ប្រទេសឥណ្ឌណេស៊ី ៖ ទូរទស្សន៍ BBC បានរាយការណ៍កាលពីថ្ងៃទី២៣ ខែកញ្ញានេះថា ភ្លើងឆេះព្រៃបានបំផ្លាញព្រៃឈើមួយផ្នែកធំរបស់ប្រទេសឥណ្ឌូណេស៊ី ដោយបញ្ចេញផ្សែងពុលហុយដល់ម៉ាឡេស៊ី សិង្ហបុរី និងហ្វ៊ីលីពីន។…
ប្រទេសឥណ្ឌណេស៊ី ៖ ទូរទស្សន៍ BBC បានរាយការណ៍កាលពីថ្ងៃទី២៣ ខែកញ្ញានេះថា ភ្លើងឆេះព្រៃបានបំផ្លាញព្រៃឈើមួយផ្នែកធំរបស់ប្រទេសឥណ្ឌូណេស៊ី ដោយបញ្ចេញផ្សែងពុលហុយដល់ម៉ាឡេស៊ី សិង្ហបុរី និងហ្វ៊ីលីពីន។
មើលទៅហាក់បីដូចជាភ្លើងឆេះដល់ជាទីបញ្ចប់នៃពិភពលោក ប្រជាជនខេត្តហ្សាមប៊ីលើឆ្នេរសមុទ្រខាងកើតនៃកោះស៊ូម៉ាត្រា កាលពីចុងសប្ដាហ៍កន្លងទៅ បានឃើញផ្ទៃមេឃឡើងពណ៌ក្រហមច្រាល មើលទៅហាក់បីដូចទិដ្ឋភាពនៃឋាននរក។ ចំណែកពពកផ្សែងពុលយ៉ាងក្រាស់បណ្ដាលមកពីភ្លើងឆេះព្រៃ ដែលបំផ្លាញផ្នែកមួយធំនៃព្រៃឈើរបស់ប្រទេស បាននាំឲ្យមានការប៉ះពាល់ដល់សុខភាពរបស់មនុស្ស ពិសេសនាំឲ្យមានបញ្ហាភ្នែកនិងបំពង់ក។
ជារៀងរាល់ឆ្នាំឥណ្ឌូណេស៊ីតែងជួបប្រទះនឹងភ្លើងឆេះព្រៃដ៏សាហាវ បណ្ដាលមកពីការដុតរានយកដីដោយខុសច្បាប់ របស់បណ្ដាម្ចាស់កសិដ្ឋាននិងកសិករ ដែលចង់សម្អាតផ្ទៃដីរបស់ពួកគេ។ នោះជាអំពើដែលនាំឲ្យមានពពកផ្សែងហុយរៀងរាល់ឆ្នាំ រាតត្បាតរហូតដល់់បណ្ដាប្រទេសជិតខាងនៅអាស៊ីអាគ្នេយ៍។
តាមបណ្ដារូបភាពចេញផ្សាយតាមបណ្ដាញសង្គម គេឃើញផ្ទៃមេឃប្រែពណ៌ក្រហម ដោយអ្នកខ្លះធ្វើអត្ថាធិប្បាយប្រៀបប្រដូចទៅនឹងទិដ្ឋភាពនៅភពព្រះអង្គារ។
អាជ្ញាធរឥណ្ឌូណេស៊ីបានដាក់ពង្រាយអ្នកពន្លត់ភ្លើងនិងទាហានជិត៩០០០នាក់ប៉ុនប៉ងពន្លត់ភ្លើងឆេះព្រៃហើយប្រជាជននាំគ្នាបែរបន់ឲ្យមានភ្លៀងធ្លាក់៕ (កែសម្រួលដោយ ៖ បុប្ផា)
ចែករំលែកព័តមាននេះ