ខេត្តកំពង់ធំ ៖ សេចក្តីរាយការណ៍បឋមឲ្យដឹងថា ប្តីប្រពន្ធមួយគូ កាលពីវេលាម៉ោងប្រមាណ៧និង៣០
នាទីយប់ថ្ងៃទី២១ ខែកញ្ញា បានត្រូវខ្មាន់កាំភ្លើងបាញ់ប្រហារបណ្តាលឲ្យរងរបួស ខណៈកំពុងរៀបចំអីវ៉ាន់ដើម្បីសម្រាកក្នុងតូបលក់ដូរ ។ ហេតុការណ៍នេះ កើតឡើងនៅតំបន់ទួលស្រឡៅ ភូមិគ្រញូង ឃុំបឹងល្វា ស្រុកសន្ទុក ជាប់ព្រំប្រទល់ខេត្តក្រចេះ និងខេត្តកំពង់ចាម ។
ជនរងគ្រោះជាប្តីឈ្មោះ អេល រូន អាយុ៥៤ឆ្នាំ និងប្រពន្ធឈ្មោះ មាន សះ អាយុ៤៩ឆ្មាំ ។ តាមជនរងគ្រោះជាប្តីរៀបរាប់ប្រាប់សមត្ថកិច្ចថា មុនកើតហេតុ ពួកគាត់ទាំង២នាក់ប្តីប្រពន្ធកំពុងនៅក្នុងតូបលក់គ្រឿងទេស ដែលប្រពន្ធកំពុងរៀបចំអីវ៉ាន់ ចំណែករូបគាត់ឡើងដេកលើឡៅតឿ ។
ពេលនោះស្រាប់តែខ្មាន់កាំភ្លើងមិនស្គាល់អត្តសញ្ញាណ ដោយមានស្ពាយកាំភ្លើងអាកា១ដើមផង បានដេីរមកកាន់តូបគាត់ហើយដោយមិននិយាយអ្វីមួយម៉ាត់បានបាញ់ទៅលេីប្រពន្ធគាត់ចំនួន២គ្រាប់ តែមិនបណ្តាលឲ្យរងរបួសទេ ។
ក្នុងហេតុការណ៍នេះ ប្រពន្ធបានស្រែកហៅគាត់ដែលនៅដេកលេីឡៅតឿឲ្យចុះ លុះគាត់ស្ទុះចុះមកដល់ក៏ត្រូវជនសង្ស័យបាញ់១គ្រាប់ទៀតបណ្តាលឲ្យធ្លាយប្រអប់ជេីង ហើយជនសង្ស័យក៏រត់គេចខ្លួនបាត់ភ្លាមទៅ ។ ករណីខាងលើនេះ សមត្ថកិច្ចសន្និដ្ឋានថា ជារឿងគំនុំ និងកំពុងធ្វើការស្រាវជ្រាវ ៕ (សម្រួលដោយ៖ ស្រីណា)
ចែករំលែកព័តមាននេះ