ADផ្ទាំងផ្សព្វផ្សាយពាណិជ្ជកម្ម

ចុះបង្ក្រាបបទល្មើសនេសាទខុសច្បាប់ក្នុងស្រុកលើកដែក (មានវីដេអូ)

4 ឆ្នាំ មុន

កណ្តាល
២៥ ខែ កញ្ញា ឆ្នាំ ២០១៩ ម៉ោង ១៥:១៦

ខេត្តកណ្តាល ៖ យោងតាមបទបញ្ជារបស់លោកបណ្ឌិតម៉ៅ ភិរុណ អភិបាលនៃគណៈអភិបាលខេត្តកណ្តាល និងមានការណែនាំដោយផ្ទាល់ពីលោកចាប ច័ន្ទវិទ្យា អភិបាលស្រុកលើកដែក ក្នុងនាមប្រធានគណៈបញ្ជាការឯកភាពស្រុកតែងតែបានជម្រុញអោយមន្ត្រីក្រោមឱវាទយកចិត្តទុកដាក់ធ្វើការទប់ស្កាត់បង្ក្រាបអោយខានតែបាននូវរាល់បទល្មើសជលផលខុសច្បាប់នារដូវទឹកឡើងនៅក្នុងដែនសមត្ថកិច្ចរបស់ខ្លួនគ្រប់គ្រងអោយដូចភ្លៀងរលឹម គោលបំណងដើម្បីចូលរួមថែរក្សាធនធានមច្ឆជាតិអោយបានគង់វង់។…

ជាក់ស្តែងកាលពីថ្ងៃទី២៤ ខែកញ្ញា ឆ្នាំ២០១៩ កម្លាំងគណៈបញ្ជាការឯកភាពស្រុកលើកដែក មានជលផល សហគមន៍ នគរបាលសរុប១២នាក់ ដឹកនាំដោយលោកមាស សាន់ នាយសង្កាត់ជលផលស្រុក បានចុះបើកប្រតិបត្តិការបង្ក្រាបបទល្មើសនេសាទខុសច្បាប់ នៅត្រង់ចំណុចបឹងអាផាយ ក្នុងឃុំពាមរាំង ចំណុចបឹងចន្លិច ឃុំពាមរាំង ចំណុចបឹងទួលចាន់ ឃុំពាមរាំង ចំណុចបឹងទួលថ្ម ព្រែកតាសក ឃុំពាមរាំង។

ជាលទ្ធផលកម្លាំងសមត្ថកិច្រឹបអូសបានវត្ថុតាងរួមមាន ដាយត្រីលិញ៣មាត់ ក្រឡា២មីល្លីម៉ែត្រ ទំហំ៨ម៉ែត្រ ជម្រៅ៦ម៉ែត្រ បណ្តោយប្រវែង៨០ម៉ែត្រ, របាំងស្កាត់ព្រែកប្រវែង៥០ម៉ែត្រ, ព្រួល១៥ផែន, លូស្បៃមុង៣៦លូ, របាំងព្រួលស្បៃមុងប្រវែង១៧០០ម៉ែត្រ, បង្គោល១៧៥០ដើម និងបានលែងកូនត្រីចម្រុះចូលក្នុងបឹងធម្មជាតិវិញប្រហែល៥០គីឡូក្រាម ។ រីឯវត្ថុតាងត្រូវបានកម្លាំងកាប់បំផ្លាញនិងដុតកម្ទេចចោលនៅកន្លែងទីទួលផងដែរ។

ជាមួយគ្នានោះ ក្នុងនាមគណៈបញ្ជាការឯកភាពស្រុកលើកដែក លោកមាស សាន់ ក៏សូមអំពាវនាវដល់បងប្អូនប្រជានេសាទទាំងឡាយ ដែលកំពុងប្រកបមុខរបរនេសាទខុសច្បាប់សូមនាំគ្នាងាកមករករបរនេសាទត្រីណាដែលស្របច្បាប់វិញ ដើម្បីកុំអោយវាពាក់ព័ន្ធនឹងផ្លូវច្បាប់ ដែលធ្វើអោយបងប្អូនមានទោសពិសេសអាចប្រឈមនឹងករណីគ្រោះថ្នាក់ដល់អាយុជីវិតដោយសារតែការប្រើឧបករណ៍ឆក់នេះឯង៕ (កែសម្រួលដោយ ៖ ធីតា)