ក្រុមហ៊ុនផលិតរថយន្តធំ ៗ កំពុងប្រកួតប្រជែងដើម្បីក្លាយជាអ្នកទីមួយដែលផ្តល់ជូននូវរថយន្តបើកបរដោយខ្លួនឯង ដោយមានដៃគូជាច្រើនជាមួយក្រុមហ៊ុនខាងក្រៅដើម្បីជួយអភិវឌ្ឍបច្ចេកវិទ្យា។ ក្រុមហ៊ុន Jaguar Land Rover បានចាប់ដៃគូជាមួយក្រុមហ៊ុនបើកបរស្វ័យប្រវត្តរបស់ Google…
ក្រុមហ៊ុនផលិតរថយន្តធំ ៗ កំពុងប្រកួតប្រជែងដើម្បីក្លាយជាអ្នកទីមួយដែលផ្តល់ជូននូវរថយន្តបើកបរដោយខ្លួនឯង ដោយមានដៃគូជាច្រើនជាមួយក្រុមហ៊ុនខាងក្រៅដើម្បីជួយអភិវឌ្ឍបច្ចេកវិទ្យា។ ក្រុមហ៊ុន Jaguar Land Rover បានចាប់ដៃគូជាមួយក្រុមហ៊ុនបើកបរស្វ័យប្រវត្តរបស់ Google មានឈ្មោះថា Waymor ខណៈដែលក្រុមហ៊ុន BMW បានសហការជាមួយក្រុមហ៊ុនគូប្រជែង Mercedes-Benz។
ក្រុមហ៊ុន Hyundai Group គឺជាក្រុមហ៊ុនផលិតរថយន្តចុងក្រោយបង្អស់នៅពេលនេះ ដែលប្រកាសពីការប្តេជ្ញាចិត្តដ៏សំខាន់មួយឆ្ពោះទៅរកបច្ចេកវិទ្យាបើកបរដោយខ្លួនឯង តាមរយៈភាពជាដៃគូថ្មីជាមួយក្រុមហ៊ុន Aptiv (អតីតក្រុមហ៊ុន Delphi Automotive) ។ ក្រុមហ៊ុនទាំងពីរបានប្រកាសអំពីភាពជាដៃគូរួមគ្នាផ្តោតលើផលិតរថយន្តដែលមានភាពស្វយ័តដល់ទៅកម្រិត៤និង៥។”
ស្វ័យភាពកម្រិត ៤ គឺត្រូវទាមទារឱ្យអ្នកបើកបរជាអ្នកបញ្ជាពេលខ្លះដែលចាំបាច់។ តែសម្រាប់កម្រិត៥ គឺអ្នកបើកបរមិនចាំបាច់បញ្ជាអ្វីឡើយ។ ពោលគឺវាអាចបើកបរដោយខ្លួនឯងទាំងស្រុងតែម្តង។ ក្រុមហ៊ុន Hyundai បាននិយាយថា ការបណ្តាក់ទុនរួមគ្នានឹងចាប់ផ្តើមសាកល្បងប្រព័ន្ធគ្មានអ្នកបើកបរពេញលេញនៅឆ្នាំ ២០២០ និងអាចរួចរាល់នៅឆ្នាំ ២០២២។
ក្រុមហ៊ុន Hyundai Motor Group និង Aptiv នឹងកាន់កាប់ភាគហ៊ុន ៥០% នៃភាពជាដៃគូដែលមានតម្លៃ ៤ពាន់លានដុល្លារ។ ក្រុមហ៊ុន បានជះសាច់ប្រាក់ចំនួន ១.៦ពាន់លានដុល្លារ សម្រាប់ដំណើរការក្តីស្រមៃនេះ។ ក្រុមហ៊ុន Aptiv នឹងផ្តល់ជូននូវបច្ចេកវិទ្យាបើកបរស្វយ័ត កម្មវសិទ្ធិបញ្ញា និង បុគ្គលិក៧០០នាក់។
អនុប្រធានប្រតិបត្តិក្រុមហ៊ុន Hyundai Group មានប្រសាសន៍ថា៖ «ការបណ្តាក់ទុនរួមគ្នាថ្មីនេះគឺជាការចាប់ផ្តើមនៃការធ្វើដំណើរជាមួយ Aptiv ឆ្ពោះទៅរកគោលដៅរួមរបស់យើង ក្នុងការធ្វើពាណិជ្ជកម្មបើកបរដោយស្វយ័ត។ សមត្ថភាពរួមបញ្ចូលគ្នានៃក្រុមហ៊ុន Aptiv ដែលជាក្រុមហ៊ុនបច្ចេកវិទ្យាឈានមុខគេលើពិភពលោកនិងក្រុមហ៊ុនរបស់យើង នឹងបង្កើតការរួមបញ្ចូលគ្នាដ៏មានតម្លៃមិនអាចកាត់ថ្លៃបាន»៕
ចែករំលែកព័តមាននេះ