5ដងមិនអស់ចិត្ត Messi ឆក់យកពានទី6 ធ្វើឱ្យ van Dijk និង Ronaldo អំបិលទាំង2
តាមប្រភពព័ត៌មាន ESPN បានឱ្យដឹងថា កីឡាករជើងខ្លាំង Lionel Messi បានស៊ីដាច់ Virgil van Dijk…
តាមប្រភពព័ត៌មាន ESPN បានឱ្យដឹងថា កីឡាករជើងខ្លាំង Lionel Messi បានស៊ីដាច់ Virgil van Dijk…
តាមប្រភពព័ត៌មាន ESPN បានឱ្យដឹងថា កីឡាករជើងខ្លាំង Lionel Messi បានស៊ីដាច់ Virgil van Dijk កីឡាករខ្សែការពាររបស់ក្លិប Liverpool និង Cristiano Ronaldo ជើងខ្លាំងរបស់ក្លិបសេះបង្កង់ Juventus ដោយបានទទួលពាន FIFA’s The Best Award ជាលើកទី៦ កាលពីថ្ងៃចន្ទ ។
ពានដ៏អស្ចារ្យនេះត្រូវបានប្រគល់ជូនដល់កាពីទែន Barcelona និង អាហ្សង់ទីន Lionel Messi នៅក្នុងកម្មវិធីនៅ Milan ។ កីឡាករអាយុ៣២ឆ្នាំរូបនេះបាននាំ Barcelona ឱ្យឈ្នះ LaLiga ជាលើកទី៤នៅក្នុងរដូវកាលប្រាំកន្លងមក ដោយរកគ្រាប់បាល់បាន៣៦គ្រាប់ ក្នុងការប្រកួត៣៥ដងកាលពីរដូវកាលមុន។ សរុបនៅក្នុងការប្រកួតទាំងអស់ គេរកបានគ្រាប់បាល់ចំនួន៥១គ្រាប់ ។
ពាននេះកាលពីឆ្នាំមុន ត្រូវបានយកដោយខ្សែបម្រើរបស់ Real Madrid និង ក្រុមជម្រើសជាតិក្រូអាត Luka Modric ដែលគេបានធ្វើឱ្យដាច់សង្វាក់របស់ Messi និង Ronaldo តែពេលនេះ Messi បានដណ្តើមយកមកវិញបានហើយ ដែលធ្លាប់ឈ្នះចំនួន៦ដងមកហើយ បើរាប់ទាំងលើកនេះ ។ គេធ្លាប់លើកពាននេះនៅឆ្នាំ ២០០៩ ២០១០ ២០១១ ២០១២ និង ២០១៥។
គួរបញ្ជាក់ផងដែរថា លទ្ធផលបោះឆ្នោត គឺឃើញថា Messi បានទទួល៤៦ពិន្ទុ Van Dijk បាន៣៨ពិន្ទុ និង Ronaldo បាន៣៦ពិន្ទុ។ ក្រៅពីនេះទៀតមានដូចជាកីឡាករ Mohamed Salah, Sadio Mane, Kylian Mbappe, Frenkie de Jong, Eden Hazard, Mattijs de Ligt និង Harry Kane៕
ប្រភព ៖ espn , កែសម្រួលដោយ ៖ សំណាង
ចែករំលែកព័តមាននេះ