ខេត្តក្រចេះ ៖ ក្រុមមន្ត្រីសាខាកាំកុងត្រូលខេត្តក្រចេះ បានចុះពិនិត្យលើមុខទំនិញចំណីអាហារនៅផ្សារសាមគ្គីក្រុងក្រចេះ ក៏ដូចជានៅតាមបណ្តាផ្សារនានា ក្នុងគោលបំណង លើកកម្ពស់សុវត្ថិភាពចំណីអារហារដល់អ្នកទទួលទាន ក្នុងឱកាសពិធីបុណ្យកាន់បិណ្ឌ និងភ្ជុំបិណ្ឌ ។
អនុប្រធានសាខាកាំកុងត្រូលខេត្ត លោកយាង បាក បានថ្លែងថា ក្រុមមន្ត្រីរបស់លោក សហការជាមួយមន្ទីរពាណិជ្ជកម្មខេត្ត បានបង្កើនសកម្មភាពពេញមួយថ្ងៃទី២៣ កញ្ញា ក្នុងការចុះ ត្រួតពិនិត្យមើលលើគ្រប់មុខទំនិញ ដែលកំពុងតែដាក់លក់នៅតាមតូបផ្សារ និងផ្ទះផ្សារជាច្រើន កន្លែងក្នុងផ្សារសាមគ្គីក្រុងក្រចេះ។
លោកថា ជាលទ្ធផលនៃការចុះត្រួតពិនិត្យ មន្ត្រីជំនាញបានរកឃើញភេសជ្ជៈមួយចំនួន ដែលហួសសុពលភាព ដាក់វេចខ្ចប់នៅក្នុងស្លាដក់សម្រាប់ប្រគេនព្រះសង្ឃ ដែលត្រូវបានយកមក ដាក់តាំងលក់នៅលើទីផ្សាតែក៏ត្រូវបានរឹបអូស។
ក្រុមការងារការបានធ្វើតេស្តទៅលើគ្រឿងទំនិញជាឧភោគប្រចាំថ្ងៃ មានដូចជា សរសៃគុយទាវ ខ្ញីហាន់ ត្រសក់ចាវ ផ្អក ប្រហុក សាច់ក្រក ស្ករត្នោត និងមុខម្ហូបអាហារជាច្រើនមុខទៀត ក្រោយពីធ្វើតេស្តបឋម គឺមិនបានរកឃើញសារធាតុគីមីមហាមឃាត់នោះទេ ។ តែក្រៅពីនោះ ភេសជ្ជៈមួយចំនួនត្រូវបានរកឃើញ ថា ហួសសុពលភាពប្រើប្រាស់ប្រចាំថ្ងៃ ។
លោកបន្តថា ដើម្បីធានាសុខភាពពលរដ្ឋជាអ្នកទទួលទាន នឹងដើម្បីធានាលើមុខម្ហូប គ្មានសារធាតុគីមី
គឺមន្ត្រីជំនាញសាខាកាំកុងត្រូល តែងតែចុះពិនិត្យនៅតាមផ្សារមួយចំនួនជាប់ជាប្រចាំ ។
ក្រៅពីនោះមន្ត្រីជំនាញ ក៏បានចែកជូនផ្ទាំងរូបភាពផ្សព្វផ្សាយអប់រំសុខភាពសុវត្ថិភាព ចំណីអាហារ មុខទំទិញដែលហាមឃាត់ ហួសកាលបរិច្ឆេត ដូចជាំកំប៉ុងកំពិត កំប៉ុងច្រែះ និងផ្សព្វផ្សាយជួនដល់មហាជន ដើម្បីជ្រាប់ងាយស្រួលជ្រើសរើសផលិតផលម្ហូបអាហារណា ដែលមានគុណភាពសុវត្ថិភាព ការពារសុខភាព ចៀសវាងបរិភោគអាហារដែលមានសារធាតុគីមី ពុលនាំឱ្យប៉ះពាល់ដល់សុខភាព ។ (សម្រួលដោយ៖ស្រីណា)
ចែករំលែកព័តមាននេះ