ខេត្តមណ្ឌលគិរី៖ សមត្ថកិច្ចបានឲ្យដឹងថា អាវុធប្រភេទAKស្វាយបត់មួយដើម ត្រូវបានប្រជាពលរដ្ឋប្រទះឃើញ រួចយកទៅប្រគល់ជូនសមត្ថកិច្ចនៅព្រឹកថ្ងៃទី២៤ កញ្ញា នេះ ។
សមត្ថកិច្ចឱ្យដឹងទៀតថា ប្រជាពលរដ្ឋល្អខាងលើ ឈ្មោះ ដារ៉ា ស្រែន ភេទប្រុស អាយុ៣៩ឆ្នាំ រស់នៅភូមិពូចារ ឃុំមេម៉ង់ ស្រុកកែវសីមា បានយកអាវុធមួយដើមមកប្រគល់អោយសមត្តកិច្ចនៅប៉ុស្តិ៍នគរបាលរដ្ឋ បាលមេម៉ង់ ។
ប្រភពបន្តថា អាវុធនោះម៉ាកAKស្វាយបត់ មានលក្ខណះៈគ្រប់គ្រាន់ ប៉ុន្តែវាខូចគុណភាពប្រើប្រាស់ទៅហើយ កាំភ្លើងនេះ ត្រូវពលរដ្ឋរើសបាននៅក្នុងព្រៃ ដោយបង្កប់នៅក្នុងរន្ធឈើមួយនៅចំណុចភ្នំកុងណឹស ។ (សម្រួលដោយ៖ ស្រីណា)
ចែករំលែកព័តមាននេះ