ខេត្តបន្ទាយមានជ័យ ៖ បើតាមសេចក្តីរាយការណ៍បឋមបានឱ្យដឹងថា ស្ពានទំបន់ដាច់ បានឆក់យកជីវិតក្មេងប្រុស-ស្រី២នាក់ក្នុងថ្ងៃបន្តបន្ទាប់គ្នា ដោយសារការលង់ទឹក ហើយត្រូវអាជ្ញាធរបានដាក់បំរាមមិនឱ្យចុះលេងទឹកនោះទេ ដែលមានទីតាំងស្ថិតភូមិទំនប់ដាច់ ឃុំអូរបីជាន់ ស្រុកអូរជ្រៅ។…
ខេត្តបន្ទាយមានជ័យ ៖ បើតាមសេចក្តីរាយការណ៍បឋមបានឱ្យដឹងថា ស្ពានទំបន់ដាច់ បានឆក់យកជីវិតក្មេងប្រុស-ស្រី២នាក់ក្នុងថ្ងៃបន្តបន្ទាប់គ្នា ដោយសារការលង់ទឹក ហើយត្រូវអាជ្ញាធរបានដាក់បំរាមមិនឱ្យចុះលេងទឹកនោះទេ ដែលមានទីតាំងស្ថិតភូមិទំនប់ដាច់ ឃុំអូរបីជាន់ ស្រុកអូរជ្រៅ។
គួរបញ្ជាក់ថា កាលពីថ្ងៃទី២៥ ខែកញ្ញា ឆ្នាំ២០១៩ កន្លងទៅ មានក្មេងស្រីម្នាក់អាយុប្រមាណជាង១៥ឆ្នាំ ជាអ្នករស់នៅក្រុងប៉ោយប៉ែត បានមកលេងជាមួយមិត្តភក្តិប្រមាណ៤ទៅ៥នាក់ ដោយចុះលេងទឹកក្រោមស្ពានផ្នែកខាងក្រោម បណ្តាលឱ្យលង់ទឹក ហើយត្រូវបានមិត្តភក្តិស្រែកអ្នកជិតខាងជួយស្រង់ភ្លាមៗដែរ តែអកុសលសង្គ្រោះមិនបាន បណ្តាលស្លាប់ភ្លាមៗនៅនឹងកន្លែងកើតហេតុ។
ហើយនៅថ្ងៃបន្ទាប់ត្រូវថ្ងៃទី២៦ ខែកញ្ញានោះ មានក្មេងប្រុសម្នាក់អាយុប្រមាណ១៥ឆ្នាំ បានជិះម៉ូតូជាមួយឱពុកដែលគេស្គាល់ថា ជាកម្លាំងនគរបាលការពារព្រំដែនគោក បានមកលេងស្ពានខាងលើនេះ ហើយខណៈនោះកូនប្រុសបានចុះទៅលេងទឹកនៅផ្នែកខាងក្រោមស្ពានខាងកើតដូចគ្នានឹងក្មេងស្រីរងគ្រោះខាងលើដែរ ស្រាប់តែរអិលជើងធ្លាក់ចូលក្នុងទឹកដែលហូរ បណ្តាលឱ្យលង់ទឹក ស្របពេលនោះឱពុកដែលទៅជាមួយកូនដោយមិនចេះហែលទឹក ក៏បានស្រែកឱ្យគេជួយភ្លាមៗផងដែរ ក្រោយមកក៏បានស្រង់ក្មេងប្រុសរងគ្រោះឡើងគោកដើម្បីសង្គ្រោះបន្ទាន់ ប៉ុន្តែជាអកុសលក្មេងប្រុសរងគ្រោះបានស្លាប់បាត់ទៅហើយ។
បើតាមស្ត្រីម្នាក់ជាអ្នកលក់ដូរក្បែរស្ពានទំនប់ដាច់ខាងត្បូង បានបញ្ជាក់ថា ស្ពានទំបន់ដាច់នេះ មាន៣នាក់ហើយដែលលង់ទឹកចំណុចក្រោមស្ពានខាងកើត ព្រោះនៅខែសីហា ឆ្នាំ២០១៩ មានក្មេងប្រុសម្នាក់ទៅលេងទឹកបណ្តាលឱ្យលង់ទឹកដែរ ប៉ុន្តែអ្នកជិតខាងឃើញជួយសង្គ្រោះបានទាន់ពេលវេលា ។ លុះថ្ងៃទី២៥ និងថ្ងៃទី២៦ ខែកញ្ញានេះ ក៏មានក្មេងប្រុស-ស្រី២នាក់ត្រូវបានលង់ទឹកស្លាប់ជាបន្តបន្ទាប់ (តាមជំនឿចាស់អាចថា មានជើងកប) ព្រោះថា នៅចំណុចក្មេងលង់ទឹងស្លាប់នោះ គឺជាចំណុចទឹកហូរខ្លាំងធ្លាក់ចូលទៅរណ្តៅជ្រៅ ទើបបណ្តាលទឹកហូរធ្លាក់ចូលរណ្តៅជ្រៅ ដែលជាទឹកកួចចូលទៅក្រោមរណ្តៅ ទើបបណ្តាលដាច់ខ្យល់ស្លាប់បែបនេះ។
ក្រោយពេលកើតមានហេតុការណ៍បែបនេះ នៅចំណុចក្មេងប្រុស-ស្រីលង់ទឹកស្លាប់ជាបន្តបន្ទាប់ហើយនោះ ត្រូវបានអាជ្ញាធរបានដាក់ផ្លាកបំរាមមិនឱ្យចុះទៅលេងទឹកចំណុចដែលលង់ទឹកស្លាប់នោះទេ ហើយក៏បានផ្តាំផ្ញើដល់ប្រជាពលរដ្ឋនៅភូមិក្បែរនោះ ត្រូវហាមកូនចៅមិនឱ្យទៅលេងទឹក ដើម្បីការពារគ្រោះថ្នាក់កើតឡើង៕ (កែសម្រួលដោយ ៖ បុប្ផា)
ចែករំលែកព័តមាននេះ