សោម ឯក មានទោសជាប់ខ្លួនសរុប57ឆ្នាំ
- ភ្នំពេញ
រាជធានីភ្នំពេញ ៖ លោក យិន សារឿន ចៅក្រមជំនុំជម្រះសាលាដំបូងរាជធានីភ្នំពេញ កាល ពីព្រឹកថ្ងៃទី២៣ ខែកញ្ញា ក្រោយពេលចប់សវនាការ…
រាជធានីភ្នំពេញ ៖ លោក យិន សារឿន ចៅក្រមជំនុំជម្រះសាលាដំបូងរាជធានីភ្នំពេញ កាល ពីព្រឹកថ្ងៃទី២៣ ខែកញ្ញា ក្រោយពេលចប់សវនាការ…
រាជធានីភ្នំពេញ ៖ លោក យិន សារឿន ចៅក្រមជំនុំជម្រះសាលាដំបូងរាជធានីភ្នំពេញ កាល ពីព្រឹកថ្ងៃទី២៣ ខែកញ្ញា ក្រោយពេលចប់សវនាការ បានប្រកាសសាលក្រមផ្តន្ទាទោសទណ្ឌិត សោម ឯក ដាក់ពន្ធ នាគារកំណត់១១ឆ្នាំ ក្រោមការចោទប្រកាន់ពីបទមនុស្សឃាតទាក់ទងនឹងមរណភាពជនរងគ្រោះ សាលក្រមនេះទៀត ក៏បានផ្តន្ទាទោសគូកនរបស់ សោម ឯក ឈ្មោះ ហូរ សម្បត្តិ ដាក់ពន្ធនាគារកំណត់១៣ឆ្នាំ គិតពីថ្ងៃចាប់ខ្លួន(ហូរសម្បត្តិ កំពុងនៅក្រៅឃុំ) ដែលជាជនដៃដល់ធ្វើឃាតជនរងគ្រោះ ។
អង្គហេតុក្នុងសំណុំរឿងមនុស្សឃាតនេះបានឱ្យដឹងថា កាលពីថ្ងៃទី១៨ ខែសីហា ឆ្នាំ២០០០ ទណ្ឌិត សោម ឯក និងបក្ខពួកឈ្មោះ ហូរ សម្បត្តិ បានរួមគំនិតគ្នាប្រព្រឹត្តអំពើមនុស្សឃាតលើជនរងគ្រោះម្នាក់ ដោយប្រើដាវចាក់ពីក្រោយ បណ្តាលឲ្យស្លាប់ ។ ហេតុការណ៍នេះបានកើត ឡើងនៅក្នុងសង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ។
គួរបញ្ជាក់ថា ទណ្ឌិត សោម ឯក ភេទប្រុស អាយុ៥៤ឆ្នាំ ជាមេភេរវកម្មចលនាតស៊ូក្បាលខ្លា ធ្លាប់បានដឹកនាំសមាជិកក្រុមប្រព្រឹត្តបទល្មើស និងឧក្រិដ្ឋជាច្រើនករណីដូចជា ករណីដាក់បំផ្ទុះគ្រាប់បែកនៅស្តូបមិត្តភាពកម្ពុជា-វៀតណាម ករណីដាក់គ្រាប់បែកនៅមុខក្រសួងការពារជាតិ ក្នុងអំឡុងឆ្នាំ២០០០ ហើយត្រូវបានសមត្ថកិច្ចចាប់ខ្លួន រហូតមានសាលក្រមផ្តន្ទាទោសជននេះដាក់ពន្ធនាគារសរុបចំនួន៤៦ឆ្នាំ ពាក់ព័ន្ធនឹងបទល្មើសធ្វើភេរវកម្មប្រឆាំងមនុស្សជាតិ និងប៉ុនប៉ងផ្តួលរំលំរាជរដ្ឋាភិបាលដែលកើតឡើងស្របច្បាប់។
គួររំឭកផងដែរថា ខណៈកំពុងឃុំខ្លួនក្នុងពន្ធនាគារ ទណ្ឌិត សោម ឯក ដែលទៅសម្រាកព្យាបាលជំងឺនៅមន្ទីរពេទ្យមិត្តភាពកម្ពុជា-សូវៀត បានលួចរត់គេចខ្លួននៅយប់ថ្ងៃទី៨ ខែតុលា ឆ្នាំ២០១៧ តែត្រូវសមត្ថកិច្ចចាប់ខ្លួនបានមកវិញ នៅថ្ងៃទី២៦ ខែតុលា ឆ្នាំដដែល នៅខេត្តសៀមរាប ៕
ចែករំលែកព័តមាននេះ