ខេត្តកណ្តាល ៖ គួរអាណិតណាស់ក្មេងប្រុសម្នាក់អាយុ១៧ឆ្នាំត្រូវភ្លើងឆក់ស្លាប់ក្នុងបន្ទប់ទឹក ខណៈទៅលេងផ្ទះអ៊ុំ ។ ហេតុការណ៍នេះបានកើតឡើងនៅថ្ងៃទី២៦ ខែកញ្ញា ឆ្នាំ២០១៩ វេលាម៉ោង០៨និង៣០នាទីយប់ នៅចំណុចក្នុងបន្ទប់ទឹកផ្ទះឈ្មោះ…
ខេត្តកណ្តាល ៖ គួរអាណិតណាស់ក្មេងប្រុសម្នាក់អាយុ១៧ឆ្នាំត្រូវភ្លើងឆក់ស្លាប់ក្នុងបន្ទប់ទឹក ខណៈទៅលេងផ្ទះអ៊ុំ ។ ហេតុការណ៍នេះបានកើតឡើងនៅថ្ងៃទី២៦ ខែកញ្ញា ឆ្នាំ២០១៩ វេលាម៉ោង០៨និង៣០នាទីយប់ នៅចំណុចក្នុងបន្ទប់ទឹកផ្ទះឈ្មោះ ប៉ុល សាត នៅភូមិតាជោ ឃុំសារិកាកែវ ស្រុកល្វាឯម ខេត្តកណ្តាល ។
ជនរងគ្រោះឈ្មោះ អ៊ុំ សិត ភេទប្រុស អាយុ១៧ឆ្នាំ ជនជាតិខ្មែរ មុខរបរកសិករ មានទីលំនៅភូមិព្រែកតាកេ ឃុំល្វេ ស្រុកកោះសូទិន ខេត្តកំពង់ចាម ។
តាមប្រភពពីសាក្សីបានប្រាប់ឱ្យដឹងថា មុនពេលកើតហេតុនៅជនរងគ្រោះបានមកលេងផ្ទះឈ្មោះ ប៉ុល សាត ត្រូវជាអ៊ុំបង្កើត ។ លុះនៅវេលាកើតហេតុខាងលើជនរងគ្រោះបានចូលងូតទឹកក្នុងបន្ទប់ទឹកបានបន្តិចក៏បានឮសម្លេងជនរងគ្រោះស្រែក និងឮស្នូរស័ង្កសីជញ្ជាំងបន្ទប់ទឹកហើយក៏បាត់ស្ងាត់ទៅវិញ ។
ភ្លាមនោះអ៊ុំបង្កើតជនរងគ្រោះឈ្មោះ ប៉ុល សាត ក៏បានហៅឈ្មោះ ប៉ែន ណន និងឈ្មោះ អ៊ុំ សុផេន ដែលត្រូវជាម្តាយ និងបងបង្កើតឲ្យមកមើលហើយបាននាំគ្នាគាស់ទ្វារបន្ទប់ទឹកនៅមានចរន្តអគ្គិសនីឆ្លងឆក់ ឈ្មោះ ប៉ុល សាត ក៏បានទៅកាច់បិទបារ៉ែតភ្លើងពេលបើកទ្វារបន្ទប់ទឹកហើយក៏ឃើញជនរងគ្រោះដេកដួលស្លាប់ក្នុងបន្ទប់ទឹកបាត់ទៅហើយ ។
តាមការពិនិត្យនៅលើខ្លួនជនរងគ្រោះមានស្នាមជាំរលាត់លើថ្ងាសខាងស្តាំ មានស្នាមជាំលើកដៃកស្តាំ ។ ការសន្និដ្ឋានជនរងគ្រោះពិតជាស្លាប់ដោយសារឆក់ចរន្តអគ្គិសនីដែលឆ្លង មកពីខ្សែភ្លើងប៉ះជាប់នឹងដំបូលស័ង្កសីពិតប្រាកដមែន ។ ក្រោយការពិនិត្យរួចសមត្ថកិច្ចបានប្រគល់សពជនរងគ្រោះឲ្យក្រុមគ្រួសារធ្វើបុណ្យតាមប្រពៃណី ៕
កែសម្រួលដោយ ៖ សំណាង
ចែករំលែកព័តមាននេះ