តារាចម្រៀងមាស អាលីស ដែលបានចាកឆ្ងាយស្រុកទៅកាន់ប្រទេសអាមេរិកជាច្រើនខែទៅហើយនោះបានចេញវីដេអូមួយនៅទីនោះជាមួយចម្រៀងដែលនិយាយពីជីវិតតស៊ូយ៉ាងខ្លាំង ពេលដល់ដីមហាអំណាច ហើយបែកបងប្អូន និងអ្នកម្តាយជាទីគោរព ។ ចំរដូវភ្ជុំកៀកទៅៗមាស អាលីស ដែលមានទឹកដមសំឡេងស្រដៀងហួយ…
តារាចម្រៀងមាស អាលីស ដែលបានចាកឆ្ងាយស្រុកទៅកាន់ប្រទេសអាមេរិកជាច្រើនខែទៅហើយនោះបានចេញវីដេអូមួយនៅទីនោះជាមួយចម្រៀងដែលនិយាយពីជីវិតតស៊ូយ៉ាងខ្លាំង ពេលដល់ដីមហាអំណាច ហើយបែកបងប្អូន និងអ្នកម្តាយជាទីគោរព ។ ចំរដូវភ្ជុំកៀកទៅៗមាស អាលីស ដែលមានទឹកដមសំឡេងស្រដៀងហួយ មាស បានចេញទៅអាមេរិកសម្តែង៦ខែ ជារយៈពេលយូរ ហើយជាឱកាសលើកទី១សម្រាប់នាង ស្រាប់តែបានបង្ហាញនូវអារម្មណ៍សោកសៅពេលខែបុណ្យ ។
តារាស្រគត់ស្រគំរូបនេះបាននិយាយក្នុងខ្សែអាត់វីដេអូថា នាងមកសម្តែងនៅសហរដ្ឋអាមេរិកបាន៣ខែហើយដោយបញ្ចប់ការងារនេះនៅចុងឆ្នាំ២០១៩ វិលមកវិញ ។ នាងបានផ្ញើក្តីនឹករលឹកដល់អ្នកគាំទ្រដោយថែមទាំងសម្តែងនូវពាក្យពេចន៍មួយចំនួនថា នៅទីនេះនាងសុខសប្បាយជាធម្មតា ព្រោះមានបងប្អូនខ្មែរទទួលកក់ក្តៅដូចកូនដូចចៅ ។ ប៉ុន្តែអ្វីដែលនាងមិនអាចបំភ្លេចបានការនឹករលឹកដល់សាច់ញាតិរបស់ដែលមិនបានជួបជុំធ្វើបុណ្យពេលរដូលភ្ជុំ ។
ពិសេសអ្នកម្តាយដែលតស៊ូមើលថែកូនៗរហូតទោះហត់នឿយ ។ តារាដែលបាត់បង់លោកឪពុកកាលពីប៉ុន្មានខែមុនរូបនេះ តទៀតថា សូមយុវវ័យទាំងឡាយគោរពឪពុកម្តាយធ្វើបុណ្យទាន់ខែភ្លឺធ្វើអ្វីៗដែលល្អឲ្យគាត់សប្បាយចិត្តខិតខំរៀន ដើម្បីអនាគតជៀសវាងបាត់បង់នាំឲ្យសោកស្តាយពេញមួយជីវិត ៕ កែសម្រួលដោយ ៖ សុឃាក់
ចែករំលែកព័តមាននេះ