រាជធានីភ្នំពេញ ៖ រដ្ឋបាលខណ្ឌទួលគោក នៅព្រឹកថ្ងៃទី២៥ ខែកញ្ញានេះ បានជួបជុំសំណេះសំណាលជាមួយមន្ត្រីរាជការចូលនិវត្តន៍ និងមន្ត្រីរាជការ កម្លាំងប្រជាការពារជុំវិញខណ្ឌព្រមទាំងឧបត្ថកិច្ចថវិកាមួយចំនួនជាការលើកទឹកចិត្តក្នុងឱកាសបុណ្យភ្ជុំបិណ្ឌប្រពៃណីជាតិ ។ ពីធីនេះមានការចូលរួមពីលោក ម៉ែន សេរី ប្រធានក្រុមប្រឹក្សាខណ្ឌ និងលោក ឯក ឃុនដឿន អភិបាលនៃគណៈអភិបាលខណ្ឌទួលគោកព្រមទាំងមានការចូលរួមពីមន្ត្រីចូលនិវត្តន៍ មន្ត្រីរាជការប្រមាណជាង៣០០នាក់ ។
លោកឯក ឃុនដឿន បានអោយដឹងថា ជារៀងរាល់ឆ្នាំ អោយតែដល់រដូវបុណ្យភ្ជុំបិណ្ឌ បុណ្យចូលឆ្នាំ និងថ្ងៃ៨មិនា រដ្ឋបាលខណ្ឌទួលគោក តែងតែជួបជុំសំណេះសំណាល់ និងឧបត្ថម្ភជាថវិកាមួយចំនួនជាការលើកទឹកចិត្តដល់មន្ត្រីរាជការដែលបានខិតខំបំពេញការងារកន្លងមកព្រមទាំងបានទៅធ្វើបុណ្យទានដើម្បីឧទ្ទិសកុសលជួនដលវិញ្ញាណក្ខន្ធដីដូនជីតា និងញាតិការទាំង៧សន្តានដែលបានចែកឋានទៅ ។
ក្នុងឱកាសនោះលោក អភិបាលខណ្ឌក៏បានពាំនាំនូវប្រសាសន៍ផ្ដាំផ្ញើការសួរសុខទុក្ខពីសំណាក់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត និងលោក ឃួង ស្រេង អភិបាលនៃគណៈអភិបាលរាជធានីភ្នំពេញផងដែរ ។ ដោយសារតែមានការយកចិត្តទុកដាក់នៅក្នុងឱកាសបុណ្យភ្ជុំបិណ្ឌនេះសម្តេចក៏បានជួយឧបត្ថម្ភនូវថវិកាចំនួន៥ម៉ឺនរៀលក្នុងម្នាក់ ។ បន្ថែមពីលើនេះទៀតសាលាខណ្ឌបានជួយឧបត្ថម្ភចំនួន៥ម៉ឺនរៀលក្នុងម្នាក់ៗបន្ថែមទៀត ។
លោកឯក ឃុន ដឿនអភិបាលខណ្ឌបានអោយដឹងទៀតថា កន្លងរដ្ឋបាលខណ្ឌទួលគោកទទួលបាននូវការកោតសសើរពីថ្នាក់ដឹកនាំ ។ នេះដោយសារតែមានការខិតខំប្រឹងប្រែង សាមគ្គីភាពគ្នារវាងមន្ត្រីរាជការក្នុងខណ្ឌទាំងអស់ ។ នៅក្នុងឱកាសនោះលោកម៉ែន សេរី ក៍បានផ្តាំផ្ញើរដល់មន្ត្រីរាជការកងសម្លាំងប្រដាប់អាវុធក៏ដូចជា ប្រជាពលរដ្ឋយកចិត្តទុកនៅមុនពេលចេញដំណើរពីផ្ទះទៅធ្វើបុណ្យត្រូវមានការប្រុងប្រយ័ត្ន មើលបិទទ្វារចាក់សោផ្ទះអោយបានត្រឹមត្រូវ ។ ជាពិសេសទៀតត្រូវមើលបិទភ្លើង ទៀនធូបចៀសវាងនាំអោយកើតមានអគ្គិភ័យជាយថាហេតុ ៕ កែសម្រួលដោយ ៖ សុឃាក់
ចែករំលែកព័តមាននេះ