ ខែកញ្ញា…
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា សាឡង់ដែលជាប់នៅជើងស្ពានព្រែកតាមាក់នោះ ត្រូវបានយកចេញដោយជោគជ័យហើយ ក្រោយបុកសសរស្ពានអស់ជាង៣សប្តាហ៍ ។
នេះបើយោងតាមប្រភពព័ត៌មានក្រសួងសាធារណការ និងដឹកជញ្ជូនបានឲ្យដឹងនៅថ្ងៃទី៣០ ខែកញ្ញា ឆ្នាំ២០១៩ មួយថ្ងៃក្រោយពិធីបុណ្យភ្ជុំបិណ្ឌថា គិតត្រឹមវេលាថ្ងៃត្រង់ ថ្ងៃទី៣០ ខែកញ្ញានេះ សាឡង់ដឹកខ្សាច់បុកជាប់សសរស្ពានព្រែកតាមាក់ យកចេញបានហើយ។
សូមរំលឹកថា សាឡងដឹកខ្សាច់នេះ បានបុកជាប់ទៅនឹងសសរស្ពានព្រែកតាមាក់ កាលពីរសៀលថ្ងៃទី៨ ខែកញ្ញាមកម្ល៉េះ ហើយក្រុមការងារជំនាញបានខិតខំអូសសាឡាងចេញពីគល់ស្ពានតែមិនជោគជ័យ ដោយសារតែទម្ងន់ខ្សាច់ធ្ងន់ពេក។
យ៉ាងណាមិញ ប្រភពពីក្រសួងសាធារណការ និងដឹកជញ្ជូនបានបង្ហោះព័ត៌មាន និងរូបភានសាឡង់ដឹកខ្សាច់ ដែលត្រូវបានយកចេញដោយជោគជ័យ។ (កែសម្រួលដោយ ៖ បុប្ផា)
ចែករំលែកព័តមាននេះ