ខេត្តសៀមរាប ៖ សេចក្តីរាយការណ៍បឋម អធិការនគរបាលស្រុកស្រីស្នំ គឺលោកវរសេនីយ៍ឯក អ៊ុន ស្រស់ បានឲ្យដឹងថា ជនសង្ស័យម្នាក់ដែល ត្រូវជាកូនបង្កើតបានទាញកាំបិតខ្វែវកាប់មកលើឪពុកបង្កើតរបស់ខ្លួន បណ្តាលឲ្យដាច់ ក ស្លាប់ភ្លាមៗ យ៉ាងអាណោចអាធម្ម ខណៈកំពុងសម្រាកនៅក្រោមផ្ទះ ។ ហេតុការណ៍គួរឲ្យតក់ស្លុតនេះបានកើតឡើងនៅវេលាម៉ោង១៥និង៣០នាទីរសៀល ថ្ងៃទី២៥ ខែកញ្ញា ស្ថិតក្នុងភូមិភ្នំដី ឃុំស្លែងស្ពាន ស្រុកស្រីស្នំ ខេត្តសៀមរាប។
លោកវរសេនីយ៍ឯក អ៊ុន ស្រស់ បានឲ្យដឹងថា ករណីឃាតកម្មនេះកម្លាំងនគរបាលស្រុកស្រីស្នំ បានឃាត់ខ្លួនជនសង្ស័យឈ្មោះ សាន គង់ ភេទប្រុស អាយុ៣៧ឆ្នាំ រស់នៅភូមិភ្នំដី ឃុំស្លែងស្ពាន ស្រុកស្រីស្នំ ខេត្តសៀមរាប ។ លោកបន្តថា អង្គហេតុនៅថ្ងៃទី២៥ ខែកញ្ញា ឆ្នាំ២០១៩ វេលាម៉ោង១៥និង៣០នាទី ជនសង្ស័យដែលត្រូវជាកូនបង្កើត បានយកកាំបិតខ្វែវដងឈើកាប់ទៅលើឪពុកៅលើឪពុកបង្កើតឈ្មោះរៀល វឿង ភេទប្រុស អាយុ៦៦ឆ្នាំ នៅភូមិភ្នំដី ឃុំស្លែងស្ពាន ស្រុកស្រីស្នំ មុខរបរ កសិករបណ្តាលឲ្យដាច់ក ស្លាប់នៅនឹងកន្លែងតែម្តង ។ បន្ទាប់ពីទទួលបានព័ត៌មានកម្លាំងចុះទៅភ្លាម ធ្វើការហ៊ុមព័ទ្ធចាប់ និងឃាត់ជនសង្ស័យភ្លាមៗផងដែរ ។
លោកឧត្តមសេនីយ៍ត្រីភឹង ចិន្តារ៉េត ស្នងការរងទទួលផែនកណ្តាលព្រហ្មទណ្ឌ នៃស្នងការដ្ឋានខេត្តសៀមរាប បានឲ្យដឹងថា តាមការបំភ្លឺរបស់អ្នកជិតខាង និងប្រពន្ធ របស់ជនរងគ្រោះបានឲ្យដឹងថា ជនសង្ស័យ មុននឹងធ្វើសកម្មភាពប្រហែល៣ថ្ងៃមុន គេ(ជនសង្ស័យ)បានដើរកាប់ដើមចេកអស់ជាច្រើនដើម ។ ដោយខ្លាចមានបញ្ហាជនរងគ្រោះបានទៅស្នាក់នៅផ្ទះអ្នកជិតខាង ។ តែដល់ថ្ងៃកើតហេតុពួកគាត់បានអង្គុយលេងនៅលើគ្រែ ក្រោម ផ្ទះ ក៏ស្រាប់តែជនសង្ស័យ(ជាកូនប្រុស)បានកាន់កំបិតខ្វែវ ដើរសំដៅមករកឪពុកបង្កើតខណ:ពេលនោះក៏ទាញកាំបិតកាប់ទៅលើឪពុក បណ្តាលឲ្យស្លាប់នៅនឹងកន្លែងតែម្តង ។
លោកបន្តថា តាមការបំភ្លឺរបស់ប្រពន្ធជនរងគ្រោះ ត្រូវជាម្តាយបានឲ្យដឹងថា កូនគាត់ វាវិកលចរិត ប៉ុន្តែគ្មានឯកសារបញ្ជាក់ជាក់លាក់នោះទេ ។ បច្ចុប្បន្នកម្លាំងនគរបាលជំនាញនៃស្នងស្នងការដ្ឋានខេត្តសៀមរាប កំពុងកសាងសំណុំ រឿងបញ្ជូនខ្លួនជនសង្ស័យ យកមកតុលាការខេត្ត ដើម្បីចាត់ការតាមផ្លូវច្បាប់៕ កែសម្រួលដោយ ៖ សុឃាក់
ចែករំលែកព័តមាននេះ