រាជធានីភ្នំពេញ ៖ ថ្មីៗមកនេះសហព័ន្ធកីឡាបាល់ទាត់កម្ពុជាបានធ្វើការបង្ហាញបញ្ជីឈ្មោះកីឡាករបឋម ដើម្បីប្រមូលផ្ដុំហ្វឹកហាត់ត្រៀមប្រកួត FIFA World Cup Qatar 2022&Asian Cup…
រាជធានីភ្នំពេញ ៖ ថ្មីៗមកនេះសហព័ន្ធកីឡាបាល់ទាត់កម្ពុជាបានធ្វើការបង្ហាញបញ្ជីឈ្មោះកីឡាករបឋម ដើម្បីប្រមូលផ្ដុំហ្វឹកហាត់ត្រៀមប្រកួត FIFA World Cup Qatar 2022&Asian Cup 2023 Qualifilers វគ្គជម្រុះក្នុងជុំទី២ ដែលនឹងត្រូវប៉ះជាមួយក្រុមជម្រើសជាតិ ប្រទេសអ៊ីរ៉ង់ នៅថ្ងៃទី១០ តុលា និងប៉ះជាមួយអ៊ីរ៉ាក់ នៅថ្ងៃទី១៥ តុលា ឆ្នាំ២០១៩ ។ ប៉ុន្តែអ្វីដែលគួឱ្យកត់សម្គាល់នោះ ក្នុងបញ្ជីឈ្មោះនៅតែពុំមានវត្តមានកីឡាកីឡាករ ចាន់ វឌ្ឍនាកាដដែល ប៉ុន្តែមានឈ្មោះកីឡាករ ប្រាក់ មុន្នីឧត្តម និងកីឡាករ ប៊ីន ចន្ធាជារី ។
ទន្ទឹមគ្នានេះដែរ ពុំមានការបញ្ជាក់បែបណាមួយពីសហព័ន្ធកីឡាបាល់កម្ពុជានៅឡើយនោះទេ ។ ហើយអ្វីដែលធ្វើឱ្យមហាជនមានការភ្ញាក់ផ្អើលថែមទៀតនោះ គឺវត្តមានកីឡាករវ័យ១៧ឆ្នាំ សៀង ចន្ធា ដែលជាខ្សែប្រយុទ្ធដ៏ឆ្នើមរបស់សាលាបាល់ទាត់ជាតិបាទីតែម្ដង ។
ចំណែកបញ្ជីឈ្មោះកីឡាករទាំង២៦រូប ដែលត្រូវបានសហព័ន្ធបង្ហាញនាពេលនេះរួមមានទី១ កីឡាករ កាន់ វិសាល, កីឡាកររ៉ឹង ប៊ុនហៀង, កីឡាករ គួច ដានី, កីឡាករ គួច សុកុម្ភះ, កីឡាករ សុះ ស៊ូហាណា, កីឡាករ ស៊ូ យ៉ាទី, កីឡាករ អ៊ន ចាន់ប៉ូលីន ,កីឡាករ សឿត បារាំង, កីឡាករ យ៉ើ សាហ្វី, កីឡាករ យ៉ើ មូស្លីម កីឡាករ ប្រាក់ មុន្នឧត្តម កីឡាករ ហួយ ផល្លីន កីឡាករ សារ៉េត គ្រីយ៉ា កីឡាករ សឿយ វិសាល, កីឡាករ សួន សុវណ្ណ, កីឡាករ ឆេង ម៉េង, កីឡាករ កែន ច័ន្ទសុភ័ក្ដ្រ, កីឡាករ កែវ សុខផេង ,កីឡាករ អ៊ុក សុវណ្ណ, កីឡាករ ហ៊ុល គឹមហ៊ុយ ,កីឡាករ សេត រ៉ស៊ីប ,កីឡាករ ទេស សម្បត្តិ ,កីឡាករ សៀង ចន្ធា ,កីឡាករ ដាវ នីម និងកីឡាករ ប៊ីន ចន្ថាជារី ។
ហើយសម្រាប់ការជួបប្រកួតជាមួយក្រុមជម្រើសជាតិអ៊ីរ៉ង់លើកនេះ នៅមិនទាន់មានកាអះអាងបែបណាពីអ្នកដឹកនាំក្រុមជម្រើសជាតិកម្ពុជានោះទេគេគ្រាន់តែដឹងថា ក្រុមជម្រើសជាតិអ៊ីរ៉ង់គឺជាក្រុមលំដាប់ជួរមុខក្នុងទ្វីប អាស៊ី ប្រហាក់ប្រហែល និងក្រុមជម្រើសជាតិប្រទេសជប៉ុនដែរ ៕ កែសម្រួលដោយ ៖ សុឃាក់
ចែករំលែកព័តមាននេះ