រាជធានីភ្នំពេញ ៖ ជាថ្មីម្តងទៀតតារាសម្តែង ម៉ាកសែន សូនីតា ហៅ តូតា និងគូស្នេហ៍របស់នាងត្រូវបានគេលើកឡើងថា នឹងរៀបការក្នុងពេលឆាប់ៗខាងមុខនេះហើយ ក្រោយពីដើរចែកសំបុត្រការដល់អ្នកសិល្បៈ…
រាជធានីភ្នំពេញ ៖ ជាថ្មីម្តងទៀតតារាសម្តែង ម៉ាកសែន សូនីតា ហៅ តូតា និងគូស្នេហ៍របស់នាងត្រូវបានគេលើកឡើងថា នឹងរៀបការក្នុងពេលឆាប់ៗខាងមុខនេះហើយ ក្រោយពីដើរចែកសំបុត្រការដល់អ្នកសិល្បៈ ។ កន្លងមក នាងធ្លាប់បានច្រានចោលពីព័ត៌មាននេះ តែថ្មីៗនេះមានព័ត៌មានក្រៅផ្លូវការមួយបានទម្លាយឲ្យដឹងថា ស្រីស្អាត ម៉ាកសែន សូនីតា កំពុងតែដើរចែកធៀបការយ៉ាងតក់ក្រហល់ជាមួយគូស្នេហ៍ គឺលោក ប៉ុល វិបូ ។
បើយោងតាមការបង្ហោះសាររបស់លោក ហេង ឡុង ដែលជាគូស្នេហ៍អ្នកនាង ចន ច័ន្ទលក្ខិណា នោះ គឺលោកបានបានព្រលយឲ្យដឹងថា តូតា បានចែកធៀបការឱ្យលោកដល់បាងកក ប្រទេសថៃ ។ ដោយសារតែបែបនេះហើយ ទើបមានគេភ្ញាក់ផ្អើល ហើយចង់ដឹងថានាងរៀបការនៅពេលណាឱ្យច្បាស់ បើធៀបការកំពុងដើរចែកទៅហើយនោះ ។
តូតា និងគូរស្នេហ៍ ដែលជាថៅកែផលិតកម្ម «អង្គរ Picture» ជាបុរសមានឥទ្ធិពលម្នាក់ត្រូវ បានគេដឹងថា ក្រៅផលិតកម្មពួកគេបានបើកជំនួញជាច្រើនរួមគ្នា ក្នុងនោះរួមមាន ភោជនីយដ្ឋានជាច្រើនកន្លែង និងជំនួញដីធ្លីជាច្រើនកន្លែងថែមទៀត ។ ប៉ុន្តែសម្រាប់ភោជនីយដ្ឋានមួយចំនួនដែលពួកគេទាំងពីរបានបើកឲ្យដំណើរការ និងបានទាំងលក់ franchise ផងនោះ គេឃើញមួយចំនួនបានបិទទ្វារទៅវិញហើយ ។
សូមរំឭកផងដែរថា ទោះបីជាពួកគេមានទំនាក់ទំនងស្នេហានិងគ្នាច្រើនឆ្នាំមកហើយក្ដី ក៏ចំណងស្នេហានេះនៅតែស្អិតល្មួតដដែល ៕ (កែសម្រួលដោយ ៖ បុប្ផា)
ចែករំលែកព័តមាននេះ