ADផ្ទាំងផ្សព្វផ្សាយពាណិជ្ជកម្ម

តារាចម្រៀងស៊ីម ស៊ីណាត សម្តែងការពេញចិត្តពេលឃើញខ្មែរនៅអូស្ត្រាលីបំផុសវប្បធម៌ខ្មែរ

4 ឆ្នាំ មុន

ភ្នំពេញ
២៩ ខែ កញ្ញា ឆ្នាំ ២០១៩ ម៉ោង ១២:៤៧

រាជធានីភ្នំពេញ ៖ តារាចម្រៀងសុីម ស៊ីណាត បានចេញទៅរស់នៅប្រទេសអូស្ត្រាលីប្រមាណជិត១ឆ្នាំមកហើយ ក្រោយប៉ះស្នេហ៍ជាមួយនារីអាណិកជនរស់នៅទីនោះ ។ ការសម្រេចចិត្តរស់នៅដីថ្មីបានធ្វើឲ្យលោករំសាយអារម្មណ៍នឹកស្រុកបានខ្លះ បន្ទាប់ពីលោកមើលឃើញថាជីវភាពបងប្អូនខ្មែរនៅអូស្ត្រាលីមិនចោលវប្បធម៌ប្រពៃណីនិងទំនៀមទម្លាប់ពីដូនតាឡើយ អ្វីជារបស់ខ្មែររួមគ្នាបំផុសបំផុលឲ្យគេស្គាល់។…

ក្រៅពីបានការងារធ្វើនៅលើដីដែនកោះអូស្ត្រាលី លោកស៊ីម ស៊ីណាត ដែលល្បីឈ្មោះក្នុងស្រុកជាតារាចម្រៀងអាហ្វែការនៅតែឆ្លៀតពេលច្រៀងម្តងម្កាលតាមសំណូមពរអ្នកនៅទីនោះដោយសារលោកមានសំឡេងល្អហើយចេះចាំបទចម្រៀងសម័យដើមស្ទើរគ្រប់បទ។ ជាពិសេសនារដូលភ្ជុំបិណ្ឌលោកបានឡើងសម្តែងជាមួយតារាមកពីកម្ពុជាមានស្រីស្អាតរតនៈ ពិសី កញ្ញាផល្លីកា ជាដើមនាវត្តអារាមមួយដែលបងប្អូនខ្មែរមកធ្វើបុណ្យ។

លោកស៊ីម ស៊ីណាត បានឲ្យដឹងថា លោកសប្បាយរីករាយដែលបានមកឃើញផ្ទាល់ភ្នែកថាវត្តអារាមខ្មែរ នៅអូស្ត្រាលីមានសភាពស្រដៀងវត្តស្រុកខ្មែរដែរ ។ អ្វីដែលរំភើបបន្ទាប់ពីបានឃើញគឺចលនារួមគ្នាលើកកម្ពស់វប្បធម៌ប្រពៃណីខ្មែររបស់អ្នកនៅឆ្ងាយ ដោយខ្លះគាត់ធ្វើសម្លនំបញ្ចុកដាក់តាំង មានលក់ហួលផាមួយ កន្សែងពានា អាហារខ្មែរ នំខ្មែរ បង្អែមខ្មែរ និងអាហារជាច្រើនមុខទៀតដែលជារបស់ខ្មែរ ។ ម្ល៉ោះហើយកាន់តែបង្ហាញថាខ្មែរយើងទៅដល់ទីណាកន្លែងណានៅតែសាមគ្គីគ្នាកសាងអ្វីដែលល្អជាកុសលបែបពុទ្ឋសាសនាយើង ។ តោះទស្សនាកម្រងរូបភាពនានានាវត្តមួយពីប្រទេសអូស្ត្រាលី៖