រហូតមកទល់ពេលនេះ នីឡាកូនស្រីលោកសុវណ្ណ រិទ្ធី ហៅវវ៉ិចទ័រ គឺបានទទួលនូវចំណងស្នេហ៍ថ្មីហើយឈានមកការចងចិត្តតាមរយៈពាក្យគូដណ្តឹង ។ ដំណឹងចុងក្រោយនេះ នីឡា ដែលបរាជ័យស្នេហ៍ម្តងហើយនោះលេចឭជិតចូលរោងការ ដោយនាងលែងរង់ចាំអូសពេលទៀតឲ្យយូរអង្វែង ។
នីឡាធ្លាប់បង្ហើបថា នាងឈប់ពន្យាពេលចូលរោងការទៀតហើយ ដោយនាងនឹងចូលរោងការឆ្នាំ២០២០ឲ្យក្តៅៗទាន់តារាល្បីៗមួយចំនួនរៀបការផ្អើលគេឯងកន្លងទៅ ។ នីឡាបានរកបានម្ចាស់ចិត្តថ្មីដែលនៅវ័យក្មេងសង្ហាមិនចាញ់តួកុននោះឡើយ រហូតមានអ្នកលួចច្រណែន ។ អ្វីដែលពិសេសនីឡាត្រូវបានគូដណ្តឹងមិនប្រកាន់បើកដៃឲ្យចូលសិល្បៈពេញទំហឹង។
យ៉ាងណាមិញ នីឡា សុខចិត្តទទួលសិល្បៈតែការសម្តែងកំប្លែង មិនថតភាពយន្តទេ ដើម្បីកុំឲ្យម្ចាស់ចិត្តអន់ស្រពន់ចិត្ត ។
រូបភាពរ៉ូបមង្គលការដែលមួយគូនេះបង្ហោះបានអង្រួនហ្វេនៗចាប់ចិត្តច្រើនហើយ នាំគ្នាលើកឡើងថានាងចូលរោងការពេលណាឲ្យច្បាស់លាស់ ដើម្បីចង់ដឹងថា ពិធីរៀបចំឡើងពិសេសកម្រិតណាក្នុងនាមតារាមានការចាប់អារម្មណ៍ ៕ កែសម្រួលដោយ ៖ សុឃាក់
ចែករំលែកព័តមាននេះ