អភិបាលខេត្តអញ្ជើញចូលរួមរំលែកទុក្ខនៃគ្រួសារសពដែលរងគ្រោះផ្ទុះធុងហ្គាស
- សៀមរាប
ខេត្តសៀមរាប ៖ ដោយទទួលបានដំណឹងពីមរណៈភាពរបស់ឈ្មោះ មឿន វិចិត្រ (ហៅ កុយ) អាយុ៤៨ឆ្នាំ ដែលបានទទួលរងគ្រោះដោយផ្ទុះធុងហ្គាស កាលពីថ្ងៃទី១៤…
ខេត្តសៀមរាប ៖ ដោយទទួលបានដំណឹងពីមរណៈភាពរបស់ឈ្មោះ មឿន វិចិត្រ (ហៅ កុយ) អាយុ៤៨ឆ្នាំ ដែលបានទទួលរងគ្រោះដោយផ្ទុះធុងហ្គាស កាលពីថ្ងៃទី១៤…
ខេត្តសៀមរាប ៖ ដោយទទួលបានដំណឹងពីមរណៈភាពរបស់ឈ្មោះ មឿន វិចិត្រ (ហៅ កុយ) អាយុ៤៨ឆ្នាំ ដែលបានទទួលរងគ្រោះដោយផ្ទុះធុងហ្គាស កាលពីថ្ងៃទី១៤ សីហា ឆ្នាំ២០១៩ ហើយបានទៅសម្រាក់ព្យាបាលនៅមន្ទីរពេទ្យសុរិន្ទ នៃព្រះរាជាណាចក្រថៃ ត្រូវបានទទួលមរណៈភាពកាលពីវេលាម៉ោង១៦ នាថ្ងៃទី២៣ ខែកញ្ញានេះ ហើយត្រូវបានបញ្ជូនមកដល់ខេត្តសៀមរាបវិញ នៅល្ងាចថ្ងៃទី២៥ កញ្ញា ដើម្បីធ្វើបុណ្យទៅតាមប្រពៃណីសាសនា នៅភូមិចំបក់ហែរ ឃុំពួក ស្រុកពួក ខេត្ត សៀមរាប ។
លុះនៅព្រឹកថ្ងៃទី ២៦ ខែ កញ្ញា ឆ្នាំ២០១៩នេះ លោក ទៀ សីហា អភិបាលនៃគណៈអភិបាលខេត្តអម ដំណើរដោយលោក ប្រាក់ សោភណ្ឌ័ សមាជិកគណៈកម្មាធិការសាខាកាក បាទក្រហមកម្ពុជា បានដឹកនាំប្រតិភូខេត្ត អញ្ជើញចូលរួម រំលែកទុក្ខយ៉ាងក្រៀមក្រំបំផុតជាមួយក្រុមគ្រួសារសព ឈ្មោះ មឿន វិចិត្រ ហៅ កុយដែលជាអ្នកបើក បររថយន្តដឹកហ្គាស ហើយបានទទួលរងគ្រោះកាលពីកន្លងមកនេះ ។
នាឱកាសនោះដែរ ក្នុងនាមអាជ្ញាធរខេត្តសៀមរាប លោក ទៀ សីហា ក៏បានសម្តែងនូវការសោកស្តាយយ៉ាងខ្លាំង នៃការបាត់បង់របស់ប្រជាពលរដ្ឋដ៏ស្លូតត្រង់មួយរូបត្រូវជាស្វាមី លោក ឪពុក ជាទីស្រឡាញ់របស់ក្មួយៗ ដែលជាទីពឹងដ៏រឹងមាំនៃក្រុម គ្រួសារ ក៏ដូចការបាត់បង់នូវវត្ថុអ្វីមួយ ដែលរកតម្លៃអ្វីមកប្រៀបធៀបផ្ទឹមពុំបាននៅក្នុងក្រុមគ្រួសាររបស់ខ្លួន ។ លោកក៏បាន គូសបញ្ជាក់ ក្នុងពេលបងប្អូនរងគ្រោះទាំង១៣នាក់ ដែលបានកំពុងសម្រាកព្យាបាលនៅតាមមន្ទីរពេទ្យរដ្ឋឯកជន និងនៅក្រៅប្រទេស ក៏ដូចនៅតាមលំនៅដ្ឋាន អាជ្ញាធរខេត្ត និងសាខាកាកបាទក្រហមកម្ពុជាខេត្ត ដែលមានសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធានកាកបាទក្រហមកម្ពុជាបានយកចិត្តទុកដាក់ខ្ពស់ចំពោះបងប្អូនរងគ្រោះទាំងនោះ ដោយបានចុះទៅសួរសុខទុក្ខផ្ទាល់នៅតាមមន្ទីរពេទ្យ និង បានឧបត្ថម្ភនូវថវិកាក្នុងការព្យាបាលទៀតផង ។ លោកក៏សែនសោកស្តាយយ៉ាងខ្លាំង ដោយស្ថានភាពរបួសបងប្រុស មឿន វិចិត្រ ហៅ កុយ មានសភាពធ្ងន់ធ្ងរពេក ដែលធ្វើឲ្យក្រុមគ្រូពេទ្យជំនាញជួយសង្គ្រោះអាយុជីវិតបងប្រុសមិនបាន ។
ក្នុងនោះដែរលោកអភិបាលខេត្ត ក៏បានពាំនាំនូវការចូលរួមរំលែកទុក្ខជាមួយក្រុមគ្រួសារនៃសពពីសំណាក់ ថ្នាក់ដឹកនាំគ្រប់ជាន់ថ្នាក់ ក៏ដូចជាមន្ត្រីរាជការផងដែរ ។ ក្នុងនោះដែរលោក និងប្រតិភូក៏បានធ្វើការបូជាទៀនធូប ដើម្បីឧទ្ទិសជូនដល់ដួងវិញ្ញាណក្ខ័ន្ត ជូនដល់លោក មឿន វិចិត្រ ហៅ កុយ សូមឲ្យលោកបានទៅកាន់សុខតិភពថ្មី ព្រមទាំងបែរងាកក្រោយឲ្យពរជ័យដល់ក្រុមគ្រួសារ បងប្អូន កូនចៅ និង ថ្នាក់ដឹកនាំគ្រប់ជាន់ថ្នាក់ មន្ត្រីរាជការ ឲ្យទទួលនូវសេចក្តីសុខ និង ឲ្យស្គាល់នូវតែសុខសន្តិភាព សុភមង្គល និង ការអភិវឌ្ឍន៍ប្រទេសជាតិលើគ្រប់វិស័យ ៕ កែសម្រួលដោយ ៖ សុឃាក់
ចែករំលែកព័តមាននេះ